18.58C Vancouver 18.58C VancouverNov 19, 2024 6:41 PM - The Canadian Press
ਕੈਨੇਡਾ ਵਿਚ ਸਭ ਤੋਂ ਵੱਧ ਚੋਰੀ ਹੋਣ ਵਾਲੀਆਂ ਟੌਪ-10 ਕਾਰਾਂ ਵਿਚ ਟੋਇਟਾ ਹਾਈਲੈਂਡਰ ਮੁੱਖ ਨਿਸ਼ਾਨਾ ਬਣ ਰਹੀ ਹੈ, ਇਸ ਦਾ ਖੁਲਾਸਾ ਬੀਮਾ ਅਪਰਾਧ ਅਤੇ ਧੋਖਾਧੜੀ ਰੋਕਥਾਮ ਸਮੂਹ ਨੇ ਕੀਤਾ ਹੈ। ਇਹ ਇੱਕ ਗੈਰ-ਮੁਨਾਫ਼ਾ ਸੰਸਥਾ ਇਕੁਇਟੀ ਐਸੋਸੀਏਸ਼ਨ ਹੈ। ਇਸ ਨੇ 2023 ਵਿਚ ਚੋਰੀ ਹੋਈਆਂ ਟੌਪ-10 ਕਾਰਾਂ ਦੇ ਅੰਕੜੇ ਜਾਰੀ ਕੀਤੇ ਹਨ।
ਐਸੋਸੀਏਸ਼ਨ ਦਾ ਕਹਿਣਾ ਹੈ ਕਿ ਇਸ ਲਿਸਟ ਵਿਚ ਸਭ ਤੋਂ ਟੌਪ ’ਤੇ ਟੋਇਟਾ ਹਾਈਲੈਂਡਰ ਹੈ, ਜਿਸ ਨੇ ਲਗਾਤਾਰ ਦੋ ਸਾਲਾਂ ਤੱਕ ਕੈਨੇਡਾ ਵਿਚ ਸਭ ਤੋਂ ਵੱਧ ਚੋਰੀ ਹੋਣ ਵਾਲੀ ਕਾਰ ਦੇ ਰੂਪ ਵਿਚ ਹੌਂਡਾ ਸੀਆਰ-ਵੀ ਨੂੰ ਪਛਾੜ ਦਿੱਤਾ ਹੈ। ਹੌਂਡਾ ਸੀਆਰ-ਵੀ ਹੁਣ ਚੌਥੇ ਨੰਬਰ ’ਤੇ ਖਿਸਕ ਗਈ ਹੈ।
ਇਸ ਲਿਸਟ ਵਿਚ ਸਭ ਤੋਂ ਵੱਧ ਅਕਸਰ ਚੋਰੀ ਹੋਣ ਵਾਲੇ ਹੋਰ ਵਾਹਨਾਂ ਵਿਚ ਡੋਜ ਰਾਮ 1500 ਸੀਰੀਜ਼ ਟਰੱਕ ਦੂਜੇ ਨੰਬਰ ’ਤੇ ਹਨ, ਇਸ ਤੋਂ ਬਾਅਦ ਲੈਕਸਸ ਆਰਐਕਸ ਸੀਰੀਜ਼, ਹੌਂਡਾ ਸੀਆਰ-ਵੀ ਅਤੇ ਟੋਇਟਾ ਆਰ.ਏ.ਵੀ.ਫਾਰ ਹਨ।
ਇਹ ਵਾਹਨ 2019 ਅਤੇ ਉਸ ਤੋਂ ਉਪਰਲੇ ਮਾਡਲ ਦੇ ਸਨ। ਗੌਰਤਲਬ ਹੈ ਕਿ 2024 ਵਿਚ ਕੈਨੇਡਾ ਵਿਚ ਕਾਰਾਂ ਦੀ ਚੋਰੀ ਵਿਚ ਕਮੀ ਆਈ ਹੈ ਕਿਉਂਕਿ ਕੈਨੇਡਾ ਨੇ ਇਸ ਸਾਲ ਦੇ ਸ਼ੁਰੂ ਵਿਚ ਆਟੋ ਚੋਰੀ ਦਾ ਮੁਕਾਬਲਾ ਕਰਨ ਲਈ ਇੱਕ ਰਾਸ਼ਟਰੀ ਕਾਰਜ ਯੋਜਨਾ ਦਾ ਐਲਾਨ ਕੀਤਾ ਸੀ।
