20.75C Vancouver 20.75C VancouverFeb 14, 2022 11:53 PM - The Canadian Press
ਸਰੀ ਦੇ ਪੈਸੀਫਿਕ ਹਾਈਵੇਅ ਬੌਰਡਰ 'ਤੇ ਹੁਣ ਵੀ ਪ੍ਰਦਰਸ਼ਨਕਾਰੀ ਇਕੱਤਰ ਹਨ।
ਕੋਵਿਡ-19 ਸੰਬੰਧੀ ਪਬੰਦੀਆਂ ਦੇ ਵਿਰੋਧ 'ਚ ਹੋ ਰਹੇ ਪ੍ਰਦਰਸ਼ਨ ਦੌਰਾਨ ਬੌਰਡਰ ਵੱਲ ਜਾਂਦੇ ਕਈ ਰਸਤੇ ਬੰਦ ਕੀਤੇ ਗਏ ਹਨ।
ਸ਼ਨੀਵਾਰ ਨੂੰ ਇਸ ਬੌਰਡਰ 'ਤੇ ਹਜ਼ਾਰਾਂ ਦੀ ਗਿਣਤੀ 'ਚ ਪ੍ਰਦਰਸ਼ਨਕਾਰੀ ਇਕੱਤਰ ਹੋ ਗਏ ਸਨ।
ਹਾਲਾਂਕਿ ਐਤਵਾਰ ਨੂੰ ਪ੍ਰਦਰਸ਼ਨਕਾਰੀਆਂ ਦੀ ਗਿਣਤੀ ਕਾਫੀ ਘਟ ਗਈ ਸੀ ਅਤੇ ਸੋਮਵਾਰ ਨੂੰ ਵੀ ਪ੍ਰਦਰਸ਼ਨਕਾਰੀਆਂ ਦੀ ਗਿਣਤੀ ਬਹੁਤੀ ਵੱਡੀ ਨਹੀਂ ਦੱਸੀ ਗਈ।
ਹਾਲਾਂਕਿ ਅੱਜ ਸਵੇਰ ਤਕ 4th ਐਵੀਨਿਊ ਅਤੇ ਹਾਈਵੇਅ 15 ਦੇ ਇੰਟਰਸੈਕਸ਼ਨ ਵੱਲ ਜਾਂਦੀਆਂ ਬਹੁਤੀਆਂ ਸੜਕਾਂ ਬੰਦ ਰੱਖੀਆਂ ਗਈਆਂ ਸਨ।
ਕਨੈਕਟ ਐਫ.ਐਮ. ਦੀ ਟੀਮ ਐਤਵਾਰ ਨੂੰ ਮੌਕੇ 'ਤੇ ਮੌਜੂਦ ਸੀ ਅਤੇ 176 ਸਟਰੀਟ ਅਤੇ 4th ਐਵੀਨਿਊ ਅਤੇ 176 ਸਟਰੀਟ ਅਤੇ 8th ਐਵੀਨਿਊ ਦੇ ਇਲਾਕੇ 'ਚ ਹਾਲਾਤਾਂ ਨੂੰ ਇੱਕ ਲਾਈਵ ਵੀਡੀਓ ਰਾਹੀਂ ਵਿਖਾਇਆ ਗਿਆ ਸੀ।
ਮੌਕੇ 'ਤੇ ਕੁਝ ਟੈਂਟ ਸਥਾਪਿਤ ਕੀਤੇ ਵੇਖੇ ਜਾ ਸਕਦੇ ਸਨ ਅਤੇ ਇਸ ਇਲਾਕੇ ਵੱਲ ਜਾਂਦੀਆਂ ਸੜਕਾਂ 'ਤੇ ਪੁਲਿਸ ਦੀ ਭਾਰੀ ਮੌਜੂਦਗੀ ਵੀ ਵੇਖੀ ਜਾ ਸਕਦੀ ਸੀ।
ਜਾਣਕਾਰੀ ਅਨੁਸਾਰ ਪ੍ਰਦਰਸ਼ਨਾਂ ਦੌਰਾਨ 4 ਲੋਕਾਂ ਨੂੰ ਮਿਸਚੀਫ ਦੇ ਦੋਸ਼ਾਂ ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਹੈ।
ਕੈਨੇਡਾ ਬੌਰਡਰ ਸਰਵਿਸਿਸ ਏਜੈਂਸੀ ਅਨੁਸਾਰ ਬੌਰਡਰ ਖੁੱਲ੍ਹਾ ਹੈ ਪਰ ਲੋਕਾਂ ਨੂੰ ਪ੍ਰਦਰਸ਼ਨ ਦੇ ਕਾਰਨ ਹੋਰ ਕਰੌਸਿੰਗਸ ਦੀ ਵਰਤੋਂ ਕਰਨ ਦੀ ਸਲਾਹ ਦਿੱਤੀ ਗਈ ਹੈ।
