30.12C Vancouver 30.12C VancouverDec 31, 2020 12:59 AM -
ਫੈਡਰਲ ਸਰਕਾਰ ਦਾ ਕਹਿਣਾ ਹੈ ਕਿ ਕੈਨੇਡਾ ਆ ਰਹੇ ਯਾਤਰੀਆਂ ਨੂੰ ਦੇਸ਼ 'ਚ ਦਾਖਿਲ ਹੋਣ ਤੋਂ 3 ਦਿਨ ਪਹਿਲਾਂ ਕੋਵਿਡ-19 ਦਾ ਟੈਸਟ ਕਰਵਾਉਣਾ ਲਾਜ਼ਮੀ ਬਣਾਇਆ ਜਾ ਰਿਹਾ ਹੈ।
ਇਸ ਟੈਸਟ ਦੇ ਨੈਗੇਟਿਵ ਆਉਣ 'ਤੇ ਹੀ ਯਾਤਰੀਆਂ ਨੂੰ ਕੈਨੇਡਾ 'ਚ ਦਾਖਿਲ ਹੋਣ ਦੀ ਇਜਾਜ਼ਤ ਹੋਵੇਗੀ।
ਇਹ ਜਾਣਕਾਰੀ ਅੱਜ ਸਵੇਰੇ ਕੀਤੀ ਗਈ ਫੈਡਰਲ ਸਰਕਾਰ ਦੀ ਨਿਊਜ਼ ਕਾਨਫਰੰਸ ਦੌਰਾਨ ਦਿੱਤੀ ਗਈ।
ਇਸ ਨਿਊਜ਼ ਕਾਨਫਰੰਸ ਦੌਰਾਨ ਇੰਟਰਗਰਨਮੈਂਟਲ ਅਫੇਅਰਸ ਮੰਤਰੀ, ਡੌਮਿਨਿਕ ਲੈਬਲੌਂ ਦਾ ਕਹਿਣਾ ਸੀ ਕਿ ਕੈਬਿਨੇਟ ਮੰਤਰੀਆਂ ਨੇ ਇਸ ਰਿਕਵਾਇਰਮੈਂਟ ਨੂੰ ਜਲਦੀ ਤੋਂ ਜਲਦੀ ਲਾਗੂ ਕਰਨ 'ਤੇ ਸਹਿਮਤੀ ਬਣਾਈ ਹੈ।
ਕੈਨੇਡਾ ਪਹੁੰਚਣ ਤੋਂ 72 ਘੰਟੇ ਦੇ ਵਿਚਾਲੇ ਨੈਗੇਟਿਵ ਪੀ.ਸੀ.ਆਰ. ਟੈਸਟ ਹਾਸਿਲ ਕਰਨਾ ਜ਼ਰੂਰੀ ਹੋਵੇਗਾ।
ਹਾਲਾਂਕਿ ਇਸ ਦੇ ਬਾਵਜੂਦ ਕੈਨੇਡਾ ਪਹੁੰਚਣ 'ਤੇ 14 ਦਿਨ ਲਈ ਕੁਆਰੰਟੀਨ ਕਰਨਾ ਲਾਜ਼ਮੀ ਹੋਵੇਗਾ।
