ਵੈਨਕੂਵਰ ਆਈਲੈਂਡ ਵਿਚ ਓਵਰਡੋਜ਼ ਕਾਰਨ ਮਾਰੀ ਗਈ ਔਰਤ ਦੇ ਮਾਮਲੇ ਵਿਚ ਤਿੰਨ ਵਿਅਕਤੀ ਚਾਰਜ

ਬੀ. ਸੀ. ਦੇ ਨੈਨਾਇਮੋ ਵਿਚ ਓਵਰਡੋਜ਼ ਕਾਰਨ ਹੋਈ ਮੌਤ ਦੇ ਮਾਮਲੇ ਵਿਚ ਪੁਲਿਸ ਨੇ ਇਕ ਔਰਤ ਅਤੇ 2 ਵਿਅਕਤੀਆਂ ਨੂੰ ਫਸਟ ਡਿਗਰੀ ਕਤਲ ਦੇ ਦੋਸ਼ ਵਿਚ ਚਾਰਜ ਕੀਤਾ ਹੈ। ਪੁਲਿਸ ਵਲੋਂ ਇਕ ਸ਼ੱਕੀ ਦੀ ਭਾਲ ਕੀਤੀ ਜਾ ਰਹੀ ਹੈ ਅਤੇ ਲੋਕਾਂ ਨੂੰ ਮਦਦ ਕਰਨ ਦੀ ਅਪੀਲ ਕੀਤੀ ਗਈ ਹੈ। ਨੈਨਾਇਮੋ ਵਿਚ ਓਵਰਡੋਜ਼ ਕਾਰਨ ਬੀਤੇ ਸਾਲ ਇਕ ਔਰਤ ਦੀ ਮੌਤ ਹੋ ਗਈ ਸੀ।

ਬੀ. ਸੀ. ਦੇ ਸੰਯੁਕਤ ਫੋਰਸ ਸਪੈਸ਼ਲ ਇਨਫੋਰਸਮੈਂਟ ਯੂਨਿਟ ਮੁਤਾਬਕ ਅਗਸਤ 2023 ਵਿਚ ਵੈਨਕੂਵਰ ਆਈਲੈਂਡ ਦੀ ਟੀਮ ਨੂੰ ਪਤਾ ਲੱਗਾ ਕਿ ਔਰਤ ਦੀ ਮੌਤ ਸ਼ੱਕੀ ਹਾਲਾਤ ਵਿਚ ਹੋਈ ਸੀ। ਤਿੰਨੋਂ ਸ਼ੱਕੀਆਂ ਦੀ ਉਮਰ 41 ਤੋਂ 59 ਸਾਲ ਦੱਸੀ ਜਾ ਰਹੀ ਹੈ ਅਤੇ ਸਾਰੇ ਡੰਕਨ ਦੇ ਨੇੜਲੇ ਇਲਾਕੇ ਦੇ ਰਹਿਣ ਵਾਲੇ ਹਨ।

ਬੀ.ਸੀ. ਪ੍ਰੌਸੀਕਿਊਸ਼ਨ ਸਰਵਿਸ ਵਲੋਂ ਪਿਛਲੇ ਹਫਤੇ ਤਿੰਨਾਂ ਨੂੰ ਚਾਰਜ ਕੀਤਾ ਗਿਆ ਹੈ। ਔਰਤ ਅਤੇ ਇਕ ਵਿਅਕਤੀ ’ਤੇ ਕਤਲ ਲਈ ਉਕਸਾਉਣ ਦਾ ਦੋਸ਼ ਵੀ ਲੱਗਾ ਹੈ। ਖਾਸ ਲਾਗੂ ਕਰਨ ਦੀ ਇਕਾਈ ਮੁਤਾਬਕ ਦੋਹਾਂ ਨੂੰ ਪਹਿਲਾਂ ਹਿਰਾਸਤ ਵਿਚ ਲਿਆ ਗਿਆ ਜਦਕਿ ਤੀਜੇ ਸ਼ੱਕੀ ਦੀ ਭਾਲ ਲਈ ਵਾਰੰਟ ਜਾਰੀ ਕੀਤਾ ਗਿਆ ਹੈ।