18.08C Vancouver 18.08C VancouverNov 21, 2023 5:29 PM - connect news
ਬਰੈਂਪਟਨ ਦੇ ਟਰੱਕ ਡਰਾਈਵਰ ਹਰਵਿੰਦਰ ਸਿੰਘ ਨੂੰ $3.5ਮਿਲੀਅਨ ਦੀ ਕੋਕੇਨ ਦੀ ਤਸਕਰੀ ਮਾਮਲੇ ਵਿੱਚ ਸਰਨੀਆ ਅਦਾਲਤ ਨੇ 11 ਸਾਲ ਦੀ ਸਜ਼ਾ ਸੁਣਾਈ ਹੈ।
ਹਰਵਿੰਦਰ ਸਿੰਘ ਨੂੰ ਇਹ ਸਜ਼ਾ ਸਰਨੀਆ ਨੇੜੇ ਬਲੂ ਵਾਟਰ ਬ੍ਰਿਜ ਰਾਹੀਂ ਕੈਨੇਡਾ ਵਿੱਚ ਕੋਕੇਨ ਦੀ ਤਸਕਰੀ ਕਰਨ ਦੇ ਦੋਸ਼ ਵਿੱਚ ਸੁਣਾਈ ਗਈ ਹੈ।ਕੈਨੇਡਾ ਬਾਰਡਰ ਸਰਵਿਸਿਜ਼ ਏਜੰਸੀ ਦੇ ਅਧਿਕਾਰੀਆਂ ਨੇ 31 ਮਾਰਚ 2021 ਨੂੰ ਪੋਰਟ ਹਿਊਰੋਨ ਨਾਲ ਜੁੜੀ ਕਰਾਸਿੰਗ ਪੁਆਇੰਟ ਐਡਵਰਡ 'ਤੇ ਉਸ ਨੂੰ ਗ੍ਰਿਫਤਾਰ ਕੀਤਾ ਸੀ
। ਉਸ ਸਮੇਂ ਹਰਵਿੰਦਰ ਸਿੰਘ 25 ਸਾਲ ਦਾ ਸੀ। ਅਧਿਕਾਰੀਆਂ ਨੂੰ ਉਸ ਦੇ ਟਰੱਕ ਟ੍ਰੇਲਰ ਦੀ ਤਲਾਸ਼ੀ ਦੌਰਾਨ ਦੋ ਸੂਟਕੇਸ ਵਿੱਚੋਂ ਲਗਭਗ 62 ਕਿਲੋਗ੍ਰਾਮ ਕੋਕੇਨ ਮਿਲੀ ਸੀ। ਇਸ 'ਤੇ ਜਾਂਚ ਅੱਗੇ ਵਧਾਉਂਦੇ ਹੋਏ ਆਰ. ਸੀ. ਐੱਮ. ਪੀ. ਨੇ ਉਸ ਨੂੰ ਕੈਨੇਡਾ ਵਿੱਚ ਕੋਕੇਨ ਲਿਆਉਣ ਅਤੇ ਇਸ ਨੂੰ ਤਸਕਰੀ ਦੇ ਮਕਸਦ ਨਾਲ ਰੱਖਣ ਦੇ ਚਾਰਜਿਜ਼ ਲਗਾਏ ਸਨ।
ਹਾਲਾਂਕਿ, ਹਰਵਿੰਦਰ ਸਿੰਘ ਨੇ ਮਈ ਵਿੱਚ 4 ਦਿਨ ਚੱਲੇ ਟ੍ਰਾਇਲ ਦੌਰਾਨ ਕੋਈ ਦੋਸ਼ ਸਵੀਕਾਰ ਨਹੀਂ ਕੀਤਾ। ਤਿੰਨ ਮਹੀਨੇ ਤੱਕ ਸੁਣਵਾਈ ਟਲਣ ਤੋਂ ਬਾਅਦ ਸੁਪੀਰੀਅਰ ਕੋਰਟ ਦੇ ਜਸਟਿਸ ਕਿਰਕ ਮੁਨਰੋ ਨੇ ਉਸ ਨੂੰ ਦੋਸ਼ੀ ਕਰਾਰ ਦਿੱਤਾ ਅਤੇ ਹੁਣ ਉਸ ਨੂੰ ਕੋਕੇਨ ਲਿਆਉਣ ਦੇ ਮਾਮਲੇ ਵਿੱਚ 11 ਸਾਲ ਅਤੇ ਤਸਕਰੀ ਲਈ 9 ਸਾਲ ਦੀ ਸਜ਼ਾ ਸੁਣਾਈ ਗਈ ਹੈ ।
