12.15C Vancouver 12.15C VancouverOct 13, 2020 9:41 PM -
ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ ਸਹੀ ਫਿਜ਼ੀਕਲ ਡਿਟੈਨਸਿੰਗ ਦੇ ਨਾਲ ਅਤੇ ਮਾਸਕ ਪਹਿਨ ਕੇ ਹੈਲੋਈਨ ਨੂੰ ਸੁਰੱਖਿਅਤ ਢੰਗ ਨਾਲ ਮਨਾਇਆ ਜਾ ਸਕਦਾ ਹੈ।
ਉਨ੍ਹਾਂ ਕਿਹਾ ਕਿ ਟ੍ਰੀਟਸ ਨੂੰ ਪ੍ਰੀਪੈਕ ਕੀਤਾ ਜਾ ਸਕਦਾ ਹੈ ਅਤ ਇਨ੍ਹਾਂ ਨੂੰ ਸਿੱਧਾ ਹੱਥ 'ਚ ਦੇਣ ਦੀ ਜਗ੍ਹਾ, ਕਿਸੇ ਹਾਕੀ ਸਟਿੱਕ 'ਤੇ ਰੱਖ ਕੇ ਇਨ੍ਹਾਂ ਨੂੰ ਲੋਕਾਂ ਤੱਕ ਪਹੁੰਚਾਇਆ ਜਾ ਸਕਦਾ ਹੈ।
ਉਨ੍ਹਾਂ ਕਿਹਾ ਕਿ ਛੁੱਟੀਆਂ ਹੋਣਾ ਅਤੇ ਜਸ਼ਨ ਮਨਾਉਣਾ, ਆਮ ਜਿਹੀ ਸਥਿਤੀ ਦੀ ਸੋਚ ਬਣਾਉਣ ਲਈ ਇੱਕ ਅਹਿਮ ਤਰੀਕਾ ਹੈ।
ਪਰ ਉਨ੍ਹਾਂ ਕਿਹਾ ਕਿ ਕਨੇਡੀਅਨ ਲੋਕਾਂ ਨੂੰ ਸਥਾਨਿਕ ਸਿਹਤ ਅਧਿਕਾਰੀਆਂ ਦੇ ਨਿਰਦੇਸ਼ਾਂ ਦੀ ਪਾਲਣਾ ਜ਼ਰੂਰ ਕਰਨੀ ਚਾਹੀਦੀ ਹੈ।
ਡਾ. ਟੈਮ ਨੇ ਕਿਹਾ ਕਿ ਸਿਹਤ ਅਧਿਕਾਰੀਆਂ ਨੂੰ ਕਮਿਊਨਿਟੀਸ ਦੇ ਹਾਲਾਤਾਂ ਬਾਰੇ ਬਿਹਤਰ ਜਾਣਕਾਰੀ ਹੁੰਦੀ ਹੈ, ਅਤੇ ਉਸੇ ਅਨੁਸਾਰ ਦਿਸ਼ਾ ਨਿਰਦੇਸ਼ ਜਾਰੀ ਕੀਤੇ ਜਾਂਦੇ ਹਨ।
ਕੈਨੇਡਾ 'ਚ 19,000 ਤੋਂ ਵਧੇਰੇ ਐਕਟਿਵ ਮਾਮਲੇ
ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ, ਕੈਨੇਡਾ 'ਚ ਹੁਣ 1,82,000 ਤੋਂ ਵਧੇਰੇ ਕੋਵਿਡ-19 ਮਾਮਲੇ ਹਨ, ਅਤੇ 9,600 ਤੋਂ ਵਧੇਰੇ ਲੋਕਾਂ ਦੀ ਜਾਨ ਜਾ ਚੁੱਕੀ ਹੈ।
ਉਨ੍ਹਾਂ ਇਹ ਵੀ ਦੱਸਿਆ ਕਿ ਦੇਸ਼ 'ਚ ਮੌਜੂਦਾ ਸਮੇਂ 19,000 ਤੋਂ ਵਧੇਰੇ ਐਕਟਿਵ ਮਾਮਲੇ ਹਨ।
ਉਨ੍ਹਾਂ ਦੱਸਿਆ ਕਿ ਬੀਤੇ ਹਫ਼ਤੇ 2.4% ਟੈਸਟ ਪਾਜ਼ਿਟਿਵ ਆਏ ਸਨ।
ਡਾ. ਟੈਮ ਦੇ ਨਾਲ ਮੌਜੂਦ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕਿਹਾ ਕਿ ਇਹੀ ਸਹੀ ਸਮਾਂ ਹੈ ਕਿ ਕੋਵਿਡ-19 ਦੇ ਫੈਲਾਅ 'ਤੇ ਕਾਬੂ ਪਾਉਣ ਲਈ ਮਾਸਕ ਪਹਿਨਣ ਅਤੇ ਫਿਜ਼ੀਕਲ ਡਿਸਟੈਨਸਿੰਗ ਬਣਾ ਕੇ ਰੱਖਣ ਦੀ ਪ੍ਰੀਕਿਰਿਆ ਦਾ ਪੂਰਾ ਧਿਆਨ ਰੱਖਿਆ ਜਾਵੇ।
