20.76C Vancouver 20.76C VancouverAug 25, 2023 6:14 PM - The Canadian Press
ਬੀ.ਸੀ. ਦੇ ਓਕਾਨਾਗਨ ਖੇਤਰ ਲਈ ਟ੍ਰੈਵਲ ਬੈਨ ਹਟਾ ਦਿੱਤਾ ਗਿਆ ਹੈ ਕਿਉਂਕਿ ਇਸ ਹਫ਼ਤੇ ਦੀ ਬਾਰਿਸ਼ ਤੋਂ ਬਾਅਦ ਜੰਗਲੀ ਅੱਗ ਘੱਟ ਗਈ ਹੈ।
ਐਮਰਜੈਂਸੀ ਮੈਨੇਜਮੈਂਟ ਮਿਨਿਸਟਰ ਬੋਵਿਨ ਮਾ ਨੇ ਬੀਤੇ ਦਿਨ ਐਲਾਨ ਕਰਦਿਆਂ ਕਿਹਾ ਕਿ ਵੈਸਟ ਕਲੋਨਾ ਤੱਕ ਯਾਤਰਾ ਪਾਬੰਦੀਆਂ ਅੱਧੀ ਰਾਤ ਤੋਂ ਹਟਾ ਦਿੱਤੀਆਂ ਗਈਆਂ ਹਨ।
9 ਅਗਸਤ ਨੂੰ ਰੀਜਨ ਦੇ ਜ਼ਿਆਦਾਤਰ ਹਿੱਸਿਆਂ ਵਿਚ ਯਾਤਰਾ ਪਾਬੰਦੀਆਂ ਲਗਾਈਆਂ ਗਈਆਂ ਸੀ।
ਵੈਸਟ ਕਲੋਨਾ ਦੇ ਕੁਝ ਹਿੱਸਿਆਂ, ਵੈਸਟਬੈਂਕ ਫਸਟ ਨੇਸ਼ਨ ਅਤੇ ਲੇਕ ਕੰਟਰੀ ਦਾ ਕੁਝ ਇਲਾਕਾ ਹਾਲਾਂਕਿ ਅਜੇ ਵੀ ਇਵੈਕੁਏਸ਼ਨ ਆਰਡਰਸ ਦੇ ਅਧੀਨ ਹੈ।
ਪੈਂਟਿਕਟਨ, ਵਰਨਨ, ਕਲੋਨਾ ਅਤੇ ਕੈਮਲੂਪਸ ਲਈ ਟ੍ਰੈਵਲ ਬੈਨ ਪਹਿਲਾਂ ਹਟਾ ਦਿੱਤਾ ਗਿਆ ਸੀ।
ਐਮਰਜੈਂਸੀ ਓਪਰੇਸ਼ਨਜ਼ ਸੈਂਟਰ ਨੇ ਅਪੀਲ ਕੀਤੀ ਹੈ ਕਿ ਘਰਾਂ ਵਿਚ ਵਾਪਸੀ ਕਰਦੇ ਲੋਕ ਸੁਰੱਖਿਆ ਨੂੰ ਯਕੀਨੀ ਬਣਾਉਣ।
ਬੀਸੀ ਦੇ ਲਿਟਨ ਨਜ਼ਦੀਕ ਸਟਾਈਨ ਦੇ ਪਹਾੜ 'ਤੇ ਲੱਗੀ ਅੱਗ ਹੁਣ 33 ਵਰਗ ਕਿਲੋਮੀਟਰ ਤੱਕ ਫੈਲ ਗਈ ਹੈ।
ਨੌਰਥ ਲਿਟਨ ਵਿਚ ਕਈ ਘਰਾਂ ਨੂੰ ਖ਼ਾਲੀ ਕਰਨ ਦੇ ਆਦੇਸ਼ ਦਿੱਤੇ ਗਏ ਹਨ।
ਇਸ ਸਮੇਂ ਬੀ.ਸੀ. ਵਿਚ ਕਰੀਬ 370 ਜੰਗਲੀ ਅੱਗਾਂ ਐਕਟਿਵ ਹਨ, ਅਤੇ ਇਸ ਭਿਆਨਕ ਜੰਗਲੀ ਅੱਗ ਕਾਰਨ 18,000 ਵਰਗ ਕਿਲੋਮੀਟਰ ਜ਼ਮੀਨ ਸੜ ਚੁੱਕੀ ਹੈ।
