8.7C Vancouver 8.7C VancouverJul 23, 2025 6:02 PM - The Canadian Press
ਬ੍ਰਿਟਿਸ਼ ਕੋਲੰਬੀਆ ਦੇ ਰੈੱਡ ਕ੍ਰਿਸ ਤਾਂਬੇ ਅਤੇ ਸੋਨੇ ਦੀ ਖਾਨ ਵਿੱਚ ਤਿੰਨ ਮਜ਼ਦੂਰ ਫਸ ਗਏ ਹਨ,ਜਿਨ੍ਹਾਂ ਨੂੰ ਬਾਹਰ ਕੱਢਣ ਦਾ ਕਾਰਜ ਸ਼ੁਰੂ ਕਰ ਦਿੱਤਾ ਗਿਆ ਹੈ। ਬੀ.ਸੀ.ਦੇ ਪ੍ਰੀਮੀਅਰ ਡੇਵਿਡ ਈਬੀ ਨੇ ਓਨਟਾਰੀਓ ਵਿੱਚ ਪ੍ਰੀਮੀਅਰਾਂ ਦੇ ਇਕੱਠ ਦੇ ਦੌਰਾਨ ਇਸ ਖ਼ਬਰ ਬਾਰੇ ਜਾਣਕਾਰੀ ਦਿੱਤੀ। ਈਬੀ ਦਾ ਕਹਿਣਾ ਹੈ ਕਿ ਖਾਨ ਵਿੱਚ ਇਹ ਹਾਦਸਾ ਰਾਤ ਨੂੰ ਵਾਪਰਿਆ।
ਮਿਲੀ ਜਾਣਕਾਰੀ ਅਨੁਸਾਰ ਕਾਮੇ ਜ਼ਖਮੀ ਨਹੀਂ ਹੋਏ ਹਨ। ਪ੍ਰੀਮੀਅਰ ਦਾ ਕਹਿਣਾ ਹੈ ਕਿ ਉਹ ਖਾਨ ਦੇ ਮਾਲਕ ਦੇ ਸੰਪਰਕ ਵਿੱਚ ਹਨ ਜੋ ਵਿਸ਼ਵ-ਪ੍ਰਮੁੱਖ ਮਾਈਨਿੰਗ ਬਚਾਅ ਮਾਹਰਾਂ ਨਾਲ ਕੰਮ ਕਰ ਰਹੇ ਹਨ। ਜ਼ਿਕਰਯੋਗ ਹੈ ਕਿ ਖਾਨ ਵਿੱਚ ਫਸੇ ਦੋ ਮਜ਼ਦੂਰ ਬੀ.ਸੀ.ਅਤੇ ਇੱਕ ਓਨਟਾਰੀਓ ਤੋਂ ਹੈ। ਹਾਲਾਂਕਿ ਇਹ ਸਪੱਸ਼ਟ ਨਹੀਂ ਕੀਤਾ ਗਿਆ ਕਿ ਇਨ੍ਹਾਂ ਮਜ਼ਦੂਰਾਂ ਨੂੰ ਬਾਹਰ ਕੱਢਣ 'ਤੇ ਕਿੰਨਾ ਸਮਾਂ ਲੱਗ ਸਕਦਾ ਹੈ।
