15.25C Vancouver 15.25C VancouverSep 4, 2020 7:20 PM -
ਕੈਨੇਡੀਅਨ ਫਲਾਇਟਸ 'ਤੇ ਮਾਸਕ ਪਹਿਨਣ ਤੋਂ ਮਨ੍ਹਾ ਕਰਨ ਵਾਲੇ ਹਵਾਈ ਯਾਤਰੀਆਂ ਨੂੰ ਪਹਿਲੀ ਵਾਰ ਫੈਡਰਲ ਟ੍ਰਾਂਸਪੋਰਟ ਅਧਿਕਾਰੀਆਂ ਦੁਆਰਾ ਜੁਰਮਾਨੇ ਲਗਾਏ ਗਏ ਹਨ।
ਜ਼ਿਕਰਯੋਗ ਹੈ ਕਿ ਫਲਾਈਟਸ 'ਤੇ ਮਾਸਕ ਨਾ ਪਹਿਨਨਾ, ਕੋਵਿਡ-19 ਦੇ ਵਿਸਥਾਰ ਨੂੰ ਰੋਕਣ ਲਈ ਸਰਕਾਰ ਦੇ ਆਦੇਸ਼ਾਂ ਦੀ ਉਲੰਘਣਾ ਹੈ।
ਟ੍ਰਾਂਸਪੋਰਟ ਕੈਨੇਡਾ ਦਾ ਕਹਿਣਾ ਹੈ ਕਿ, ਏਅਰ ਕ੍ਰਿਊਜ਼ ਦੁਆਰਾ ਦਿੱਤੀਆਂ ਹਿਦਾਇਤਾਂ ਦੀ ਪਾਲਣਾ ਨਾ ਕਰਨ ਲਈ ਅਤੇ ਮਾਸਕ ਨਾ ਪਹਿਨਣ ਲਈ ਦੋ ਵਿਅਕਤੀਆਂ ਨੂੰ $1,000 ਦਾ ਜੁਰਮਾਨਾ ਲਗਾਇਆ ਗਿਆ ਹੈ।
ਪਹਿਲੀ ਘਟਨਾ 14 ਜੂਨ ਨੂੰ ਕੈਲਗਰੀ ਤੋਂ ਵੌਟਰਲੂ ਜਾ ਰਹੀ ਵੈਸਟਜੈੱਟ ਫਲਾਈਟ ਦੀ ਹੈ।
ਦੂਸਰੀ ਘਟਨਾ 7 ਜੁਲਾਈ ਵੈਨਕੂਵਰ ਤੋਂ ਕੈਲਗਰੀ ਜਾ ਰਹੀ ਵੈਸਟਜੈੱਟ ਫਲਾਈਟ 'ਤੇ ਵਾਪਰੀ ਦੱਸੀ ਗਈ ਹੈ।
ਟ੍ਰਾਂਸਪੋਰਟ ਕੈਨੇਡਾ ਦਾ ਕਹਿਣਾ ਹੈ ਕਿ ਇਨ੍ਹਾਂ ਯਾਤਰੀਆਂ ਨੂੰ ਕਈ ਵਾਰ ਮੂੰਹ ਢਕਣ ਲਈ ਕਿਹਾ ਗਿਆ, ਪਰ ਉਨ੍ਹਾਂ ਮਾਸਕ ਪਹਿਨਣ ਤੋਂ ਇਨਕਾਰ ਕਰ ਦਿੱਤਾ।
ਫੈਡਰਲ ਨੀਯਮਾਂ ਦੇ ਅਧੀਨ, ਸਾਰੇ ਯਾਤਰੀਆਂ ਨੂੰ ਫਲਾਈਟ ਚੜ੍ਹਨ ਤੋਂ ਪਹਿਲਾਂ, ਫਲਾਈਟ ਵੇਲੇ ਅਤੇ ਫਲਾਈਤ ਤੋਂ ਉਤਰਨ ਵੇਲੇ ਫੇਸ ਮਾਸਕ ਪਹਿਨਣਾ ਲਾਜ਼ਮੀ ਹੈ।
ਇਸ ਤੋਂ ਇਲਾਵਾ ਮੂੰਹ ਢਕਣ ਬਾਬਤ, ਸਾਰੇ ਯਾਤਰੀਆਂ ਨੂੰ ਗੇਟ ਏਜੈਂਟ ਜਾਂ ਫਿਰ ਕਿਸੇ ਕ੍ਰਿਊ ਮੈਂਬਰ ਦੁਆਰਾ ਦਿੱਤੇ ਨਿਰਦੇਸ਼ਾਂ ਦੀ ਵੀ ਪਾਲਣਾ ਕਰਨਾ ਜ਼ਰੂਰੀ ਹੈ।
