21.82C Vancouver 21.82C VancouverJan 19, 2021 4:40 PM -
ਓਨਟੈਰੀਓ ਕੰਜ਼ਰਵੇਟਿਵ ਐਮ.ਪੀ. ਡੈਰਿਕ ਸਲੋਨ ਮੁਤਾਬਕ ਉਹ ਆਪਣੇ ਪਾਰਟੀ ਲੀਡਰ ਵਲੋਂ ਉਨ੍ਹਾਂ ਨੂੰ ਕਾਕਸ ਤੋਂ ਕੱਢੇ ਜਾਣ ਦੀਆਂ ਕੋਸ਼ਿਸ਼ਾਂ ਵਿਰੁੱਧ ਲੜਨਗੇ।
ਸਲੋਨ ਦਾ ਕਹਿਣਾ ਹੈ ਕਿ ਪਾਰਟੀ ਲੀਡਰ ਏਰਿਨ ਓ’ਟੂਲ ਦਾ ਇੱਕ "ਵ੍ਹਾਇਟ ਸੁਪ੍ਰੇਮਿਸਟ" ਵਲੋਂ ਉਨ੍ਹਾਂ ਦੀ ਅਗਵਾਈ ਮੁਹਿੰਮ ਨੂੰ ਦਿੱਤੀ ਡੋਨੇਸ਼ਨ ਤੋਂ ਬਾਅਦ ਪਾਰਟੀ ਤੋਂ ਬਾਹਰ ਕੱਢਣ ਦਾ ਫ਼ੈਸਲਾ ‘ਹਾਸੋਹੀਣਾ’ ਹੈ।
ਪਿਛਲੇ ਸਾਲ ਪੌਲ ਫਰੌਮ ਵਲੋਂ ਸਲੋਨ ਦੇ ਚੋਣ ਪ੍ਰਚਾਰ ਦੌਰਾਨ ਡੋਨੇਸ਼ਨ ਦੇਣ ਦੀ ਖ਼ਬਰ ਬਾਹਰ ਆਉਣ ਤੋਂ ਬਾਅਦ ਓ’ਟੂਲ ਨੇ ਸੋਮਵਾਰ ਨੂੰ ਇਹ ਐਲਾਨ ਕੀਤਾ ਸੀ ਕਿ ਉਹ ਸਲੋਨ ਨੂੰ ਬਾਹਰ ਕੱਢਣ ਲਈ ਯਤਨਸ਼ੀਲ ਹਨ।
ਓ’ਟੂਲ ਮੁਤਾਬਕ ਉਨ੍ਹਾਂ ਦੀ ਪਾਰਟੀ ਦੇ ਅੰਦਰ ਨਸਲਵਾਦ ਦੀ ਕੋਈ ਜਗ੍ਹਾ ਨਹੀਂ ਹੈ।
ਪਰ ਸਲੋਨ ਅਨੁਸਾਰ ਫਰੌਮ ਪਾਰਟੀ ਦੇ ਮੈਂਬਰ ਹਨ ਅਤੇ ਓ’ ਟੂਲ ਅਤੇ ਪਾਰਟੀ ਕੋਲ ਇਹ ਜਾਣਕਾਰੀ ਪਹਿਲਾਂ ਹੋਣੀ ਚਾਹੀਦੀ ਸੀ। ਸਲੋਨ ਆਪਣੇ ਹਮਲਾਵਰ ਸਮਾਜਕ ਰੂੜ੍ਹੀਵਾਦੀ ਵਿਚਾਰਾਂ ਲਈ ਲੀਡਰਸ਼ਿਪ ਮੁਹਿੰਮ ਦੌਰਾਨ ਵਿਵਾਦਾਂ ਵਿੱਚ ਰਹੇ ਸਨ ਅਤੇ ਕਾਕਸ ਵਿੱਚ ਉਨ੍ਹਾਂ ਦੀ ਮੌਜੂਦਗੀ ਉਦੋਂ ਤੋਂ ਹੀ ਅਲੱਗ ਬਣੀ ਹੋਈ ਹੈ।
