11.31C Vancouver 11.31C VancouverDec 6, 2021 8:19 PM - The Canadian Press
ਟ੍ਰਾਂਸ ਮਾਊਂਟੇਨ ਪਾਈਪਲਾਈਨ ਨੂੰ ਮੁੜ ਤੋਂ ਸ਼ੁਰੂ ਕਰ ਦਿੱਤਾ ਗਿਆ ਹੈ।
ਬੀ.ਸੀ. 'ਚ ਹੜ੍ਹਾਂ ਅਤੇ ਮਡਸਲਾਈਡਸ ਵਿਚਾਲੇ ਸਾਵਧਾਨੀ ਵਰਤਦੇ ਹੋਏ ਇਸ ਪਾਈਪਲਾਈਨ ਨੂੰ ਬੰਦ ਕਰ ਦਿੱਤਾ ਗਿਆ ਸੀ।
ਫੈਡਰਲ ਕਰਾਊਨ ਕੌਰਪੋਰੇਸ਼ਨ ਦਾ ਕਹਿਣਾ ਹੈ ਕਿ ਪਾਈਪਲਾਈਨ ਨੂੰ ਐਤਵਾਰ ਨੂੰ ਸੁਰੱਖਿਅਤ ਢੰਗ ਨਾਲ ਸ਼ੁਰੂ ਕਰ ਦਿੱਤਾ ਗਿਆ ਹੈ।
ਦੱਸਿਆ ਗਿਆ ਕਿ ਸਾਰੀ ਜਰੂਰੀ ਅਸੈਸਮੈਂਟ ਅਤੇ ਮਰੱਮਤ ਤੋਂ ਬਾਅਦ ਪਾਈਪਲਾਈਨ ਨੂੰ ਸ਼ੁਰੂ ਕੀਤਾ ਗਿਆ ਹੈ।
ਐਲਬਰਟਾ ਤੋਂ ਬੀ.ਸੀ. ਵਿਚਾਲੇ ਪੈਟਰੋਲੀਅਮ ਉਤਪਾਦਾਂ ਦੇ 300,000 ਬੈਰਲ ਲਿਆਉਣ ਵਾਲੀ ਇਸ ਪਾਈਪਲਾਈਨ ਦੇ ਕੁਝ ਹਿੱਸੇ ਹੜ੍ਹਾਂ ਵਿਚਾਲੇ ਐਕਸਪੋਜ਼ ਹੋ ਗਏ ਸਨ।
ਜਾਣਕਾਰੀ ਦਿੱਤੀ ਗਈ ਕਿ ਮਰੱਮਤ ਦੇ ਕੰਮ 'ਚ 'ਪ੍ਰੋਟੈਕਟਿਵ ਅਰਥਵਰਕਸ' ਦੀ ਉਸਾਰੀ ਵੀ ਸ਼ਾਮਿਲ ਸੀ।
ਟ੍ਰਾਂਸ ਮਾਊਂਟੇਨ ਦਾ ਕਹਿਣਾ ਹੈ ਕਿ ਇਸ ਪਾਈਪਲਾਈਨ ਨੂੰ ਜਮੀਨ, ਹਵਾ ਅਤੇ ਕੰਟਰੋਲ ਸੈਂਟਰ ਆਸਰੇ ਮਾਨੀਟਰ ਕੀਤਾ ਜਾ ਰਿਹਾ ਹੈ।
