'ਅੱਗ ਤੋਂ ਬੀਮਾਯੁਕਤ ਨੁਕਸਾਨ ਦਾ ਅੰਦਾਜ਼ਾ ਲਗਾਉਣਾ ਜਲਦ ਮੁਮਕਿਨ ਨਹੀਂ ਹੋ ਪਾਵੇਗਾ': ਇੰਸ਼ਿਉਰੈਂਸ ਬਿਊਰੋ ਔਫ ਕੈਨੇਡਾ

ਇੰਸ਼ਿਉਰੈਂਸ ਬਿਊਰੋ ਔਫ ਕੈਨੇਡਾ ਦਾ ਕਹਿਣਾ ਹੈ ਕਿ ਬ੍ਰਿਟਿਸ਼ ਕੋਲੰਬੀਆ ਵਿਚ ਮੌਜੂਦਾ ਸਮੇਂ ਬਲ ਰਹੀਆਂ ਅੱਗਾਂ ਤੋਂ ਬੀਮਾਯੁਕਤ ਨੁਕਸਾਨ ਦਾ ਅੰਦਾਜ਼ਾ ਲਗਾਉਣਾ ਜਲਦ ਮੁਮਕਿਨ ਨਹੀਂ ਹੋ ਪਾਵੇਗਾ, ਹਾਲਾਂਕਿ, ਮਾਹਰਾਂ ਦਾ ਕਹਿਣਾ ਹੈ ਕਿ ਜਿੰਨੀ ਜਲਦੀ ਹੋ ਸਕੇ ਆਪਣੇ ਇੰਸ਼ਿਉਰੈਂਸ ਕਲੇਮ ਦੀ ਪ੍ਰਕਿਰਿਆ ਨੂੰ ਸ਼ੁਰੂ ਕਰ ਦੇਣਾ ਚਾਹੀਦਾ ਹੈ।

Rates dot ca ਦੇ Daniel Ivans ਦਾ ਕਹਿਣਾ ਹੈ ਕਿ ਕਲੇਮ ਨੂੰ ਫਾਈਲ ਕਰਨ ਵੇਲੇ, ਨੁਕਸਾਨ ਦੀ ਹਰ ਜਾਣਕਾਰੀ ਦੇਣ ਦੀ ਫਿਲਹਾਲ ਲੋੜ ਨਹੀਂ ਹੈ, ਅਤੇ ਸੰਬੰਧਤ ਜਾਣਕਾਰੀ ਬਾਅਦ ਵਿੱਚ ਵੀ ਜੋੜੀ ਜਾ ਸਕਦੀ ਹੈ।

ਇੰਸ਼ਿਉਰੈਂਸ ਬਿਊਰੋ ਔਫ ਕੈਨੇਡਾ ਦਾ ਕਹਿਣਾ ਹੈ ਕਿ ਸਾਰੀਆਂ ਮਿਆਰੀ ਮਕਾਨ ਮਾਲਕ ਅਤੇ ਕਿਰਾਏਦਾਰ ਬੀਮਾ ਪਾਲਿਸੀਆਂ, ਅੱਗ ਕਾਰਨ ਹੋਏ ਨੁਕਸਾਨ ਨੂੰ ਕਵਰ ਕਰਦੀਆਂ ਹਨ, ਅਤੇ ਜਨਤਕ ਨਿਕਾਸੀ ਦੀ ਲਾਗਤ ਵਿੱਚ ਮਦਦ ਲਈ ਵੀ ਕਵਰੇਜ ਪ੍ਰਦਾਨ ਕਰਦੀਆਂ ਹਨ।