ਸਕੁਏਮਿਸ਼ ਵਿਚ ਇਕ ਭਾਲੂ ਦੇ ਹਮਲੇ ਤੋਂ ਬਾਅਦ ਅਧਿਕਾਰੀਆਂ ਵਲੋਂ ਰਸਤੇ ਕੀਤੇ ਗਏ ਬੰਦ

ਸਕੁਏਮਿਸ਼ ਵਿਚ ਇਕ ਭਾਲੂ ਦੇ ਹਮਲੇ ਤੋਂ ਬਾਅਦ ਅਧਿਕਾਰੀਆਂ ਵਲੋਂ ਰਸਤੇ ਨੂੰ ਬੰਦ ਕਰ ਦਿੱਤਾ ਗਿਆ। ਅਸਲ ਵਿਚ ਬੀਤੇ ਸ਼ੁੱਕਰਵਾਰ ਸਕੁਏਮਿਸ਼ ਵਿਚ ਇਕ ਔਰਤ ਆਪਣੇ ਕੁੱਤੇ ਨੂੰ ਘੁਮਾ ਰਹੀ ਸੀ ਤਾਂ ਅਚਾਨਕ ਇਕ ਭਾਲੂ ਨੇ ਉਸ ’ਤੇ ਹਮਲਾ ਕਰ ਦਿੱਤਾ।

ਕੰਜ਼ਰਵੇਸ਼ਨ ਅਫਸਰ ਸਰਵਿਸ ਨੇ ਇਕ ਫੇਸਬੁਕ ਪੋਸਟ ਰਾਹੀਂ ਦੱਸਿਆ ਕਿ ਇਕ ਔਰਤ ਸ਼ੁੱਕਰਵਾਰ ਨੂੰ ਸਕੁਏਮਿਸ਼ ਐਸਟੁਰੀ ’ਤੇ ਆਪਣੇ ਕੁੱਤੇ ਨੂੰ ਘੁਮਾ ਰਹੀ ਸੀ ਤਾਂ ਉਸ ਦਾ ਕੁੱਤਾ ਸੰਘਣੀ ਝਾੜੀ ਵਿੱਚ ਭੱਜ ਗਿਆ। ਇਸ ਤੋਂ ਬਾਅਦ ਔਰਤ ਨੇ ਭਾਲੂ ਦੇ ਦੋ ਬੱਚਿਆਂ ਨੂੰ ਦੇਖਿਆ ਅਤੇ ਅਚਾਨਕ ਉਸ ਦੇ ਨਾਲ ਆਈ ਇਕ ਮਾਦਾ ਭਾਲੂ ਨੇ ਉਸ ’ਤੇ ਹਮਲਾ ਕਰ ਦਿੱਤਾ।

ਇਸ ਹਮਲੇ ਵਿਚ ਔਰਤ ਗੰਭੀਰ ਰੂਪ ਵਿਚ ਜ਼ਖਮੀ ਹੋ ਗਈ ਜਿਸ ਨੂੰ ਜਾਨਲੇਵਾ ਸੱਟਾਂ ਲੱਗੀਆਂ। ਮਾਮਲੇ ਦੀ ਜਾਂਚ ਕਰ ਰਹੇ ਅਧਿਕਾਰੀਆਂ ਨੂੰ ਭਾਲੂ ਨਹੀਂ ਮਿਲਿਆ ਅਤੇ ਸਕੁਏਮਿਸ਼ ਜ਼ਿਲ੍ਹੇ ਦਾ ਕਹਿਣਾ ਹੈ ਕਿ ਜਾਂਚ ਜਾਰੀ ਰਹਿਣ ਤੱਕ ਉਸ ਨੇ ਇਲਾਕੇ ਦੇ ਰਸਤੇ ਬੰਦ ਕਰ ਦਿੱਤੇ ਗਏ ਹਨ। ਕੰਜ਼ਰਵੇਸ਼ਨ ਅਫਸਰ ਸਰਵਿਸ ਵਲੋਂ ਅਜਿਹੇ ਹਮਲਿਆਂ ਤੋਂ ਬਚਣ ਲਈ ਹਾਈਕਰਾਂ ਨੂੰ ਗਰੁੱਪ ਵਿਚ ਰਹਿਣ ਅਤੇ ਆਪਣੇ ਪਾਲਤੂ ਜਾਨਵਰਾਂ ਨੂੰ ਬੰਨ੍ਹ ਕੇ ਰੱਖਣ ਦੀ ਅਪੀਲ ਕੀਤੀ ਜਾ ਰਹੀ ਹੈ।