27.16C Vancouver 27.16C VancouverMar 31, 2022 9:45 PM - Connect News
ਮੈਟਰੋ ਵੈਨਕੂਵਰ 'ਚ ਵਾਪਰੇ ਇੱਕ ਹਮਲੇ ਦੇ ਮਾਮਲੇ 'ਚ 2 ਟੀਨੇਜਰਸ 'ਤੇ ਦੋਸ਼ ਲੱਗੇ ਹਨ।
ਮਾਮਲਾ ਮੈਟਰੋ ਵੈਨਕੂਵਰ ਪਬਲਿਕ ਟ੍ਰਾਂਜ਼ਿਟ 'ਚ ਇੱਕ ਤਲਵਾਰ ਜਿਹੇ ਹਥਿਆਰ ਨਾਲ ਕੀਤੇ ਹਮਲੇ ਨਾਲ ਸੰਬੰਧਤ ਹੈ।
ਸ਼ੱਕੀਆਂ ਦੀ ਉਮਰ 16 ਅਤੇ 17 ਸਾਲ ਦੱਸੀ ਗਈ ਹੈ।
ਦੋਵਾਂ 'ਤੇ ਭਿਆਨਕ ਹਮਲੇ ਸੰਬੰਧਤ ਦੋਸ਼ ਲੱਗੇ ਹਨ।
ਮੈਟਰੋ ਵੈਨਕੂਵਰ ਟ੍ਰਾਂਜ਼ਿਟ ਪੁਲਿਸ ਨੂੰ ਬਰਕੋਟਲਮ ਸਟੇਸ਼ਨ 'ਤੇ 10 ਮਾਰਚ ਨੂੰ ਸ਼ਾਮ ਦੇ ਸਮੇਂ ਸੱਦਿਆ ਗਿਆ ਸੀ।
ਰਿਪੋਰਟ ਮਿਲੀ ਸੀ ਕਿ 2 ਲੋਕ ਇੱਕ ਆਦਮੀ ਦਾ ਪਿੱਛਾ ਕਰਦੇ ਹੋਏ ਸਕਾਈਟਰੇਨ 'ਚ ਦਾਖਿਲ ਹੋ ਗਏ ਸਨ। ਦੋਵਾਂ ਵਿੱਚੋਂ ਇੱਕ ਕੋਲ ਤਲਵਾਰ ਜਿਹਾ ਹਥਿਆਰ ਸੀ।
ਅਫਸਰਾਂ ਨੂੰ ਦੱਸਿਆ ਗਿਆ ਸੀ ਕਿ ਇੱਕ ਸ਼ੱਕੀ ਨੇ ਆਦਮੀ 'ਤੇ ਕਈ ਵਾਰ ਇਸ ਹਥਿਆਰ ਨਾਲ ਵਾਰ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ ਪਰ ਆਦਮੀ ਇੱਕ ਪਾਈਲੌਨ ਦੀ ਵਰਤੋਂ ਕਰ ਕਿਸੇ ਢੰਗ ਨਾਲ ਖੁਦ ਦਾ ਬਚਾਅ ਕਰਦਾ ਰਿਹਾ।
ਇਸੇ ਦੌਰਾਨ ਵਿਅਕਤੀ ਦੇ ਸਿਰ 'ਤੇ ਇਸ ਹਥਿਆਰ ਨਾਲ ਵੱਜੀ ਸੱਟ ਕਾਰਨ ਉਸ ਨੂੰ ਹਸਪਤਾਲ ਪਹੁੰਚਾਇਆ ਗਿਆ।
ਜਾਣਕਾਰੀ ਅਨੁਸਾਰ ਆਦਮੀ ਨੂੰ ਡੂੰਘੀ ਸੱਟ ਲੱਗੀ ਸੀ।
ਅਫਸਰਾਂ ਨੇ ਦੱਸਿਆ ਕਿ ਜਾਂਚ ਦੌਰਾਨ ਪੋਰਟ ਮੂਡੀ ਤੋਂ 2 ਸ਼ੱਕੀਆਂ ਨੂੰ ਕਾਬੂ ਕੀਤਾ ਗਿਆ।
