13.14C Vancouver 13.14C VancouverFeb 6, 2025 2:33 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਸਰਕਾਰ ਵਿਚ ਸੈਰ-ਸਪਾਟਾ ਮੰਤਰੀ ਸੋਰਾਇਆ ਮਾਰਟੀਨੇਜ਼-ਫੇਰਾਡਾ ਨੇ ਅਗਲੀਆਂ ਫੈਡਰਲ ਚੋਣਾਂ ਨਾ ਲੜਨ ਦੀ ਘੋਸ਼ਣਾ ਕੀਤੀ ਹੈ। ਸੋਰਾਇਆ ਨੇ ਕਿਹਾ ਕਿ ਉਨ੍ਹਾਂ ਮਾਂਟਰੀਅਲ ਦੀ ਮੇਅਰ ਬਣਨ ਦੀ ਦੌੜ ਵਿਚ ਹਿੱਸਾ ਲੈਣ ਦਾ ਫੈਸਲਾ ਲਿਆ ਹੈ। ਇਸ ਤੋਂ ਪਹਿਲਾਂ ਹਾਲ ਹੀ ਵਿਚ ਵੈਨਕੂਵਰ ਸਾਊਥ ਤੋਂ ਐੱਮ.ਪੀ. ਅਤੇ ਟਰੂਡੋ ਸਰਕਾਰ ਵਿਚ ਲੰਮੇ ਸਮੇਂ ਤੋਂ ਮੰਤਰੀ ਹਰਜੀਤ ਸਿੰਘ ਸੱਜਣ ਨੇ ਅਗਲੀਆਂ ਚੋਣਾਂ ਨਾ ਲੜਨ ਦੀ ਘੋਸ਼ਣਾ ਕੀਤੀ ਸੀ।
ਟਰੂਡੋ ਸਮੇਤ ਹੁਣ ਤੱਕ ਲਿਬਰਲ ਪਾਰਟੀ ਦੇ ਕਈ ਮੰਤਰੀ ਅਤੇ ਸਾਂਸਦ ਅਗਲੀਆਂ ਚੋਣਾਂ ਨਾ ਲੜਨ ਦੀ ਘੋਸ਼ਣਾ ਕਰ ਚੁੱਕੇ ਹਨ, ਹਾਲ ਹੀ ਵਿਚ ਅਜਿਹੀ ਘੋਸ਼ਣਾ ਕਰਨ ਵਾਲਿਆਂ ਵਿਚ ਸਾਬਕਾ ਮਿਨਿਸਟਰ ਸ਼ੌਨ ਫ੍ਰੇਜ਼ਰ, ਸੀਮਸ ਓ’ਰੀਗਨ, ਪਾਬਲੋ ਰੋਡਰਿਗਜ਼ ਅਤੇ ਕਾਰਲਾ ਕੁਆਲਟਰੋ ਸ਼ਾਮਲ ਹਨ।
ਦੱਸ ਦੇਈਏ ਕਿ ਸੈਰ-ਸਪਾਟਾ ਮੰਤਰੀ ਸੋਰਾਇਆ -ਕਿਊਬੈਕ ਤੋਂ ਐਮ.ਪੀ. ਹਨ, ਉਹ ਪਹਿਲੀ ਵਾਰ 2019 ਵਿਚ ਹਾਊਸ ਆਫ ਕਾਮਨਜ਼ ਲਈ ਚੋਣ ਜਿੱਤੇ ਸਨ। ਇਸ ਤੋਂ ਪਹਿਲਾਂ ਉਹ ਮਿਊਂਸੀਪਲ ਰਾਜਨੀਤੀ ਵਿਚ ਹੀ ਸਰਗਰਮ ਸਨ, 2005 ਵਿਚ ਉਹ ਕੌਂਸਲਰ ਬਣੀ ਸਨ। ਹੁਣ ਉਨ੍ਹਾਂ ਦਾ ਇਰਾਦਾ ਮਾਂਟਰੀਅਲ ਦੇ ਮੇਅਰ ਦੀ ਚੋਣ ਲੜਨ ਦਾ ਹੈ।
