14.44C Vancouver 14.44C VancouverFeb 15, 2022 9:17 PM - The Canadian Press
ਕੈਨੇਡਾ ਪਰਤ ਰਹੇ ਕਨੇਡੀਅਨ ਨਾਗਰਿਕਾਂ ਅਤੇ ਪਰਮਾਨੈਂਟ ਰੈਜ਼ੀਡੈਂਟਸ ਸੰਬੰਧੀ ਫੈਡਰਲ ਸਰਕਾਰ ਨੇ ਐਲਾਨ ਕੀਤਾ ਹੈ ਕਿ ਹੁਣ 72 ਘੰਟੇ ਵਿਚਾਲੇ ਕੋਵਿਡ-19 ਦੇ ਨੈਗੇਟਿਵ ਨਤੀਜੇ ਹਾਸਿਲ ਕਰਨ ਦੀ ਸ਼ਰਤ ਖਤਮ ਕੀਤੀ ਜਾ ਰਹੀ ਹੈ।
ਸਿਹਤ ਮੰਤਰੀ ਜੌਨ ਈਵ ਡੁਕਲੋ ਨੇ ਜਾਣਕਾਰੀ ਦਿੱਤੀ ਹੈ ਕਿ ਵਿਦੇਸ਼ ਯਾਤਰਾ ਤੋਂ ਪਰਤਦੇ ਹੋਏ ਕੋਵਿਡ-19 ਦੇ ਨੈਗੇਟਿਵ ਨਤੀਜੇ ਹਾਸਿਲ ਕਰਨ ਦੀ ਲੋੜ ਨਹੀਂ ਹੋਵੇਗੀ।
ਇਸ ਦੀ ਸ਼ੁਰੂਆਤ 28 ਫਰਵਰੀ ਤੋਂ ਹੋਣ ਜਾ ਰਹੀ ਹੈ।
ਡੁਕਲੋ ਨੇ ਕਿਹਾ ਕਿ ਯਾਤਰੀ ਜਿਸ ਵੀ ਦੇਸ਼ ਤੋਂ ਪਰਤ ਰਹੇ ਹੋਣ, ਉੱਥੋਂ ਆਉਂਦੇ ਹੋਏ ਰੈਪਿਡ-ਐਂਟੀਜੈਨ ਟੈਸਟ ਹਾਸਿਲ ਕਰ ਕੈਨੇਡਾ ਪਰਤਿਆ ਜਾ ਸਕੇਗਾ।
ਯਾਦ ਰਹੇ ਇਹ ਢਿੱਲ ਸਿਰਫ ਵੈਕਸੀਨੇਟਿਡ ਲੋਕਾਂ ਲਈ ਜਾਰੀ ਕੀਤੀ ਗਈ ਹੈ।
ਅਨਵੈਕਸੀਨੇਟਿਡ ਬੱਚਿਆਂ ਬਾਰੇ ਵੀ ਐਲਾਨ ਕੀਤਾ ਗਿਆ ਹੈ।
ਸਿਹਤ ਮੰਤਰੀ ਨੇ ਕਿਹਾ ਕਿ 12 ਸਾਲ ਤੋਂ ਘਟ ਦੀ ਉਮਰ ਦੇ ਜਿਹੜੇ ਬੱਚੇ ਵੈਕਸੀਨੇਟਿਡ ਐਡਲਟਸ ਨਾਲ ਯਾਤਰਾ ਕਰ ਰਹੇ ਹੋਣਗੇ ਉਨ੍ਹਾਂ ਨੂੰ ਕੈਨੇਡਾ ਪਹੁੰਚਣ 'ਤੇ ਆਈਸੋਲੇਟ ਕਰਨ ਦੀ ਲੋੜ ਨਹੀਂ ਹੋਵੇਗੀ।
ਇਹ ਬੱਚੇ ਬਿਨਾ 14 ਦਿਨ ਆਈਸੋਲੇਟ ਕੀਤੇ ਸਕੂਲ ਜਾਂ ਡੇਕੇਅਰ 'ਚ ਪਰਤ ਸਕਣਗੇ।
ਹਾਲਾਂਕਿ ਜਿਹੜੇ ਐਡਲਟਸ ਨੇ ਵੈਕਸੀਨ ਹਾਸਿਲ ਨਹੀਂ ਕੀਤੀ ਹੈ ਉਨ੍ਹਾਂ ਨੂੰ ਕੈਨੇਡਾ ਪਹੁੰਚਣ 'ਤੇ ਕੋਵਿਡ-19 ਟੈਸਟ ਹਾਸਿਲ ਕਰਨਾ ਪਵੇਗਾ ਅਤੇ ਆਈਸੋਲੇਟ ਕਰਨਾ ਪਵੇਗਾ।
