ਟਰੂਡੋ ਦੀ ਕੈਬਨਿਟ ਦੇ ਮੰਤਰੀ ਡੌਮਿਨਿਕ ਲੇਬਲਾਂ ਪਾਰਟੀ ਦੀ ਲੀਡਰਸ਼ਿਪ ਦੌੜ ਵਿਚ ਨਹੀਂ ਹੋਣਗੇ ਸ਼ਾਮਲ

ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਕੈਬਨਿਟ ਦੇ ਮੰਤਰੀ ਡੌਮਿਨਿਕ ਲੇਬਲਾਂ ਪਾਰਟੀ ਦੀ ਲੀਡਰਸ਼ਿਪ ਦੌੜ ਵਿਚ ਸ਼ਾਮਲ ਨਹੀਂ ਹੋਣਗੇ, ਉਨ੍ਹਾਂ ਅੱਜ ਇੱਕ ਸਟੇਟਮੈਂਟ ਜਾਰੀ ਕਰ ਇਸ ਦੀ ਘੋਸ਼ਣਾ ਕੀਤੀ।

ਲੇਬਲਾਂ ਨੇ ਕਿਹਾ ਕਿ ਪਾਰਟੀ ਦੇ ਅੰਦਰ ਜੋ ਉਨ੍ਹਾਂ ਨੂੰ ਸਪੋਰਟ ਮਿਲੀ ਹੈ ਉਸ ਲਈ ਉਹ ਬਹੁਤ ਧੰਨਵਾਦੀ ਹਨ ਪਰ ਉਨ੍ਹਾਂ ਫੈਸਲਾ ਕੀਤਾ ਹੈ ਕਿ ਉਹ ਲਿਬਰਲ ਪਾਰਟੀ ਆਫ ਕੈਨੇਡਾ ਦੀ ਆਉਣ ਵਾਲੀ ਲੀਡਰਸ਼ਿਪ ਰੇਸ ਵਿਚ ਉਮੀਦਵਾਰ ਨਹੀਂ ਹੋਣਗੇ।

ਗੌਰਤਲਬ ਹੈ ਕਿ ਟਰੂਡੋ ਵਲੋਂ ਅਸਤੀਫੇ ਦੀ ਘੋਸ਼ਣਾ ਤੋਂ ਬਾਅਦ ਲਿਬਰਲ ਪਾਰਟੀ ਆਪਣੇ ਨਵੇਂ ਲੀਡਰ ਦੀ ਚੋਣ ਕਰਨ ਜਾ ਰਹੀ ਹੈ, ਜਿਸ ਲਈ ਜਲਦ ਪਾਰਟੀ ਦੀ ਇਲੈਕਸ਼ਨ ਮੁਹਿੰਮ ਸ਼ੁਰੂ ਹੋਵੇਗੀ। ਟਰੂਡੋ ਨੇ ਹਾਲ ਹੀ ਵਿਚ ਲੈਬਲੈਂਕ ਨੂੰ ਵਿੱਤ ਮਿਨਿਸਟਰ ਨਿਯੁਕਤ ਕੀਤਾ ਸੀ ਅਤੇ ਉਨ੍ਹਾਂ ਨੂੰ ਲੀਡਰਸ਼ਿਪ ਚੋਣ ਵਿਚ ਸੰਭਾਵੀ ਉਮੀਦਵਾਰ ਮੰਨਿਆ ਜਾ ਰਿਹਾ ਸੀ।

ਲੇਬਲਾਂ ਨੇ ਇਹ ਦਾਅਵੇਦਾਰੀ ਉਸ ਸਮੇਂ ਛੱਡੀ ਹੈ ਜਦੋਂ ਲਿਬਰਲਸ ਚੋਣ ਸਰਵਿਆਂ ਵਿਚ ਪਿੱਛੇ ਚੱਲ ਰਹੇ ਹਨ ਅਤੇ ਸੰਸਦ ਦੀ ਕਾਰਵਾਈ ਮਾਰਚ ਦੇ ਅਖੀਰ ਵਿਚ ਮੁੜ ਸ਼ੁਰੂ ਹੋਣ ’ਤੇ ਸਰਕਾਰ ਡਿੱਗਣ ਦਾ ਖ਼ਤਰਾ ਮੰਡਰਾ ਰਿਹਾ ਹੈ।