ਬੀ.ਸੀ: ਇੱਕ ਘਰ 'ਚ ਤਿੰਨ ਲੋਕਾਂ ਦੀ ਸ਼ੱਕੀ ਹਾਲਤ ਵਿਚ ਮੌਤ

ਬੀ.ਸੀ. ਪੁਲਿਸ ਵਾਚਡੌਗ ਨੇ ਮੈਪਲ ਰਿਜ ਵਿਚ ਬੁੱਧਵਾਰ ਰਾਤ ਨੂੰ ਇੱਕ ਘਰ ਵਿਚ ਤਿੰਨ ਲੋਕਾਂ ਦੀ ਸ਼ੱਕੀ ਹਾਲਤ ਵਿਚ ਮੌਤ ਹੋਣ ਦੀ ਪੁਸ਼ਟੀ ਕੀਤੀ ਹੈ। ਬੀ.ਸੀ. ਦੇ ਸੁਤੰਤਰ ਜਾਂਚ ਦਫ਼ਤਰ ਨੇ ਕਿਹਾ ਕਿ ਪੁਲਿਸ ਦੇ ਰਾਤ 11 ਵਜੇ ਦੇ ਕਰੀਬ ਮੌਕੇ 'ਤੇ ਪਹੁੰਚਣ ਤੋਂ ਪਹਿਲਾਂ ਦੋ ਲੋਕਾਂ ਦੀ ਮੌਤ ਹੋ ਚੁੱਕੀ ਸੀ ਅਤੇ ਤੀਜੇ ਵਿਅਕਤੀ ਦੀ ਮੌਤ ਉਸ ਵਲੋਂ ਖੁਦ ਨੂੰ ਪਹੁੰਚਾਏ ਗਏ ਨੁਕਸਾਨ ਕਾਰਨ ਹੋਈ।

ਇਹ ਘਟਨਾ 239 ਸਟਰੀਟ ਅਤੇ 118 ਐਵੇਨਿਊ ਦੇ ਖੇਤਰ ਵਿਚ ਪੈਂਦੇ ਇੱਕ ਘਰ ਦੀ ਹੈ। ਪੁਲਿਸ ਨੇ ਅਜੇ ਤੱਕ ਇਸ ਘਟਨਾ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਹੈ।