ਵੱਧ ਕਮਾਉਣ ਵਾਲੇ ਤੇ ਪੌਪ ਡ੍ਰਿੰਕਰਸ ਨੂੰ ਨਵੇਂ ਬਜਟ 'ਚ ਚੁਕਾਉਣੀ ਪਵੇਗੀ ਵੱਧ ਰਕਮ

ਮੰਗਲਵਾਰ ਨੂੰ ਵਿਧਾਨ ਸਭਾ 'ਚ ਵਿੱਤ ਮੰਤਰੀ ਕੈਰਲ ਜੇਮਸ ਵੱਲੋਂ, ਪ੍ਰੋਵਿੰਸ਼ੀਅਲਬਜਟ ਪੇਸ਼ ਕੀਤਾ ਗਿਆ ਹੈ।

ਬਜਟ 'ਚ ਕੁਝ ਅਹਿਮ ਐਲਾਨ ਕੀਤੇ ਗਏ, ਅਤੇ ਇੱਕ ਅਹਿਮ ਐਲਾਨ ਅਨੁਸਾਰ, ਹੁਣ ਸੂਬੇ 'ਚ 2,20,000 ਡਾਲਰਡ ਤੋਂ ਵੱਧ ਕਮਾਉਣ ਵਾਲੇ ਲੋਕਾਂ ਨੂੰ ਪਹਿਲਾਂ ਦੇ ਮੁਕਾਬਲੇ ਵਧੇਰੇ ਵੱਧ ਟੈਕਸ ਅਦਾਇਗੀ ਕਰਨੀ ਪਵੇਗੀ।

ਇਨ੍ਹਾਂ ਦਾ ਟੈਕਸ ਹੁਣ ਵੱਧ ਕੇ 16.8% ਤੋਂ 20.5% ਕਰ ਦਿੱਤਾ ਗਿਆ ਹੈ।

ਇਸਦੇ ਆਸਰੇ ਸੂਬਾ ਸਰਕਾਰ, ਅਗਲੇ ਸਾਲ 'ਚ $216 ਮਿਲੀਅਨ ਦੇ ਫਾਇਦੇ ਦਾ ਅਨੁਮਾਨ ਲਗਾ ਰਹੀ ਹੈ।

ਅਗਲੇ 3 ਸਾਲ 'ਚ ਇਸ ਆਸਰੇ $713 ਮਿਲੀਅਨ ਦੇ ਵਾਧੇ ਦਾ ਅਨੁਮਾਨ ਹੈ।

ਵਿੱਤ ਮੰਤਰੀ ਨੇ ਆਖਿਆ ਕਿ ਜਿਹੜੇ ਲੋਕ ਸਭ ਤੋਂ ਵੱਧ ਕਮਾ ਰਹੇ ਹਨ, ਅਸੀਂ ਉਨ੍ਹਾਂ ਤੋਂ ਥੋੜਾ ਵਧੇਰੇ ਯੋਗਦਾਨ ਕਰਨ ਲਈ ਅਜਿਹਾ ਕੀਤਾ ਹੈ।

ਇਸਦੇ ਨਾਲ ਹੀ ਮਿੱਠੇ ਪਦਾਰਥਾਂ ਵਾਲੀਆਂ ਡਰਿੰਕਸ (ਪੌਪਸ) ਦੇ ਟੈਕਸਾਂ 'ਚ ਵਾਧੇ ਕੀਤੇ ਗਏ ਹਨ।

ਇਨ੍ਹਾਂ 'ਚ 7% ਪੀ.ਐਸ.ਟੀ. ਦਾ ਵਾਧਾ ਕੀਤਾ ਗਿਆ ਹੈ। ਹਾਲਾਂਕਿ ਵਿੱਤ ਮੰਤਰੀ ਨੇ ਕਿਹਾ ਕਿ ਅਜਿਹਾ ਕਰਨਾ ਇੱਕ ਸਿਹਤ ਸੰਬੰਧੀ ਉਪਰਾਲੇ ਦਾ ਵੀ ਹਿੱਸਾ ਹੈ।

ਉਨ੍ਹਾਂ ਕਿਹਾ ਕਿ 14 ਤੋਂ 18 ਸਾਲ ਦੇ ਵਿਚਾਲੇ ਦੇ ਟੀਨੇਜਰ ਇਨ੍ਹਾਂ ਡਰਿੰਕਸ ਦਾ ਵਧੇਰੇ ਸੇਵਨ ਕਰਦੇ ਹਨ, ਅਤੇ ਇਹ ਟੈਕਸ ਉਨ੍ਹਾਂ ਨੂੰ ਸਿਹਤਮੰਦ ਖਾਣੇ ਪੀਣੇ ਲਈ ਉਤਸ਼ਾਹਿਤ ਕਰਨਗੇ।

ਨਵੇਂ ਟੈਕਸਾਂ ਦੇ ਆਸਰੇ, ਇੱਕ $24 ਮਿਲੀਅਨ ਦੇ ਗ੍ਰਾਂਟ ਪ੍ਰੋਗਰਾਮ ਦਾ ਪ੍ਰਬੰਧ ਕੀਤਾ ਜਾ ਰਿਹਾ ਹੈ, ਜਿਸ ਆਸਰੇ ਘਟ ਕਮਾਈ ਵਾਲੇ ਕਾਲਜ ਅਤੇ ਯੂਨੀਵਰਸਿਟੀ ਵਿਦਿਆਰਥੀਆਂ ਨੂੰ ਸਾਲਾਨਾ $4,000 ਤਕ ਦਿੱਤੇ ਜਾਣਗੇ।

ਇਸਦੇ ਨਾਲ ਹੀ ਬਿਜਲੀ ਵਾਲੇ ਵਾਹਨਾਂ 'ਤੇ ਰਿਬੇਟ ਨੂੰ $3,000 ਤਕ ਬਣਾ ਕੇ ਰੱਖਿਆ ਜਾਵੇਗਾ, ਅਤੇ ਇਸਤੇ ਅਗਲੇ ਸਾਲ $28 ਮਿਲੀਅਨ ਤਕ ਦੇ ਖਰਚੇ ਦਾ ਅਨੁਮਾਨ ਹੈ। ਕੁਲ ਮਿਲਾਕੇ ਸਾਲ ਦੇ ਬਜਟ 'ਚ ਖਰਚੇ ਜਾਣ ਵਾਲੇ $60 ਬਿਲੀਅਨ 'ਚ $227 ਮਿਲੀਅਨ ਸਰਪਲਸ ਦੱਸੇ ਗਏ ਹਨ।

ਸੂਬੇ ਦੇ ਵਿੱਤੀ ਵਾਧੇ ਦਾ ਅਨੁਮਾਨ, 1.8% ਜੀ.ਡੀ.ਪੀ. 'ਤੇ ਲਗਾਇਆ ਗਿਆ ਹੈ।

ਵਿੱਤ ਮੰਤਰੀ ਨੇ ਕਿਹਾ ਕਿ $18 ਮਿਲੀਅਨ ਅਲਗ ਰੱਖੇ ਜਾ ਰਹੇ ਹਨ, ਤਾਂ ਜੋ ਪਬਲਿਕ ਹੈਲਥ ਅਤੇ ਕੈਨਬਿਸ ਦੇ ਮਾਮਲਿਆਂ 'ਚ ਇਸਦਾ ਇਸਤੇਮਾਲ ਹੋ ਸਕੇ।

ਹਾਊਸਿੰਗ ਅਫੋਰਡੇਬਿਲਿਟੀ ਅਤੇ ਚਾਈਲਡ ਕੇਅਰ ਨੂੰ ਲੈਕੇ ਵੀ ਅਹਿਮ ਫੈਸਲੇ ਕੀਤੇ ਗਏ ਹਨ। ਹਾਲਾਂਕਿ ਚਾਈਲਡ ਕੇਅਰ ਦੇ ਮਾਮਲਿਆਂ 'ਚ ਮੌਜੂਦਾ $10 ਪ੍ਰਤੀ ਦਿਨ ਦੇ ਪਲੈਨ 'ਚ ਕਿਸੇ ਕਿਸਮ ਦੇ ਬਦਲਾਅ ਸੰਬੰਧੀ ਤਸਵੀਰ ਸਪਸ਼ਟ ਨਾ ਹੋ ਸਕੀ।

ਹਾਊਸਿੰਗ ਦੇ ਖੇਤਰ 'ਚ ਜੇਮਸ ਨੇ ਆਖਿਆ ਕਿ ਸਰਕਾਰ ਆਪਣਾ 10 ਸਾਲਾ $7 ਬਿਲੀਅਨ ਦਾ ਪਲੈਨ ਜਾਰੀ ਰੱਖੇਗੀ, ਅਤੇ ਇਸਦੇ ਆਸਰੇ ਇਲਾਕੇ 'ਚ ਹੋਰ ਘਰ ਬਣਾਏ ਜਾਣਗੇ।

ਬੀਤੇ ਸਾਲ ਘਰਾਂ ਦੀ ਵਿਕਰੀ 'ਚ 1.5% ਦਾ ਘਾਟਾ ਆਇਆ, ਅਤੇ ਘਰਾਂ ਦੀਆਂ ਕੀਮਤਾਂ 1.6% ਡਿੱਗੀਆਂ, ਪਰ ਜੇਮਸ ਨੇ ਕਿਹਾ ਕਿ ਇਸ 'ਚ ਹੋਰ ਗਿਰਾਵਟ ਦੀ ਲੋੜ ਹੈ।

ਸਾਰੇ ਬਜਟ ਦਾ ਕਰੀਬ 40% ਸਿਹਤ ਸੈਕਟਰ 'ਚ ਲਗਾਇਆ ਜਾ ਰਿਹਾ ਹੈ, ਅਤੇ ਇਸਦੇ ਲਈ $24.3 ਬਿਲੀਅਨ ਰੱਖੇ ਗਏ ਹਨ।

ਪੋਸਟ ਸੈਕੰਡਰੀ ਪੜ੍ਹਾਈ 'ਚ 7.4% ਦਾ ਵਾਧਾ ਕੀਤਾ ਗਿਆ ਹੈ, ਅਤੇ K-12 ਸਕੂਲਾਂ ਲਈ 2.2% ਵਾਧਾ ਲਿਆਂਦਾ ਜਾ ਰਿਹਾ ਹੈ।

ਮਿਨੀਮਮ ਵੇਜ 'ਚ ਵਾਧਾ ਕੀਤਾ ਗਿਆ ਹੈ ਅਤੇ ਵੇਜ $14.6 ਕਰ ਦਿੱਤੀ ਗਈ ਹੈ।

ਐਜੂਕੇਸ਼ਨ ਸੈਕਟਰ ਅਤੇ ਵਾਤਾਵਰਨ ਸੰਬੰਧੀ ਵੀ ਐਲਾਨ ਕੀਤੇ ਗਏ ਹਨ।

ਹਾਊਸਿੰਗ ਸੈਕਟਰ ਨੂੰ ਲੈਕੇ ਵੀ ਐਲਾਨ ਕੀਤੇ ਗਏ ਹਨ।