17.7C Vancouver 17.7C VancouverApr 2, 2020 5:18 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਮੁਤਾਬਕ ਕੋਵਿਡ-19 ਦੇ ਦੇਸ਼ ਉੱਤੇ ਹੋਏ ਅਸਲ ਪ੍ਰਭਾਵ ਬਾਰੇ ਕਨੇਡੀਅਨ ਲੋਕਾਂ ਨਾਲ ਜਾਣਕਾਰੀ ਉਹ ਜਲਦ ਹੀ ਸਾਂਝੀ ਕਰ ਸਕਣਗੇ।
ਅਮਰੀਕਾ ਅਤੇ ਨਿਊਜ਼ੀਲੈਂਡ ਵੱਲੋਂ ਜਿੱਥੇ ਕੋਵਿਡ-19 ਨਾਲ ਆਉਣ ਵਾਲੇ ਸਮੇਂ ਵਿੱਚ ਜਾਣ ਵਾਲੀਆਂ ਜਾਨਾਂ ਦਾ ਅਨੁਮਾਨ ਸਾਂਝਾ ਕੀਤਾ ਗਿਆ ਹੈ ਉੱਥੇ ਹੀ ਕੈਨੇਡਾ ਨੇ ਕੋਈ ਵੀ ਅਜਿਹਾ ਡਾਟਾ ਸਾਂਝਾ ਕਰਨ ਤੋਂ ਇਨਕਾਰ ਕੀਤਾ ਹੈ।
ਟਰੂਡੋ ਨੇ ਕਿਹਾ ਕਿ ਉਹ ਜਾਣਦੇ ਹਨ ਕਿ ਕਨੇਡੀਅਨ ਲੋਕ ਇਹ ਜਾਨਣ ਲਈ ਉਤਸਕ ਹਨ ਕਿ ਵਾਇਰਸ ਨਾਲ ਨਜਿੱਠਣ ਦੀਆਂ ਕਿਹੜੀਆਂ ਕੋਸ਼ਿਸ਼ਾਂ ਕਾਮਯਾਬ ਰਹੀਆਂ ਹਨ ਅਤੇ ਕਿਹੜੀਆਂ ਨਹੀਂ।
ਉਨ੍ਹਾਂ ਕਿਹਾ ਕਿ ਇਹ ਜਾਣਕਾਰੀ ਜਲਦ ਹੀ ਉਪਲੱਬਧ ਹੋਵੇਗੀ।
ਕੋਵਿਡ-19 ਦੇ ਰਾਸ਼ਟਰੀ ਰਿਸਪਾਂਸ ਦੇ ਸੰਬੰਧ ਵਿੱਚ ਪ੍ਰਧਾਨ ਮੰਤਰੀ ਟਰੂਡੋ ਅੱਜ ਸ਼ਾਮ ਨੂੰ ਵੱਖ ਵੱਖ ਸੂਬਿਆਂ ਦੇ ਪ੍ਰੀਮੀਅਰਾਂ ਨਾਲ ਇੱਕ ਮੀਟਿੰਗ ਕਰਨ ਜਾ ਰਹੇ ਹਨ।
ਇਸ ਮੀਟਿੰਗ ਵਿੱਚ ਕੈਨੇਡਾ ਦੇ ਵੱਖ ਵੱਖ ਹਿੱਸਿਆਂ ਤੋਂ ਡਾਟਾ ਸਾਂਝਾ ਕੀਤਾ ਜਾਵੇਗਾ ਤਾਂ ਕਿ ਵਾਇਰਸ ਦੇ ਹੋਏ ਪ੍ਰਭਾਵ ਅਤੇ ਇਸ ਨਾਲ ਨਜਿੱਠਣ ਵਿੱਚ ਲੱਗਣ ਵਾਲੇ ਸਮੇਂ ਦਾ ਅੰਦਾਜ਼ਾ ਲਾਇਆ ਜਾ ਸਕੇ।
