18.08C Vancouver 18.08C VancouverMay 1, 2020 4:30 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਮੁਤਾਬਕ ਫੈਡਰਲ ਸਰਕਾਰ ਕਈ ਕਿਸਮ ਦੇ ਅਸਾਲਟ ਸਟਾਈਲ ਹਥਿਆਰਾਂ ਉੱਤੇ ਪਾਬੰਦੀ ਲਾ ਰਹੀ ਹੈ।
ਇਨ੍ਹਾਂ ਹਥਿਆਰਾਂ ਨੂੰ ਵੇਚਣ, ਖਰੀਦਣ, ਟਰਾਂਸਪੋਰਟ ਅਤੇ ਆਯਾਤ ਕਰਨ ਉੱਤੇ ਅੱਜ ਤੋਂ ਹੀ ਕਾਨੂੰਨੀ ਪਾਬੰਦੀ ਹੋਵੇਗੀ।
ਉਨ੍ਹਾਂ ਕਿਹਾ ਕਿ ਜਿਹੜੇ ਲੋਕਾਂ ਕੋਲ ਇਹ ਹਥਿਆਰ ਹਨ ਉਨ੍ਹਾਂ ਨੂੰ ਇਸ ਨਵੇਂ ਕਾਨੂੰਨ ਦੀ ਪਾਲਨਾ ਕਰਨ ਲਈ ਦੋ ਸਾਲ ਦਾ ਐਮਨੈਸਟੀ ਪੀਰੀਅਡ ਦਿੱਤਾ ਜਾਵੇਗਾ।
ਟਰੂਡੋ ਮੁਤਾਬਕ ‘ਬਾਏ ਬੈਕ ਪ੍ਰੋਗਰਾਮ’ ਸੰਬੰਧੀ ਲੈਜਿਸਲੈਸ਼ਨ ਜਲਦ ਪੇਸ਼ ਕੀਤੀ ਜਾਵੇਗੀ।
ਯਾਦ ਰਹੇ ਕਿ ਹਥਿਆਰਾਂ ਦੀ ਵਰਤੋਂ ਉੱਤੇ ਸਖ਼ਤੀ ਲਿਬਰਲ ਪਾਰਟੀ ਵੱਲੋਂ ਚੋਣ ਪ੍ਰਚਾਰ ਦੌਰਾਨ ਕੀਤਾ ਵਾਅਦਾ ਸੀ।
1989 ਦੀ ਇਕੋਲ ਪਾਲੀਟੈਕਨਿਕ ਅਤੇ ਨੋਵਾ ਸਕੋਸ਼ੀਆ ਦੇ ਵਿੱਚ ਪਿਛਲੇ ਹਫ਼ਤੇ ਵਾਪਰੇ ਹਮਲੇ ਦਾ ਜ਼ਿਕਰ ਕਰਦਿਆਂ ਟਰੂਡੋ ਨੇ ਕਿਹਾ ਕਿ ਹਥਿਆਰਾਂ ਦੀ ਵਰਤੋਂ ਉੱਤੇ ਰੋਕ ਬੇਹੱਦ ਜ਼ਰੂਰੀ ਹੋ ਗਈ ਹੈ।
ਟਰੂਡੋ ਮੁਤਾਬਕ ਮਾਰਚ ਵਿੱਚ ਇਸ ਸਬੰਧ ਵਿੱਚ ਲੈਜਿਸਲੇਸ਼ਨ ਪੇਸ਼ ਕੀਤਾ ਜਾਣਾ ਸੀ ਪਰ ਕੋਵਿਡ-19 ਦੇ ਚੱਲਦਿਆਂ ਇਸ ਵਿੱਚ ਦੇਰੀ ਕਰਨੀ ਪਈ।
