14.45C Vancouver 14.45C VancouverApr 12, 2021 10:24 PM -
ਲੈਫਟੀਨੈਂਟ ਗਵਰਨਰ ਜੈਨੇਟ ਔਸਟਿਨ ਨੇ ਅੱਜ ਬੀ.ਸੀ. ਲੈਜਿਸਲੇਚਰ 'ਚ ਥਰੋਨ ਸਪੀਚ ਪੇਸ਼ ਕੀਤੀ।
ਇਸ ਦੌਰਾਨ ਪ੍ਰੀਮਿਅਰ ਜੌਨ ਹੌਰਗਨ ਨੇ ਕਿਹਾ ਕਿ, "ਅਸੀਂ ਇੱਕ-ਦੂਜਾ ਦਾ ਖਿਆਲ ਰੱਖਦੇ ਹੋਏ ਲੰਮੀ ਦੂਰੀ ਤੈਅ ਕਰ ਲਈ ਹੈ ਅਤੇ ਹੁਣ ਇਸ ਰੇਸ ਦੀ ਫਿਨਿਸ਼ ਰੇਖਾ ਸਾਹਮਣੇ ਵਿਖਾਈ ਦੇ ਰਹੀ ਹੈ।"
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਕਿਸੇ ਵੀ ਮੈਰਾਥਨ 'ਚ ਫਾਈਨਲ ਪੁਸ਼ ਬੇਹੱਦ ਅਹਿਮ ਹੁੰਦਾ ਹੈ ਅਤੇ ਮੌਜੂਦਾ ਸਮੇਂ ਵਾਇਰਸ ਦੇ ਵੇਰੀਐਂਟ ਚੁਣੌਤੀ ਪੇਸ਼ ਕਰ ਰਹੇ ਹਨ ਅਤੇ ਇਸ ਮੌਕੇ ਢਿੱਲ ਨਹੀਂ ਵਰਤੀ ਜਾ ਸਕਦੀ।
ਉਨ੍ਹਾਂ ਕਿਹਾ ਕਿ ਸਰਕਾਰ ਲਈ ਲੋਕਾਂ ਦੀ ਸੁਰੱਖਿਆ ਅਤੇ ਉਨ੍ਹਾਂ ਨੂੰ ਵੈਕਸੀਨੇਸ਼ਨ ਪ੍ਰਦਾਨ ਕਰਨਾ ਤਰਜੀਹ ਦਾ ਮਸਲਾ ਰਹੇਗਾ।
ਇਸ ਦੌਰਾਨ ਦੱਸਿਆ ਗਿਆ ਕਿ ਅਗਲੇ ਇੱਕ ਸਾਲ ਦੌਰਾਨ ਹੈਲਥ ਕੇਅਰ ਨੂੰ ਮਜ਼ਬੂਤ ਬਣਾਉਣ ਅਤੇ ਸਰਜਰੀ ਲਈ ਉਡੀਕ ਦੇ ਸਮੇਂ ਨੂੰ ਘਟਾਉਣ ਦੇ ਯਤਨ ਹੋਣਗੇ।
ਆਈ.ਸੀ.ਬੀ.ਸੀ. 'ਚ ਬਦਲਾਅ ਕਰ, ਕਾਰ ਇੰਸ਼ੋਰੈਂਸ 'ਚ 20% ਤਕ ਦੀ ਕਟੌਤੀ ਅਤੇ $10 ਪ੍ਰਤੀ ਦਿਨ ਵਾਲੇ ਚਾਈਲਡ ਕੇਅਰ ਸਪੇਸਿਸ 'ਚ ਵਾਧਾ ਕੀਤਾ ਜਾਵੇਗਾ।
ਵਪਾਰਾਂ ਨੂੰ ਗ੍ਰਾਂਟਸ ਰਾਹੀਂ ਔਨਲਾਈਨ ਸਟੋਰਸ 'ਚ ਵਾਧੇ ਦੇ ਉਪਰਾਲੇ ਹੋਣਗੇ।
ਐਂਟੀ-ਰੇਸਿਸਮ ਕਨੂੰਨ ਸਥਾਪਿਤ ਕੀਤਾ ਜਾਵੇਗਾ ਅਤੇ ਪੁਲਿਸ ਐਕਟ 'ਚ ਬਦਲਾਅ ਕੀਤੇ ਜਾਣਗੇ।
ਪਿਛੜੇ ਅਤੇ ਇੰਡੀਜਨਸ ਇਲਾਕਿਆਂ 'ਚ ਡਿਜੀਟਲ ਕਨੈਕਟਿਵਿਟੀ ਲਈ ਨਿਵੇਸ਼ ਕੀਤਾ ਜਾਵੇਗਾ।
