12.62C Vancouver 12.62C VancouverOct 20, 2021 7:24 PM - The Canadian Press
ਕੰਜ਼ਰਵੇਟਿਵਸ ਦਾ ਕਹਿਣਾ ਹੈ ਕਿ ਉਹ ਬੋਰਡ ਆਫ ਇੰਟਰਨਲ ਇਕਾਨਮੀਸ ਕਮੇਟੀ ਦੇ ਨਾਲ ਸਹਿਮਤ ਨਹੀਂ ਹਨ ਕਿ ਸਿਰਫ ਪੂਰੀ ਤਰ੍ਹਾਂ ਵੈਕਸੀਨੇਟਿਡ ਲੋਕਾਂ ਨੂੰ ਹੀ ਹਾਊਸ ਆਫ ਕਾਮਨਜ਼ 'ਚ ਦਾਖਿਲੇ ਦੀ ਇਜਾਜਤ ਦਿੱਤੀ ਜਾਵੇ।
ਮੰਗਲਵਾਰ ਸ਼ਾਮ ਜਾਣਕਾਰੀ ਉਜਾਗਰ ਹੋਈ ਸੀ ਕਿ ਹਾਊਸ ਆਫ ਕਾਮਨਜ਼ ਨਾਲ ਸੰਬੰਧਤ ਸਾਰੇ ਲੋਕਾਂ ਲਈ ਵੈਕਸੀਨੇਸ਼ਨ ਨੂੰ ਲਾਜਮੀ ਬਣਾਇਆ ਜਾ ਰਿਹਾ ਹੈ।
ਇਸ ਦੇ ਲਈ 22 ਨਵੰਬਰ ਤਕ ਦਾ ਸਮਾਂ ਦਿੱਤਾ ਗਿਆ ਸੀ।
ਇਹ ਨਿਯਮ ਹਾਊਸ ਆਫ ਕਾਮਨਜ਼ 'ਚ ਪਹੁੰਚ ਕਰਨ ਵਾਲੇ ਸਟਾਫ਼ ਲਈ ਵੀ ਜਾਰੀ ਕੀਤੇ ਗਏ ਹਨ।
ਇਸ ਤੋਂ ਇਲਾਵਾ ਇਹ ਨਿਯਮ ਪਾਰਲੀਅਮੈਂਟ ਦੀ ਪ੍ਰੈਸ ਗੈਲਰੀ ਲਈ ਵੀ ਲਾਗੂ ਕੀਤੇ ਗਏ ਹਨ।
ਰਿਪੋਰਟਸ ਅਨੁਸਾਰ ਲਿਬਰਲਸ, ਬਲੌਕ ਕਿਊਬੈਕੁਆ, ਐਨ.ਡੀ.ਪੀ. ਅਤੇ ਗ੍ਰੀਨਸ ਦੇ ਸਾਰੇ ਐਮ.ਪੀ. ਪੂਰੀ ਤਰ੍ਹਾਂ ਵੈਕਸੀਨੇਟਿਡ ਹਨ।
ਹਾਲਾਂਕਿ ਕੰਜ਼ਰਵੇਟਿਵਸ ਬਾਰੇ ਖਬਰਾਂ ਹਨ ਕਿ 118 ਐਮ.ਪੀ.'ਸ ਵਿੱਚੋਂ 79 ਹੀ ਵੈਕਸੀਨੇਟਿਡ ਹਨ।
