ਇਲੈਕਸ਼ਨ ਐਲਬਰਟਾ ਨੇ ਤਿੰਨ ਹੋਰ ਵਿਧਾਇਕਾਂ ਖਿਲਾਫ ਰੀਕਾਲ ਪਟੀਸ਼ਨ ਨੂੰ ਦਿੱਤੀ ਮਨਜ਼ੂਰੀ

ਇਲੈਕਸ਼ਨ ਐਲਬਰਟਾ ਨੇ ਤਿੰਨ ਹੋਰ ਵਿਧਾਇਕਾਂ ਖਿਲਾਫ ਰੀਕਾਲ ਪਟੀਸ਼ਨ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਹਾਲ ਹੀ ਵਿਚ ਦੋ ਯੂਨਾਈਟਿਡ ਕੰਜ਼ਰਵੇਟਿਵ ਬੈਕਬੈਂਚਰ ਅਤੇ ਇਕ ਵਿਰੋਧੀ ਧਿਰ ਨਿਊ ਡੈਮੋਕ੍ਰੇਟ ਦੇ ਵਿਧਾਇਕ ਖਿਲਾਫ ਪਟੀਸ਼ਨ ਜਾਰੀ ਹੋਈ ਹੈ। ਇਸ ਦੇ ਨਾਲ ਹੀ ਪ੍ਰੀਮੀਅਰ ਡੈਨੀਅਲ ਸਮਿਥ ਦੀ ਅੱਧੀ ਕਾਕਸ ਖਿਲਾਫ ਪਟੀਸ਼ਨ ਦਰਜ ਹੋਈਆਂ ਹਨ।

ਇਨ੍ਹਾਂ ਵਿਚ ਪ੍ਰੀਮੀਅਰ ਡੈਨੀਅਲ ਸਮਿਥ ਅਤੇ ਸੂਬੇ ਦੇ ਕਈ ਮੰਤਰੀ ਵੀ ਸ਼ਾਮਲ ਹਨ। ਐਲਬਰਟਾ ਵਿਚ ਕਰੀਬ 90 ਸਾਲਾਂ ਬਾਅਦ ਕਿਸੇ ਪ੍ਰੀਮੀਅਰ ਨੂੰ ਰੀਕਾਲ ਪਟੀਸ਼ਨ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।

ਇਲੈਕਸ਼ਨ ਐਲਬਰਟਾ ਦੀ ਅਧਿਕਾਰਤ ਤੌਰ 'ਤੇ ਇਸ ਪਟੀਸ਼ਨ ਨੂੰ ਮਨਜ਼ੂਰੀ ਮਿਲਣ ਮਗਰੋਂ ਜਿਸ ਤੋਂ ਬਾਅਦ ਦਸਤਖਤ ਇਕੱਠੇ ਕਰਨ ਦੀ ਮੁਹਿੰਮ ਸ਼ੁਰੂ ਹੋ ਗਈ ਹੈ। ਸਮਿਥ ਖਿਲਾਫ ਉਸ ਦੀ ਰਾਈਡਿੰਗ ਦੇ ਲੋਕਾਂ ਕੋਲੋਂ ਸਿਗਨੇਚਰ ਇਕੱਠੇ ਕਰਨ ਲਈ ਪਟੀਸ਼ਨਕਰਤਾ ਕੋਲ 11 ਦਸੰਬਰ ਤੋਂ 10 ਮਾਰਚ,2026 ਤੱਕ ਦਾ ਸਮਾਂ ਹੈ।