12C Vancouver 12C VancouverApr 17, 2020 10:51 PM -
ਟਰਾਂਸਪੋਰਟ ਕੈਨੇਡਾ ਦਾ ਕਹਿਣਾ ਹੈ ਕਿ ਇਸ ਸੋਮਵਾਰ ਤੋਂ ਜਿਹੜੇ ਲੋਕ ਹਵਾਈ ਸਫਰ ਕਰਕੇ ਕੈਨੇਡਾ ਆ ਰਹੇ ਹਨ ਜਾਂ ਕੈਨੇਡਾ ਤੋਂ ਜਾ ਰਹੇ ਹਨ ਉਨ੍ਹਾਂ ਨੂੰ ਕਨੇਡੀਅਨ ਹਵਾਈ ਅੱਡਿਆਂ 'ਤੇ ਮਾਸਕ ਪਹਿਨ ਕੇ ਰੱਖਣਾ ਜਰੂਰੀ ਹੋਵੇਗਾ।
ਅਜਿਹਾ ਲੋਕਾਂ ਦੇ ਜਰਮਸ ਫੈਲਣ ਤੋਂ ਰੋਕਣ ਦੀ ਕੋਸ਼ਿਸ਼ ਤਹਿਤ ਕੀਤਾ ਜਾ ਰਿਹਾ ਹੈ।
ਮੰਤਰੀ ਮਾਰਕ ਗਾਰਨੇਊ ਦਾ ਕਹਿਣਾ ਸੀ ਕਿ 20 ਅਪ੍ਰੈਲ ਤੋਂ ਸਵਾਰੀਆਂ ਨੂੰ ਉਸ ਵੇਲੇ ਤਕ ਹਵਾਈ ਜਹਾਜ 'ਤੇ ਚੜ੍ਹਨ ਦੀ ਇਜਾਜਤ ਨਹੀਂ ਹੋਵੇਗੀ ਜਦ ਤਕ ਕਿ ਸਵਾਰੀਆਂ ਕੋਲ ਮੂੰਹ ਢਕਣ ਦੇ ਨਾਨ-ਮੈਡੀਕਲ ਉਪਕਰਨ ਨਹੀਂ ਹੋਣਗੇ।
ਕੋਵਿਡ-19 ਦੇ ਫੈਲਣ ਤੋਂ ਬਚਾਅ ਸੰਬੰਧੀ ਇਹ ਕਦਮ ਉਠਾਏ ਜਾ ਰਹੇ ਹਨ।
ਹਾਲਾਂਕਿ ਮਾਸਕ ਪਹਿਨਣ ਦੀ ਲੋੜ ਉਸੇ ਵੇਲੇ ਹੋਵੇਗੀ, ਜਦ ਲੋਕ ਕਿਸੇ ਦੇ ਕੋਲ ਹੋਣਗੇ।
ਉਦਾਹਰਣ ਵਜੋਂ ਸਕਰੀਨਿੰਗ ਪਾਇੰਟਸ ਜਾਂ ਵਧੇਰੇ ਲੋਕਾਂ ਦੀ ਮੌਜੂਦਗੀ 'ਚ ਅਜਿਹਾ ਕਰਨਾ ਜਰੂਰੀ ਹੋਵੇਗਾ।
ਲੋਕਾਂ ਨੂੰ ਕਿਸ਼ਤੀਆਂ, ਫੈਰੀਸ, ਟ੍ਰੇਨਾਂ ਅਤੇ ਬੱਸਾਂ 'ਚ ਵੀ ਮਾਸਕ ਪਹਿਨਣ ਲਈ ਪ੍ਰੇਰਿਤ ਕੀਤਾ ਜਾ ਰਿਹਾ ਹੈ, ਪਰ ਇਨ੍ਹਾਂ 'ਚ ਅਜੇ ਮਾਸਕ ਕੰਪਲਸਰੀ ਨਹੀਂ ਕੀਤੇ ਗਏ ਹਨ।
