13.32C Vancouver 13.32C VancouverJan 22, 2021 11:43 PM -
ਬੀ.ਸੀ. ਸਰਕਾਰ ਨੇ 3 ਪੋਸਟ ਕੋਵਿਡ ਰਿਕਵਰੀ ਕਲੀਨਿਕ ਸਥਾਪਿਤ ਕੀਤੇ ਹਨ।
ਇਹ ਕਲੀਨਿਕ ਉਨ੍ਹਾਂ ਮਰੀਜ਼ਾਂ ਲਈ ਸਥਾਪਿਤ ਕੀਤੇ ਗਏ ਹਨ, ਜੋ ਨੋਵਲ ਕੋਰੋਨਾ ਵਾਇਰਸ ਦੇ ਲੰਮੇ ਸਮੇਂ ਦੇ ਪ੍ਰਭਾਵਾਂ ਤੋਂ ਪੀੜਤ ਹਨ।
ਸੇਂਟ ਪੌਲਸ ਹਸਪਤਾਲ, ਵੈਨਕੂਵਰ ਜਨਰਲ ਹਸਪਤਾਲ, ਅਤੇ ਜਿੰਮ ਪੈਟੀਸਨ ਆਊਟਪੇਸ਼ੈਂਟ ਕੇਅਰ ਅਤੇ ਸਰਜਰੀ ਸੈਂਟਰ ਸਰੀ 'ਚ ਕਲੀਨਿਕ ਸਥਾਪਿਤ ਕੀਤੇ ਗਏ ਹਨ।
ਇਹਨਾਂ ਕਲੀਨਿਕਸ 'ਚ ਵੱਖੋ-ਵੱਖਰੇ ਹੈਲਥ ਮਾਹਿਰਾਂ ਵੱਲੋਂ ਇੰਟਰਡਿਸੀਪਲੀਨਰੀ ਕੇਅਰ ਪ੍ਰਦਾਨ ਕੀਤੇ ਜਾਣਗੇ।
ਇੱਕ ਬਿਆਨ 'ਚ ਇਹ ਵੀ ਦੱਸਿਆ ਗਿਆ ਕਿ ਤਿੰਨੇ ਕਲੀਨਿਕਸ, ਮਾਹਿਰਾਂ ਨੂੰ ਕੋਵਿਡ-19 ਦੇ ਲੰਮੇ ਸਮੇਂ ਦੇ ਮਾੜੇ ਪ੍ਰਭਾਵਾਂ ਬਾਰੇ ਸਮਝਣ 'ਚ ਵੀ ਮਦਦ ਕਰਨਗੇ।
ਸੇਂਟ ਪੌਲਸ ਹਸਪਤਾਲ 'ਚ ਡਾਕਟਰਾਂ ਦਾ ਕਹਿਣਾ ਹੈ ਕਿ ਹੁਣ ਤੱਕ 160 ਤੋਂ ਵਧੇਰੇ ਪੋਸਟ ਕੋਵਿਡ ਮਰੀਜ਼ ਹਸਪਤਾਲ ਤੱਕ ਪਹੁੰਚ ਕਰ ਚੁੱਕੇ ਹਨ।
ਇਸ ਦੇ ਲੰਮੇ ਸਮੇਂ ਦੇ ਪ੍ਰਭਾਵਾਂ 'ਚ ਸਾਹ 'ਚ ਪ੍ਰੇਸ਼ਾਨੀ, ਸ਼ਰੀਰ ਟੁੱਟਣਾ ਅਤੇ ਸੁੰਘਣ ਜਾਂ ਸਵਾਦ ਦੀ ਸ਼ਕਤੀ ਗਵਾਉਣ ਦੇ ਮਾਮਲੇ ਸ਼ਾਮਿਲ ਹਨ।
