15.25C Vancouver 15.25C VancouverAug 12, 2021 9:24 PM -
ਐਨਵਾਇਰਨਮੈਂਟ ਕੈਨੇਡਾ ਦਾ ਕਹਿਣਾ ਹੈ ਕਿ ਬੁੱਧਵਾਰ ਨੂੰ ਬੀ.ਸੀ. 'ਚ ਤਾਪਮਾਨ ਦੇ 3 ਨਵੇਂ ਰਿਕਾਰਡ ਸਥਾਪਿਤ ਹੋਏ ਹਨ।
ਪੈਂਟੀਕਟਨ 'ਚ ਕੱਲ 36.7 ਡਿਗਰੀ ਦਾ ਤਾਪਮਾਨ ਦਰਜ ਹੋਇਆ।
ਇਸ ਦੇ ਨਾਲ ਇਲਾਕੇ 'ਚ 54 ਸਾਲ ਪੁਰਾਣਾ ਗਰਮੀ ਦਾ ਰਿਕਾਰਡ ਟੁੱਟ ਗਿਆ ਹੈ।
ਇਸ ਤੋਂ ਇਲਾਵਾ ਪ੍ਰਿੰਸਟਨ ਵਿੱਚ 40 ਸਾਲ ਪੁਰਾਣ ਰਿਕਾਰਡ ਟੁੱਟਿਆ ਹੈ।
ਇਸ ਇਲਾਕੇ 'ਚ 37.5 ਡਿਗਰੀ ਦਾ ਤਾਪਮਾਨ ਰਿਕਾਰਡ ਕੀਤਾ ਗਿਆ।
ਅੱਗ ਕਾਰਨ ਤਬਾਹ ਹੋਏ ਲਿਟਨ ਦੇ ਇਲਾਕੇ 'ਚ ਵੀ ਗਰਮੀ ਦੇ ਰਿਕਾਰਡ ਟੁੱਟੇ ਜਿੱਥੇ 40.3 ਡਿਗਰੀ ਦਾ ਤਾਪਮਾਨ ਦਰਜ ਹੋਇਆ।
ਇਸ ਇਲਾਕੇ 'ਚ ਗਰਮੀ ਦਾ 7 ਸਾਲ ਪੁਰਾਣਾ ਰਿਕਾਰਡ ਟੁੱਟਿਆ ਹੈ।
ਯਾਦ ਰਹੇ ਬੀ.ਸੀ. 'ਚ ਸਿਹਤ ਅਧਿਕਾਰੀਆਂ ਨੇ ਲੋਕਾਂ ਨੂੰ ਹੀਟ ਵੇਵ ਪ੍ਰਤੀ ਸਾਵਧਾਨ ਕੀਤਾ ਹੈ।
ਸੂਬੇ ਦੇ ਪਬਲਿਕ ਸੇਫਟੀ ਮੰਤਰੀ ਮਾਈਕ ਫਾਰਨਵਰਥ, ਸਿਹਤ ਮੰਤਰੀ ਐਡਰੀਅਨ ਡਿਕਸ ਅਤੇ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਬੁੱਧਵਾਰ ਨੂੰ ਹੀਟ ਵੇਵ ਪ੍ਰਤੀ ਸਾਵਧਾਨ ਕਰਨ ਲਈ ਇੱਕ ਨਿਊਜ਼ ਕਾਨਫਰੰਸ ਵੀ ਕੀਤੀ ਸੀ।
ਡਿਕਸ ਨੇ ਕਿਹਾ ਕਿ ਐਂਬੂਲੈਂਸ, ਹੈਲਥ ਕੇਅਰ ਅਤੇ ਐਮਰਜੈਂਸੀ ਮੈਨੇਜਮੈਂਟ ਰਿਸਪਾਂਸ ਨੂੰ ਹਾਈ ਗੇਅਰ 'ਚ ਸ਼ਿਫਟ ਕੀਤਾ ਜਾ ਰਿਹਾ ਹੈ।
ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਇਸ ਮੌਸਮ 'ਚ ਪਾਣੀ ਪੀਂਦੇ ਰਹਿਣਾ ਜਰੂਰੀ ਹੈ।
ਉਨ੍ਹਾਂ ਕਿਹਾ ਕਿ ਜਿਹੜੇ ਲੋਕਾਂ ਨੂੰ ਠੰਡੇ ਰਹਿਣ ਸੰਬੰਧੀ ਚੰਗੀ ਜਾਣਕਾਰੀ ਹੈ ਉਹ ਇਸ ਜਾਣਕਾਰੀ ਨੂੰ ਆਪਣੇ ਕਰੀਬੀਆਂ ਨਾਲ ਵੀ ਸਾਂਝੀ ਕਰਨ।
ਯਾਦ ਰਹੇ ਵੈਨਕੂਵਰ ਆਈਲੈਂਡ ਅਤੇ ਦੱਖਣੀ ਤਟ ਲਈ ਹੀਟ ਵੇਵ ਸੰਬੰਧੀ ਚੇਤਾਵਨੀਆਂ ਜਾਰੀ ਕੀਤੀਆਂ ਗਈਆਂ ਹਨ।
