15.99C Vancouver 15.99C VancouverApr 20, 2021 9:36 PM -
ਬੀ.ਸੀ. ਦੇ ਪਬਲਿਕ ਸੇਫਟੀ ਮੰਤਰੀ ਮਾਈਕ ਫਾਰਨਵਰਥ ਨੇ ਕਿਹਾ ਹੈ ਕਿ ਸੂਬੇ ਵੱਲੋਂ ਹੈਲਥ ਅਥਾਰਿਟੀਸ ਵਿਚਾਲੇ ਗੈਰ-ਜ਼ਰੂਰੀ ਯਾਤਰਾ 'ਤੇ ਪਬੰਦੀ ਸੂਝ-ਬੂਝ ਨਾਲ ਲਗਾਈ ਜਾਵੇਗੀ ਅਤੇ ਅਜਿਹਾ ਕਰਦੇ ਹੋਏ ਸੜਕਾਂ 'ਤੇ ਰੈਂਡਮ ਚੈੱਕ ਨਹੀਂ ਕੀਤੇ ਜਾਣਗੇ।
ਉਨ੍ਹਾਂ ਕਿਹਾ ਕਿ ਸਿਰਫ ਪਿਰਿਔਡੀਕ ਰੋਡਬਲੌਕਸ ਨੂੰ ਵਰਤੋਂ 'ਚ ਲਿਆਂਦਾ ਜਾਵੇਗਾ।
ਉਨ੍ਹਾਂ ਦੱਸਿਆ ਕਿ ਅਜਿਹੇ ਰੋਡਬਲੌਕਸ ਨੂੰ ਬੀ.ਸੀ. ਫੈਰੀਸ ਦੇ ਟਰਮਿਨਲ ਅਤੇ ਲੋਅਰ ਮੇਨਲੈਂਡ ਦੇ ਕੋਲ ਹਾਈਵੇਅ 1 'ਤੇ ਸਥਾਪਿਤ ਕੀਤਾ ਜਾ ਸਕਦਾ ਹੈ।
ਫਾਰਨਵਰਥ ਦਾ ਕਹਿਣਾ ਹੈ ਕਿ ਪਬੰਦੀਆਂ ਲਾਗੂ ਕਰਨ ਦਾ ਮੁੱਖ ਟੀਚਾ ਯਾਤਰਾ ਪ੍ਰਤੀ ਲੋਕਾਂ ਦਾ ਉਤਸ਼ਾਹ ਖਤਮ ਕਰਨ ਦਾ ਹੈ।
ਉਨ੍ਹਾਂ ਕਿਹਾ ਕਿ ਇਹ ਨਿਯਮ ਸਜ਼ਾ ਦੇਣ ਲਈ ਲਾਗੂ ਨਹੀਂ ਕੀਤੇ ਜਾ ਰਹੇ ਹਨ ਅਤੇ ਇਹ ਵੀ ਪੁਖਤਾ ਕੀਤਾ ਜਾ ਰਿਹਾ ਹੈ ਕਿ ਕਿਸੇ ਕਮਿਊਨਿਟੀ ਨੂੰ ਗਲਤ ਤਰੀਕੇ ਨਾਲ ਨਿਸ਼ਾਨਾ ਨਾ ਬਣਾਇਆ ਜਾਵੇ।
ਸੂਬੇ 'ਚ ਯਾਤਰਾ ਸੰਬੰਧੀ ਪਬੰਦੀਆਂ ਬਾਰੇ ਸੋਮਵਾਰ ਨੂੰ ਪ੍ਰੀਮਿਅਰ ਜੌਨ ਹੌਰਗਨ ਨੇ ਜਾਣਕਾਰੀ ਦਿੱਤੀ ਸੀ।
ਹਾਲਾਂਕਿ ਉਨ੍ਹਾਂ ਕਿਹਾ ਸੀ ਕਿ ਇਸ 'ਤੇ ਪੂਰੀ ਜਾਣਕਾਰੀ ਸ਼ੁੱਕਰਵਾਰ ਤਕ ਦਿੱਤੀ ਜਾਵੇਗੀ।
