12.68C Vancouver 12.68C VancouverMay 25, 2022 10:21 PM - The Canadian Press
ਮੈਟਰੋ ਵੈਨਕੂਵਰ ਦੀ ਟਰਾਂਸਪੋਰਟੇਸ਼ਨ ਅਥਾਰਿਟੀ ਦਾ ਕਹਿਣਾ ਹੈ ਕਿ ਪੈਂਡੈਮਿਕ ਦਰਮਿਆਨ ਹੇਠਾਂ ਗਈ ਰਾਈਡਰਸ਼ਿਪ ਮਜਬੂਤੀ ਨਾਲ ਉਭਰੀ ਹੈ।
ਕਈ ਹੋਰ ਨੌਰਥ ਅਮਰੀਕੀ ਟ੍ਰਾਂਜ਼ਿਟ ਨੈਟਵਰਕਸ ਮੁਕਾਬਲੇ ਇਲਾਕੇ 'ਚ ਰਾਈਡਰਸ਼ਿਪ ਦੀ ਰਿਕਵਰੀ ਨੂੰ ਬਿਹਤਰ ਦੱਸਿਆ ਗਿਆ ਹੈ, ਹਾਲਾਂਕਿ ਇਸ ਦੇ ਪੂਰੀ ਤਰ੍ਹਾਂ ਉਭਰਨ 'ਚ ਅਜੇ ਕਮੀ ਦੱਸੀ ਗਈ ਹੈ।
ਟ੍ਰਾਂਸਲਿੰਕ ਨੇ ਇੱਕ ਬਿਆਨ ਜਾਰੀ ਕਰ ਕਿਹਾ ਹੈ ਕਿ, ਪੂਰੇ ਸਿਸਟਮ 'ਚ 70% ਰਾਈਡਰਸ਼ਿਪ ਰਿਕਵਰੀ ਹੋ ਚੁੱਕੀ ਹੈ।
ਬੀਤੇ ਸਾਲ ਇਸ ਰਿਕਵਰੀ ਦੀ ਦਰ 59% 'ਤੇ ਪਹੁੰਚੀ ਦੱਸੀ ਗਈ ਸੀ।
ਬੁੱਧਵਾਰ ਨੂੰ 2021 ਦਾ ਟ੍ਰਾਂਜ਼ਿਟ ਸਰਵਿਸ ਪਰਫਾਰਮੈਂਸ ਰੀਵਿਊ ਸਾਂਝਾ ਕੀਤਾ ਗਿਆ।
ਇਸ 'ਚ ਜਾਣਕਾਰੀ ਦਿੱਤੀ ਗਈ ਕਿ ਟੋਰੌਂਟੋ, ਮੌਂਟਰੀਅਲ, ਵਾਸ਼ਿੰਗਟਨ, ਸ਼ਿਕਾਗੋ ਅਤੇ ਸੈਨ ਫਰੈਂਸਿਸਕੋ ਮੁਕਾਬਲੇ ਮੈਟਰੋ ਵੈਨਕੂਵਰ ਦੇ ਟ੍ਰਾਂਜ਼ਿਟ ਸਿਸਟਮ ਦਾ ਰਿਕਵਰੀ ਰੇਟ ਬਿਹਤਰ ਰਿਹਾ ਹੈ।
ਇਸ 'ਚ ਬੱਸ ਰਾਈਡਰਸ਼ਿਪ ਦੇ 62% 'ਤੇ ਪਹੁੰਚਣ ਦੀ ਜਾਣਕਾਰੀ ਦਿੱਤੀ ਗਈ ਜਦਕਿ ਸਕਾਈਟਰੇਨ ਲਾਈਨਸ 54% ਅਤੇ 57% 'ਤੇ ਪੋਹੁੰਚੀਆਂ ਦੱਸੀਆਂ ਗਈਆਂ।
ਸਰੀ, ਲੈਂਗਲੀ, ਵਾਈਟ ਰੌਕ ਅਤੇ ਨੌਰਥ ਡੈਲਟਾ 'ਚ ਰਿਕਵਰੀ ਦਰ 75% ਦੀ ਰਹੀ ਦੱਸੀ ਗਈ।
