29.54C Vancouver 29.54C VancouverJun 17, 2021 4:04 PM -
ਕੰਜ਼ਰਵੇਟਿਵ ਲੀਡਰ ਏਰਿਨ ਓ’ਟੂਲ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਪਾਰਟੀ ਹਾਊਸ ਆਫ ਕਾਮਨਜ਼ ਨੂੰ ਰੱਖਿਆ ਮੰਤਰੀ ਹਰਜੀਤ ਸੱਜਣ ਨੂੰ ਨਿਸ਼ਾਨਾ ਬਣਾਉਣ ਵਾਲੇ ਮਤੇ 'ਤੇ ਵੋਟ ਪਾਉਣ ਲਈ ਮਜਬੂਰ ਕਰੇਗੀ।
ਓ’ਟੂਲ ਨੇ ਸੱਜਣ ’ਤੇ ਸਾਬਕਾ ਡਿਫੈਂਸ ਮੁਖੀ ਜੋਨਾਥਨ ਵੈਂਸ ਖਿਲਾਫ ਲੱਗੇ ਜਿਨਸੀ ਸ਼ੋਸ਼ਣ ਦੇ ਇਲਜ਼ਾਮਾਂ ’ਤੇ ਪਰਦਾ ਪਾਉਣ ਦੇ ਦੋਸ਼ ਲਾਏ ਹਨ।
ਸੱਜਣ ’ਤੇ ਓਦੋਂ ਤੋਂ ਸਵਾਲ ਖੜੇ ਕੀਤੇ ਜਾ ਰਹੇ ਹਨ ਜੱਦ ਸਾਬਕਾ ਮਿਲਿਟਰੀ ਓਮਬਡਜ਼ਮਨ ਗੈਰੀ ਵੌਲਬੋਰਨ ਨੇ ਕਿਹਾ ਸੀ ਕਿ ਵੈਂਸ ’ਤੇ ਲੱਗੇ ਇਲਜ਼ਾਮਾਂ ਬਾਰੇ ਉਨ੍ਹਾਂ ਸੱਜਣ ਨੂੰ ਮਾਰਚ 2018 ਵਿੱਚ ਪਹਿਲੀ ਵਾਰ ਅਗਾਹ ਕੀਤਾ ਸੀ।
ਜਿੱਥੇ ਸੱਜਣ ਅਤੇ ਲਿਬਰਲ ਸਰਕਾਰ ਮੁਤਾਬਕ ਉਨ੍ਹਾਂ ਨੇ ਸਾਰੀਆਂ ਢੁੱਕਵੀਆਂ ਵਿਧੀਆਂ ਦੀ ਪਾਲਣਾ ਕੀਤੀ, ਓਥੇ ਹੀ ਓ’ਟੂਲ ਦਾ ਕਹਿਣਾ ਹੈ ਕਿ ਸੱਜਣ ਫੌਜ ਵਿੱਚ ਜਿਨਸੀ ਸ਼ੋਸ਼ਣ ਦੇ ਪੀੜਤਾਂ ਨੂੰ ਲਗਾਤਾਰ ਨਿਰਾਸ਼ ਕਰਦੇ ਰਹੇ ਹਨ।
ਓ’ਟੂਲ ਨੇ ਦੋਸ਼ ਲਗਾਇਆ ਕਿ ਸੱਜਣ ਨੇ ਕਨੇਡੀਅਨ ਲੋਕਾਂ ਨੂੰ ਆਪਣੀ ਫੌਜੀ ਸੇਵਾ ਅਤੇ ਆਸਟਰੇਲੀਆ ਤੋਂ ਲੜਾਕੂ ਜਹਾਜ਼ ਖਰੀਦਣ ਦੀ ਜ਼ਰੂਰਤ ਬਾਰੇ ਵੀ ਗੁੰਮਰਾਹ ਕੀਤਾ ਹੈ, ਅਤੇ ਉਨ੍ਹਾਂ ਸੇਵਾ ਮੁਕਤ ਵਾਈਸ-ਐਡਮਿਰਲ ਮਾਰਕ ਨੌਰਮਨ ਖਿਲਾਫ ਅਸਫਲ ਮੁਕੱਦਮਾ ਚਲਾਇਆ ਸੀ।
ਓ’ਟੂਲ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਪਾਰਟੀ ਗਰਮੀਆਂ ਲਈ ਸੰਸਦ ਦੇ ਖ਼ਤਮ ਹੋਣ ਤੋਂ ਪਹਿਲਾਂ ਆਖਰੀ ਦਿਨ ਮੈਂਬਰਾਂ ਨੂੰ ਸੱਜਣ ਪ੍ਰਤੀ ਆਪਣੀ ਨਿਰਾਸ਼ਾ ਜ਼ਾਹਰ ਕਰਨ ਲਈ ਮਜਬੂਰ ਕਰੇਗੀ।
ਓ’ਟੂਲ ਦਾ ਕਹਿਣਾ ਹੈ ਕਿ ਆਖਰਕਾਰ ਇਹ ਸੱਜਣ ਦੇ ਵੈਨਕੂਵਰ ਹਲਕੇ ਦੇ ਵੋਟਰਾਂ 'ਤੇ ਨਿਰਭਰ ਕਰੇਗਾ ਕਿ ਉਹ ਫੈਸਲਾ ਲੈਣ ਕਿ ਕੀ ਉਨ੍ਹਾਂ ਨੂੰ ਸੰਸਦ ਵਿਚ ਸੇਵਾ ਨਿਭਾਉਣੀ ਚਾਹੀਦੀ ਹੈ ਜਾਂ ਨਹੀਂ।
