11.25C Vancouver 11.25C VancouverApr 21, 2020 8:35 PM -
ਨੋਵਾ ਸਕੌਸ਼ੀਆ 'ਚ ਇੱਕ ਪਾਸੇ ਲੋਕ ਐਤਵਾਰ ਦੀ ਸ਼ੂਟਿੰਗ ਦੇ ਦੁੱਖ 'ਚ ਡੁੱਬੇ ਹਨ ਪਰ ਦੂਜੇ ਪਾਸੇ ਕੋਵਿਡ-19 ਦੇ ਮਾਮਲਿਆਂ 'ਚ ਵਾਧਾ ਵੀ ਜਾਰੀ ਹੈ।
ਅੱਜ ਦੀ ਅਪਡੇਟ ਦੌਰਾਨ ਦੱਸਿਆ ਗਿਆ ਕਿ ਸੂਬੇ 'ਚ 16 ਨਵੇਂ ਵਾਇਰਸ ਸੰਬੰਧੀ ਮਾਮਲੇ ਦਰਜ ਕੀਤੇ ਗਏ ਹਨ।
ਹੁਣ ਸੂਬੇ 'ਚ ਵਾਇਰਸ ਸੰਬੰਧੀ ਪੀੜਤਾਂ ਦੀ ਗਿਣਤੀ 737 ਤਕ ਪਹੁੰਚ ਗਈ ਹੈ।
ਸੂਬੇ ਦੇ ਚੀਫ ਮੈਡੀਕਲ ਅਫਸਰ, ਡਾ. ਰੌਬਰਟ ਸਟ੍ਰੈਂਗ ਪੀੜਤਾਂ ਸੰਬੰਧੀ ਜਾਣਕਾਰੀਆਂ ਸਾਂਝੀਆਂ ਕੀਤੀਆਂ।
ਸੂਬੇ ਦੇ 286 ਲੋਕ ਹੁਣ ਤਕ ਰਿਕਵਰ ਕਰਨ 'ਚ ਕਾਮਯਾਬ ਰਹੇ ਹਨ।
ਸੂਬੇ ਦੇ 10 ਲਾਇਸੈਂਸੀ ਅਤੇ ਕੁਝ ਗੈਰ ਲਾਇਸੈਂਸੀ ਲੌਂਗ ਟਰਮ ਕੇਅਰ ਹੋਮਸ ਦੇ ਵਿਚ ਵਾਇਰਸ ਸੰਬੰਧੀ ਮਾਮਲੇ ਸਾਹਮਣੇ ਆ ਚੁੱਕੇ ਹਨ।
ਇਨ੍ਹਾਂ ਕੇਅਰ ਹੋਮਸ ਨਾਲ ਜੁੜੇ 128 ਰੈਜ਼ੀਡੈਂਟ ਅਤੇ 62 ਸਟਾਫ ਮੈਂਬਰ ਹੁਣ ਤਕ ਵਾਇਰਸ ਪੀੜਤ ਪਾਏ ਜਾ ਚੁੱਕੇ ਹਨ।
ਹੁਣ ਤਕ ਸੂਬੇ ਦੇ 10 ਵਾਇਰਸ ਪੀੜਤ ਦਮ ਤੋੜ ਚੁੱਕੇ ਹਨ।
ਅੱਜ ਸੂਬੇ ਦੇ ਪ੍ਰੀਮਿਅਰ ਸਟੀਫਨ ਮੈਕਨੀਲ ਨੇ ਭਾਵੁਕ ਅੰਦਾਜ 'ਚ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ, ਆਪਣੀ ਗੱਲਬਾਤ ਦੇ ਅੰਤ. 'ਚ ਸਾਰੇ ਲੋਕਾਂ ਨੂੰ ਬੇਨਤੀ ਕੀਤੀ ਕਿ ਓਹ ਜਿਥੇ ਵੀ ਹਨ, ਇੱਕ ਮਿਨਟ ਦੇ ਲਈ ਮੌਨ ਰੱਖ ਕੇ, ਵਾਇਰਸ ਪੀੜਤ ਅਤੇ ਗੋਲੀਬਾਰੀ ਦੇ ਕਾਰਨ ਜਾਨ ਗਵਾਉਣ ਵਾਲੇ ਲੋਕਾਂ ਨੂੰ ਯਾਦ ਕਰਨ।
