23.8C Vancouver 23.8C VancouverDec 18, 2023 7:04 PM - Connect News
ਕੈਨੇਡਾ ਵਿੱਚ ਛੁੱਟੀਆਂ ਦਾ ਸੀਜ਼ਨ ਸ਼ੁਰੂ ਹੋਣ ਵਾਲਾ ਹੈ ਜਿਸ ਦੌਰਾਨ ਬਹੁਤ ਸਾਰੇ ਕੈਨੇਡੀਅਨਜ਼ ਘੁੰਮਣ ਦੀ ਯੋਗਣਾ ਬਣਾ ਰਹੇ ਹਨ ਪਰ ਇਸ ਵਿਚਕਾਰ ਸਰਕਾਰ ਵੱਲੋਂ ਜਾਰੀ ਟ੍ਰੈਵਲ ਐਡਵਾਇਜ਼ਰੀ ਨੂੰ ਵੀ ਧਿਆਨ ਵਿੱਚ ਰੱਖਣਾ ਮਹੱਤਵਪੂਰਨ ਹੈ।
ਮੌਜੂਦਾ ਸਮੇਂ 21 ਥਾਵਾਂ ਲਈ ਕੈਨੇਡਾ ਸਰਕਾਰ ਨੇ ਕਿਸੇ ਵੀ ਤਰ੍ਹਾਂ ਦੀ ਯਾਤਰਾ ਨਾ ਕਰਨ ਦੀ ਸਲਾਹ ਦਿੱਤੀ ਹੈ। ਇਨ੍ਹਾਂ ਵਿੱਚ ਰੂਸ, ਯੂਕਰੇਨ, ਯਮਨ, ਸੂਡਾਨ, ਇਰਾਕ, ਸੀਰੀਆ ਅਤੇ ਵੈਨੇਜ਼ੁਏਲਾ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਕੁੱਝ ਥਾਵਾਂ ਲਈ ਖੇਤਰੀ ਸਲਾਹ ਵੀ ਸ਼ਾਮਲ ਹਨ ਜਿਸ ਦਾ ਮਤਲਬ ਹੈ ਕਿ ਸੰਬੰਧਿਤ ਮੁਲਕ ਵਿੱਚ ਕਿਸੇ ਵਿਸ਼ੇਸ਼ ਜਗ੍ਹਾ 'ਤੇ ਯਾਤਰੀਆਂ ਲਈ ਰਿਸਕ ਹੋ ਸਕਦਾ ਹੈ।
ਕੈਨੇਡੀਅਨ ਨੂੰ ਇਜ਼ਰਾਇਲ,ਨਾਈਜੀਰੀਆ, ਇਥੋਪੀਆ ਅਤੇ ਕਾਂਗੋ ਸਮੇਤ 9 ਮੁਲਕਾਂ ਲਈ ਗੈਰ-ਜ਼ਰੂਰੀ ਯਾਤਰਾ ਤੋਂ ਬਚਣ ਦੀ ਵੀ ਸਲਾਹ ਦਿੱਤੀ ਗਈ ਹੈ। ਉਥੇ ਹੀ,ਫਰਾਂਸ, ਮਿਸਰ, ਚੀਨ, ਥਾਈਲੈਂਡ, ਬ੍ਰਾਜ਼ੀਲ, ਵੀਅਤਨਾਮ ਅਤੇ ਕਿਊਬਾ ਨੂੰ ਲੈ ਕੇ ਸਰਕਾਰ ਨੇ ਕੈਨੇਡੀਅਨਜ਼ ਨੂੰ ਉੱਥੇ ਉੱਚ ਪੱਧਰੀ ਸਾਵਧਾਨੀ ਵਰਤਣ ਦੀ ਸਲਾਹ ਦਿੱਤੀ ਹੈ।
ਗੌਰਤਲਬ ਹੈ ਕਿ ਵਿਸ਼ਵ ਦੇ ਕੁੱਝ ਮੁਲਕਾਂ ਵਿੱਚ ਸੰਕਟ ਦੇ ਮੱਦੇਨਜ਼ਰ ਕੈਨੇਡਾ ਸਰਕਾਰ ਵਲੋਂ ਸਮੇਂ-ਸਮੇਂ 'ਤੇ ਕੈਨੇਡੀਅਨਜ਼ ਲਈ ਟ੍ਰੈਵਲ ਐਡਵਾਇਜ਼ਰੀ ਜਾਰੀ ਕੀਤੀ ਜਾਂਦੀ ਹੈ ਤਾਂ ਜੋ ਉਨ੍ਹਾਂ ਨੂੰ ਕਿਸੇ ਸੰਕਟ ਵਿਚ ਫਸਣਾ ਨਾ ਪਵੇ।
