14.86C Vancouver 14.86C VancouverMar 26, 2021 7:36 PM -
ਦੱਖਣੀ ਇਜੀਪਟ ਵਿੱਚ 2 ਰੇਲਾਂ ਦੀ ਭਿਆਨਕ ਟੱਕਰ ਹੋ ਗਈ ਹੈ।
ਘਟਨਾ 'ਚ 32 ਲੋਕਾਂ ਦੇ ਮਾਰੇ ਜਾਣ ਦੀ ਖਬਰ ਹੈ।
165 ਲੋਕਾਂ ਦੇ ਜ਼ਖਮੀ ਹੋਣ ਬਾਰੇ ਦੱਸਿਆ ਜਾ ਰਿਹਾ ਹੈ।
ਰੇਲ ਅਧਿਕਾਰੀਆਂ ਦਾ ਕਹਿਣਾ ਸੀ ਕਿ ਕਿਸੇ ਨੇ ਰੇਲ ਦੀਆਂ ਐਮਰਜੈਂਸੀ ਬ੍ਰੇਕਸ ਐਕਟੀਵੇਟ ਕਰ ਦਿੱਤੀਆਂ ਸਨ।
ਇਸ ਤੋਂ ਬਾਅਦ ਰੁਕੀ ਹੋਈ ਪਸੈਂਜਰ ਰੇਲ 'ਚ ਇੱਕ ਹੋਰ ਰੇਲ ਪਿੱਛੇ ਤੋਂ ਆ ਟਕਰਾਈ।
ਇਹ ਘਟਨਾ ਸੋਹਾਗ ਸੂਬੇ 'ਚ ਵਾਪਰੀ ਦੱਸੀ ਗਈ ਹੈ।
ਬਾਅਦ 'ਚ ਪ੍ਰਧਾਨ ਮੰਤਰੀ ਦਾ ਕਹਿਣਾ ਸੀ ਕਿ ਘਟਨਾ ਦੇ ਕਿਸੇ ਪੁਖਤਾ ਕਾਰਨ ਦਾ ਪਤਾ ਨਹੀਂ ਲੱਗਿਆ ਹੈ।
ਮੌਕੇ ਤੋਂ ਉਜਾਗਰ ਹੋਏ ਵੀਡੀਓ 'ਚ ਰੇਲਾਂ ਦਾ ਮਲਬਾ ਵੇਖਿਆ ਜਾ ਸਕਦਾ ਹੈ।
ਜ਼ਖਮੀ ਲੋਕਾਂ ਨੂੰ ਨੇੜ ਦੇ 4 ਹਸਪਤਾਲਾਂ 'ਚ ਪਹੁੰਚਾਇਆ ਗਿਆ ਸੀ ਅਤੇ ਕੁਝ ਨੂੰ ਕਾਇਰੋ ਪਹੁੰਚਾਇਆ ਗਿਆ ਸੀ।
ਇਸ ਦੇਸ਼ 'ਚ ਰੇਲ ਨਾਲ ਸੰਬੰਧਤ ਲਗਾਤਾਰ ਦੁਰਘਟਨਾਵਾਂ ਦੀਆਂ ਖਬਰਾਂ ਉਜਾਗਰ ਹੁੰਦੀਆਂ ਰਹਿੰਦੀਆਂ ਹਨ।
