13.36C Vancouver 13.36C VancouverApr 25, 2024 2:16 PM - The Canadian Press
ਕੰਜ਼ਰਵੇਟਿਵ ਦੇ ਮੈਂਬਰ ਪਾਰਲੀਮੈਂਟ ਕੋਲਿਨ ਕੈਰੀ ਨੇ ਅਗਲੇ ਇਲੈਕਸ਼ਨ ਨਾ ਲੜਨ ਦੀ ਘੋਸ਼ਣਾ ਕੀਤੀ ਹੈ। ਉਹ ਮੌਜੂਦਾ ਸਮੇਂ ਓਨਟਾਰੀਓ ਦੀ ਓਸ਼ਾਵਾ ਸੀਟ ਦੀ ਨੁਮਾਇੰਦਗੀ ਕਰ ਰਹੇ ਹਨ। ਕੈਰੀ ਪਹਿਲੀ ਵਾਰ 2004 ਵਿਚ ਐੱਮ.ਪੀ. ਚੁਣੇ ਗਏ ਸਨ ਅਤੇ ਫਿਰ 6 ਵਾਰ ਹੋਰ ਜਿੱਤ ਹਾਸਲ ਕੀਤੀ।
ਉਨ੍ਹਾਂ ਕਿਹਾ ਕਿ ਸੰਸਦ ਮੈਂਬਰ ਵਜੋਂ ਸੇਵਾ ਕਰਨਾ ਮਾਣ ਵਾਲੀ ਗੱਲ ਹੈ ਪਰ ਹੁਣ ਸਮਾਂ ਆ ਗਿਆ ਹੈ ਕਿ ਕਿਸੇ ਨਵੇਂ ਵਿਅਕਤੀ ਲਈ ਕਮਿਊਨਿਟੀ ਦੀ ਨੁਮਾਇੰਦਗੀ ਕਰਨ ਦਾ ਰਸਤਾ ਪੱਧਰਾ ਕੀਤਾ ਜਾਵੇ।
ਫਰਵਰੀ ਵਿਚ ਹਾਊਸ ਔਫ ਕੌਮਨਜ਼ ਨੇ ਉਨ੍ਹਾਂ ਦਾ ਇੱਕ ਪ੍ਰਾਈਵੇਟ ਮੈਂਬਰ ਬਿੱਲ ਸਰਬਸੰਮਤੀ ਨਾਲ ਪਾਸ ਕੀਤਾ ਸੀ, ਜੋ ਇਹ ਯਕੀਨੀ ਕਰਦਾ ਹੈ ਕਿ ਕਿਸੇ ਅਪਰਾਧੀ ਦੇ ਰਿਹਾਅ ਹੋਣ ਜਾਂ ਉਸ ਨੂੰ ਪੈਰੋਲ ਮਿਲਣ ਦੀ ਜਾਣਕਾਰੀ ਪੀੜਤਾਂ ਨੂੰ ਮਿਲੇ। ਕੈਰੀ ਨੇ ਕਿਹਾ ਕਿ ਉਹ ਇਸ ਨੂੰ ਸੈਨੇਟ ਵਿਚ ਪਾਸ ਕਰਵਾਉਣ ਲਈ ਪੂਰੀ ਤਾਕਤ ਲਗਾਉਣ ਦੀ ਕੋਸ਼ਿਸ਼ ਕਰਨਗੇ।
