13.26C Vancouver 13.26C VancouverJun 2, 2022 1:28 AM - THE CANADIAN PRESS
ਫੈਡਰਲ ਅਤੇ ਪ੍ਰੋਵਿੰਸ਼ੀਅਲ ਪ੍ਰਾਈਵੇਸੀ ਵਾਚਡੌਗਸ ਦਾ ਕਹਿਣਾ ਹੈ ਕਿ ਟਿਮ ਹੌਰਟਨਸ ਦੀ ਮੋਬਾਇਲ ਆਰਡਰਿੰਗ ਐਪ ਨੇ ਗਾਹਕਾਂ ਤੋਂ ਲੋਕੇਸ਼ਨ ਦੀ ਜਾਣਕਾਰੀ ਇਕੱਠੀ ਕਰਕੇ ਕਾਨੂੰਨ ਦੀ ਉਲੰਘਣਾ ਕੀਤੀ ਹੈ।
ਬੁੱਧਵਾਰ ਨੂੰ ਇਸ ਸੰਬੰਧ 'ਚ ਇੱਕ ਜਾਂਚ ਰਿਪੋਰਟ ਨੂੰ ਜਾਰੀ ਕਰਨ ਦੌਰਾਨ, ਪ੍ਰਾਈਵੇਸੀ ਕਮਿਸ਼ਨਰਾਂ ਦਾ ਕਹਿਣਾ ਹੈ ਕਿ ਟਿਮ ਹੋਰਟਨਜ਼ ਐਪ ਨੂੰ ਡਾਊਨਲੋਡ ਕਰਨ ਵਾਲੇ ਲੋਕਾਂ ਦੀਆਂ ਮੂਵਮੈਂਟਸ ਨੂੰ ਦਿਨ ਦੇ ਕੁਝ ਮਿੰਟਾ ਤੋਂ ਬਾਅਦ ਟ੍ਰੈਕ ਅਤੇ ਰਿਕਾਰਡ ਕੀਤਾ ਗਿਆ ਸੀ | ਉਨ੍ਹਾਂ ਨੇ ਕਿਹਾ ਕਿ ਲੋਕਾਂ ਦੀਆਂ ਮੂਵਮੈਂਟਸ ਨੂੰ ਐਪ ਦੇ ਬੰਦ ਹੋਣ ਤੋਂ ਬਾਅਦ ਵੀ ਟ੍ਰੈਕ ਅਤੇ ਰਿਕਾਰਡ ਕੀਤਾ ਗਿਆ |
ਇਹ ਜਾਂਚ ਉਸ ਸਮੇਂ ਹੋਈ ਹੈ ਜਦੋਂ ਨੈਸ਼ਨਲ ਪੋਸਟ ਦੇ ਪੱਤਰਕਾਰ ਜੇਮਜ਼ ਮੈਕਲਿਓਡ ਨੇ ਆਪਣੇ ਫੋਨ 'ਤੇ ਟਿਮ ਹੋਰਟਨਜ਼ ਦੀ ਐਪ ਦੇ ਕੁਝ ਅੰਕੜਿਆਂ ਨੂੰ ਦਿਖਾਇਆ ਜਿਸ ਵਿੱਚ ਪੰਜ ਮਹੀਨਿਆਂ ਤੋਂ ਵੀ ਘੱਟ ਸਮੇਂ ਵਿੱਚ ਉਸ ਦੀ ਲੋਕੇਸ਼ਨ ਨੂੰ 2,700 ਤੋਂ ਵੱਧ ਵਾਰ ਟ੍ਰੈਕ ਕੀਤਾ ਗਿਆ ਸੀ।
ਫੈਡਰਲ ਪਰਾਈਵੇਸੀ ਕਮਿਸ਼ਨਰ ਡੈਨੀਅਲ ਥੈਰੀਨ ਨੇ ਬ੍ਰਿਟਿਸ਼ ਕੋਲੰਬੀਆ, ਕਿਊਬੇਕ ਅਤੇ ਐਲਬਰਟਾ ਦੇ ਪਰਾਈਵੇਸੀ ਕਮਿਸ਼ਨਰਾਂ ਦੇ ਨਾਲ ਸੰਯੁਕਤ ਰੂਪ ਵਿੱਚ ਜਾਂਚ ਕੀਤੀ।
ਕਮਿਸ਼ਨਰਾਂ ਨੇ ਆਪਣੀ ਜਾਂਚ ਚ ਪਾਇਆ ਕਿ ਟਿਮ ਹੋਰਟਨਜ਼ ਐਪ ਨੇ ਮੋਬਾਈਲ ਡਿਵਾਈਸ ਦੇ ਜੀਓਲੋਕੇਸ਼ਨ ਫੰਕਸ਼ਨਾਂ ਤੱਕ ਪਹੁੰਚ ਕਰਨ ਦੀ ਆਗਿਆ ਮੰਗੀ ਸੀ, ਪਰ ਕਈ ਉਪਭੋਗਤਾਵਾਂ ਨੂੰ ਇਹ ਵਿਸ਼ਵਾਸ ਕਰਨ ਲਈ ਗੁੰਮਰਾਹ ਕੀਤਾ ਕਿ ਜਾਣਕਾਰੀ ਨੂੰ ਉਦੋਂ ਹੀ ਐਕਸੈਸ ਕੀਤਾ ਜਾਵੇਗਾ ਜਦੋਂ ਐਪ ਦੀ ਵਰਤੋਂ ਕੀਤੀ ਜਾ ਰਹੀ ਸੀ।
ਹਾਲਾਂਕਿ, ਐਪ ਨੇ ਉਪਭੋਗਤਾਵਾਂ ਨੂੰ ਉਦੋਂ ਤੱਕ ਟ੍ਰੈਕ ਕੀਤਾ ਜਦੋਂ ਤੱਕ ਡਿਵਾਈਸ ਚਾਲੂ ਸੀ ਅਤੇ ਲਗਾਤਾਰ ਉਨ੍ਹਾਂ ਦੇ ਲੋਕੇਸ਼ਨ ਡੇਟਾ ਨੂੰ ਇਕੱਠਾ ਕਰ ਰਿਹਾ ਸੀ।
