18.28C Vancouver 18.28C VancouverJan 6, 2025 4:31 PM - Connect Newsroom
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਪਾਰਟੀ ਲੀਡਰ ਅਤੇ ਪ੍ਰਧਾਨ ਮੰਤਰੀ ਦੇ ਅਹੁਦੇ ਤੋਂ ਅਸਤੀਫਾ ਦੇਣ ਦੀ ਘੋਸ਼ਣਾ ਕਰ ਦਿੱਤੀ ਹੈ। ਟਰੂਡੋ ਨੇ ਕਿਹਾ ਕਿ ਉਹ ਨਵੇਂ ਲੀਡਰ ਦੀ ਚੋਣ ਤੱਕ ਅਹੁਦੇ ’ਤੇ ਬਣੇ ਰਹਿਣਗੇ ਅਤੇ ਸੰਸਦ ਦੀ ਕਾਰਵਾਈ 24 ਮਾਰਚ ਤੱਕ ਸਸਪੈਂਡ ਰਹੇਗੀ।
ਗੌਰਤਲਬ ਹੈ ਕਿ ਟਰੂਡੋ ਦਾ ਇਹ ਫੈਸਲਾ ਲਿਬਰਲ ਦੇ ਨੈਸ਼ਨਲ ਕਾਕਸ ਦੀ ਬੁੱਧਵਾਰ ਨੂੰ ਹੋਣ ਵਾਲੀ ਮੀਟਿੰਗ ਤੋਂ ਪਹਿਲਾਂ ਆਇਆ ਹੈ, ਜਿਸ ਵਿਚ ਉਨ੍ਹਾਂ ’ਤੇ ਅਸਤੀਫੇ ਲਈ ਭਾਰੀ ਜ਼ੋਰ ਪਾਏ ਜਾਣ ਦੀ ਚਰਚਾ ਸੀ। ਵਿਰੋਧੀ ਧਿਰਾਂ ਵਲੋਂ ਸਰਕਾਰ ਡੇਗਣ ਤੋਂ ਬਚਣ ਲਈ ਗਵਰਨਰ ਜਨਰਲ ਨੇ 24 ਮਾਰਚ ਤੱਕ ਸੰਸਦ ਦੀ ਕਾਰਵਾਈ ਸਸਪੈਂਡ ਕਰਨ ਦੀ ਮਨਜ਼ੂਰੀ ਦਿੱਤੀ ਹੈ।
ਪੀਐੱਮ ਟਰੂਡੋ ਨੇ ਦੱਸਿਆ ਕਿ ਅੱਜ ਸਵੇਰ ਹੀ ਉਨ੍ਹਾਂ ਗਵਰਨਰ ਜਨਰਲ ਮੇਰੀ ਸਾਇਮਨ ਨਾਲ ਮੁਲਾਕਾਤ ਕੀਤੀ ਸੀ। ਦੱਸ ਦੇਈਏ ਕਿ ਸਾਬਕਾ ਵਿੱਤ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਦੇ 16 ਦਸੰਬਰ ਨੂੰ ਅਚਾਨਕ ਅਸਤੀਫੇ ਤੋਂ ਬਾਅਦ ਓਨਟਾਰੀਓ, ਐਟਲਾਂਟਿਕ, ਕਿਊਬੈਕ ਅਤੇ ਬੀਸੀ ਤੋਂ ਲਿਬਰਲ ਪਾਰਟੀ ਦੇ ਸਾਂਸਦ ਟਰੂਡੋ ’ਤੇ ਅਹੁਦਾ ਛੱਡਣ ਦਾ ਦਬਾਅ ਪਾ ਰਹੇ ਸਨ।
