11.2C Vancouver 11.2C VancouverApr 7, 2021 7:26 PM -
ਵੈਨਕੂਵਰ 'ਚ 3 ਸਿਟੀ ਕੌਂਸਲਰਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਪਾਰਟੀ ਨੇ ਮੇਅਰ ਦੇ ਕੈਂਡੀਡੇਟ ਦਾ ਐਲਾਨ ਕਰਦੇ ਹੋਏ ਉਨ੍ਹਾਂ ਨੂੰ ਅੱਖੋਂ ਪਰੋਖੇ ਕਰ ਦਿੱਤਾ।
ਮਾਮਲਾ ਅਗਲੇ ਸਾਲ ਦੀ ਚੋਣ ਲਈ ਨੌਨ-ਪਾਰਟੀਸਨ ਐਸੋਸੀਏਸ਼ਨ (Non-Partisan Association) ਦੇ ਮੇਅਰਲ ਕੈਂਡੀਡੇਟ ਦੇ ਐਲਾਨ ਨਾਲ ਜੁੜਿਆ ਹੈ।
ਇੱਕ ਔਨਲਾਈਨ ਬਿਆਨ ਜਾਰੀ ਕਰਦੇ ਹੋਏ ਐਨ.ਪੀ.ਏ. ਕੌਂਸਲਰ, ਸਾਰਾ ਕਰਬੀ ਯੰਗ (Sarah Kirby-Yung) ਨੇ ਕਿਹਾ ਹੈ ਕਿ "ਉਹ ਬੇਹੱਦ ਨਿਰਾਸ਼ ਹਨ ਕਿ ਉਨ੍ਹਾਂ ਦੀ ਪਾਰਟੀ ਨੇ ਕੈਂਡੀਡੇਟਸ ਦੇ ਐਲਾਨ ਲਈ ਇੱਕ ਖੁੱਲ੍ਹੀ, ਪਾਰਦਰਸ਼ੀ ਅਤੇ ਲੋਕਤੰਤਰਿਕ ਪ੍ਰੀਕਿਰਿਆ ਦਾ ਪਾਲਣ ਨਹੀਂ ਕੀਤਾ।"
ਇਸ ਬਿਆਨ 'ਤੇ ਕੌਂਸਲਰ ਲੀਜ਼ਾ ਡੋਮੀਨਾਟੋ (Lisa Dominato) ਅਤੇ ਕੋਲੀਨ ਹਾਰਡਵਿਕ (Colleen Hardwick) ਨੇ ਵੀ ਹਸਤਾਖਰ ਕੀਤੇ ਹਨ।
ਇਸ ਬਿਆਨ 'ਚ ਦੱਸਿਆ ਗਿਆ ਕਿ ਤਿੰਨਾਂ ਕੌਂਸਲਰਾਂ ਨੂੰ ਪਾਰਕ ਬੋਰਡ ਕਮਿਸ਼ਨਰ ਜੌਨ ਕੂਪਰ ਦੇ ਮੇਅਰ ਦੇ ਕੈਂਡੀਡੇਟ ਵਜੋਂ ਐਲਾਨ ਤੋਂ ਠੀਕ ਪਹਿਲਾਂ ਕਿਸੇ ਅਜਿਹੇ ਫੈਸਲੇ ਦੀ ਜਾਣਕਾਰੀ ਮਿਲੀ ਸੀ।
