9.98C Vancouver 9.98C VancouverSep 9, 2020 4:50 PM -
ਫ਼ੈਡਰਲ ਸਰਕਾਰ ਵੱਲੋਂ ਸਿਆਹ ਰੰਗ ਦੇ ਕੈਨੇਡਾ ਵਾਸੀਆਂ ਲਈ ਇੱਕ ਨਵੇਂ ਰਾਸ਼ਟਰੀ ਪ੍ਰੋਗਰਾਮ ਦਾ ਐਲਾਨ ਕੀਤਾ ਗਿਆ ਹੈ ਜਿਸ ਦੇ ਤਹਿਤ ਉਹਨਾਂ ਨੂੰ ਰਾਸ਼ਟਰੀ ਬੈਂਕਾਂ ਤੋਂ ਵਪਾਰਕ ਕਰਜ਼ਾ ਮਿਲ ਸਕੇਗਾ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਸਿਆਹ ਰੰਗ ਦੇ ਕੈਨੇਡਾ ਵਾਸੀਆਂ 'ਤੇ ਕੋਵਿਡ-19 ਦਾ ਵੱਧ ਮਾੜਾ ਪ੍ਰਭਾਵ ਪਿਆ ਹੈ ਅਤੇ ਇਸਨੇ ਕੈਨੇਡਾ ਵਿਚਲੀ ਅਸਮਾਨਤਾ ਨੂੰ ਉਜਾਗਰ ਕੀਤਾ ਹੈ।
ਇਸ ਨਵੇਂ ਪ੍ਰੋਗਰਾਮ ਵਿੱਚ ਸਿਆਹ ਵਪਾਰਕ ਸੰਸਥਾਵਾਂ ਨੂੰ ਫੰਡਿੰਗ, ਵਿੱਤੀ ਯੋਜਨਾਬੰਦੀ ਅਤੇ ਵਪਾਰਕ ਸਿਖਲਾਈ ਲਈ ਦਿੱਤੇ ਜਾਣ ਵਾਲੇ $53 ਮਿਲੀਅਨ ਸ਼ਾਮਲ ਹੋਣਗੇ।
ਇਸ ਤੋਂ ਇਲਾਵਾ ਸਿਆਹ ਉਦਮੀਆਂ ਨਾਲ ਸੰਬੰਧਿਤ ਡਾਟਾ ਇਕੱਤਰ ਕਰਨ, ਉਹਨਾਂ ਦੇ ਰਾਹ ਵਿੱਚ ਆਉਣ ਵਾਲੀਆਂ ਔਕੜਾਂ ਦੀ ਪਹਿਚਾਣ ਕਰਨ ਲਈ $6.5 ਮਿਲੀਅਨ ਖਰਚ ਕੀਤੇ ਜਾਣਗੇ।
ਔਟਵਾ ਵੱਲੋਂ ਅੱਠ ਪ੍ਰਮੁੱਖ ਵਿੱਤੀ ਸੰਸਥਾਵਾਂ ਨਾਲ ਮਿਲਕੇ ਇੱਕ ਲੋਨ ਪ੍ਰੋਗਰਾਮ ਵੀ ਤਿਆਰ ਕੀਤਾ ਜਾ ਰਿਹਾ ਹੈ ਜਿਸ ਦੇ ਤਹਿਤ ਸਿਆਹ ਉਦਮੀਆਂ ਨੂੰ $25000 ਤੋਂ $250,000 ਤਕ ਦੇ ਕਰਜ਼ੇ ਮੁਹੱਈਆ ਕਰਵਾਏ ਜਾਣਗੇ।
ਸਿਆਹ ਵਪਾਰੀਆਂ ਲਈ ਆਰਥਿਕ ਸਮਰਥਨ, ਪਾਰਲੀਮੈਂਟਰੀ ਬਲੈਕ ਕੌਕਸ ਵੱਲੋਂ ਸਰਕਾਰਾਂ ਨੂੰ ਜੂਨ ਵਿੱਚ ਲਿਖੀ ਗਈ ਚਿੱਠੀ ਦਾ ਇੱਕ ਅਹਿਮ ਹਿੱਸਾ ਸੀ।
