11.01C Vancouver 11.01C VancouverApr 27, 2026 4:27 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਵਿਚ ਹਾਲ ਹੀ ਵਿਚ ਜ਼ਿਮਨੀ ਚੋਣਾਂ ਜਿੱਤਣ ਵਾਲੀਆਂ ਤਿੰਨ ਲਿਬਰਲ ਉਮੀਦਵਾਰ ਨੇ ਅੱਜ ਤੋਂ ਹਾਊਸ ਔਫ ਕਾਮਨਜ਼ ਵਿਚ ਆਪਣੀਆਂ ਸੀਟਾਂ ਸੰਭਾਲ ਲਈਆਂ ਹਨ। ਡੌਲੀ ਬੇਗਮ, ਡੈਨੀਅਲ ਮਾਰਟਿਨ ਅਤੇ ਟੈਟੀਆਨਾ ਔਗਸਟੇ ਨੇ ਬੀਤੇ ਸ਼ਨੀਵਾਰ ਨੂੰ ਐਮ.ਪੀ. ਵਜੋਂ ਸਹੁੰ ਚੁੱਕੀ ਸੀ।
ਡੌਲੀ ਬੇਗਮ ਅਤੇ ਡੈਨੀਅਲ ਮਾਰਟਿਨ ਪਹਿਲੀ ਵਾਰ ਸੰਸਦ ਪਹੁੰਚੀਆਂ ਹਨ, ਜਿਨ੍ਹਾਂ ਨੇ ਟੋਰਾਂਟੋਰਾਈਡਿੰਗ ਦੀਆਂ ਸੀਟਾਂ 'ਤੇ ਸਾਬਕਾ ਲਿਬਰਲ ਕੈਬਨਿਟ ਮੰਤਰੀਆਂ ਬਿਲ ਬਲੇਅਰ ਅਤੇ ਕ੍ਰਿਸਟੀਆ ਫ੍ਰੀਲੈਂਡ ਦੀ ਜਗ੍ਹਾ ਲਈ ਹੈ।
ਉਥੇ ਹੀ,ਟੈਟੀਆਨਾ ਔਗਸਟੇ ਨੇ ਬਲਾਕ ਕਿਊਬੈਕਵਾ ਦੇ ਗੜ੍ਹ ਮੰਨੇ ਜਾਂਦੇ ਟੈਰੇਬੋਨ ਹਲਕੇ ਤੋਂ ਜਿੱਤ ਹਾਸਲ ਕੀਤੀ ਸੀ, ਇਥੇ ਸੁਪਰੀਮ ਕੋਰਟ ਔਫ ਕੈਨੇਡਾ ਵੱਲੋਂ ਪਿਛਲੀਆਂ ਚੋਣਾਂ ਦੇ ਨਤੀਜੇ ਨੂੰ ਰੱਦ ਕਰਨ ਤੋਂ ਬਾਅਦ ਦੁਬਾਰਾ ਇਲੈਕਸ਼ਨ ਹੋਈ ਸੀ।
ਇਸ ਨਾਲ ਹੁਣ ਸੰਸਦ ਦਾ ਸਮੀਕਰਨ ਪੂਰੀ ਤਰ੍ਹਾਂ ਬਦਲ ਚੁੱਕਾ ਹੈ ਅਤੇ ਵਿਰੋਧੀ ਦਲਾਂ ਤੋਂ ਪਿਛਲੇ ਛੇ ਮਹੀਨਿਆਂ ਵਿਚ ਪੰਜ ਐਮ.ਪੀ. ਦੇ ਲਿਬਰਲ ਪਾਰਟੀ ਵਿਚ ਸ਼ਾਮਲ ਹੋਣ ਤੋਂ ਬਾਅਦ ਹੁਣ ਸਰਕਾਰ 174 ਸੀਟਾਂ ਨਾਲ ਬਹੁਮਤ ਵਿਚ ਹੈ।
