ਅਮਰੀਕਾ ਦੇ ਫਲੋਰੀਡਾ ਵਿਚ ਤੂਫਾਨ ਮਿਲਟਨ ਨੂੰ ਲੈ ਕੇ ਮਚੀ ਹਫੜਾ-ਦਫੜੀ

ਅਮਰੀਕਾ ਦੇ ਫਲੋਰੀਡਾ ਵਿਚ ਤੂਫਾਨ ਮਿਲਟਨ ਨੂੰ ਲੈ ਕੇ ਹਫੜਾ-ਦਫੜੀ ਦਾ ਮਾਹੌਲ ਹੈ। ਸਦੀ ਦਾ ਇਹ ਸਭ ਤੋਂ ਵੱਡਾ ਤੂਫਾਨ ਬੁੱਧਵਾਰ ਰਾਤ ਜਾਂ ਵੀਰਵਾਰ ਤੜਕੇ ਦਸਤਕ ਦੇਣ ਵਾਲਾ ਹੈ। ਇਸ ਨੂੰ ਲੈ ਕੇ ਟੰਪਾ ਸ਼ਹਿਰ ਦੇ ਮੇਅਰ ਨੇ ਚਿਤਾਵਨੀ ਦਿੱਤੀ ਹੈ ਕਿ ਸਿੰਗਲ-ਮੰਜ਼ਲਾ ਘਰ ਮਿੱਟੀ ਹੋ ਸਕਦੇ ਹਨ।

ਅਮਰੀਕਾ ਵਿਚ ਆਉਣ ਵਾਲਾ ਇਹ 10 ਦਿਨਾਂ ਵਿਚ ਦੂਜਾ ਵੱਡਾ ਤੂਫਾਨ ਹੈ।ਅਮਰੀਕਾ ਦੀ ਫੈਡਰਲ ਐਮਰਜੈਂਸੀ ਪ੍ਰਬੰਧਨ ਏਜੰਸੀ ਨੇ ਕਿਹਾ ਕਿ ਤੂਫਾਨ ਮਿਲਟਨ ਅਜਿਹਾ ਹੋਵੇਗਾ ਜੋ ਫਲੋਰੀਡਾ ਨੇ ਪਹਿਲਾਂ ਕਦੇ ਨਹੀਂ ਦੇਖਿਆ ਹੋਵੇਗਾ।

ਏਜੰਸੀ ਨੇ ਕਿਹਾ ਕਿ ਸਮਾਂ ਬਹੁਤ ਘੱਟ ਹੈ ਅਤੇ ਜੋ ਲੋਕ ਅਜੇ ਵੀ ਘਰਾਂ ਵਿਚ ਹਨ ਉਹ ਤੁਰੰਤ ਉੱਥੋਂ ਨਿਕਲ ਕੇ ਸੁਰੱਖਿਅਤ ਥਾਵਾਂ ’ਤੇ ਚਲੇ ਜਾਣ। ਏਜੰਸੀ ਮੁਤਾਬਕ, ਤੂਫਾਨ ਮਿਲਟਨ ਦੇਰ ਰਾਤ ਟੰਪਾ ਸਿਟੀ ਦੇ ਨੇੜੇ ਟਕਰਾਅ ਸਕਦਾ ਹੈ। ਇਸ ਵਿਚ 270 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਹਵਾਵਾਂ ਚੱਲਣ ਦੀ ਸੰਭਾਵਨਾ ਜਤਾਈ ਗਈ ਹੈ। ਏਜੰਸੀ ਦਾ ਕਹਿਣਾ ਹੈ ਕਿ ਇਸ ਖੇਤਰ ਵਿਚ 1.5 ਫੁੱਟ ਤੱਕ ਦੀ ਮੂਸਲਾਧਾਰ ਬਾਰਸ਼ ਹੋ ਸਕਦੀ ਹੈ ਅਤੇ ਇਹ ਸਥਿਤੀ ਖ਼ਤਰਨਾਕ ਹੋਵੇਗੀ।