ਪ੍ਰਧਾਨ ਮੰਤਰੀ ਨੇ ਕੀਤਾ ਜੂਲੀ ਪੇਅਟ ਦਾ ਬਚਾਅ, ਕਿਹਾ ਸਾਇੰਟਿਸਟ ਅਤੇ ਐਸਟ੍ਰੋਨੌਟ ਵਜੋਂ ਲੰਮਾ ਅਤੇ ਕਾਮਯਾਬ ਯੋਗਦਾਨ

ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅੱਜ ਸਵੇਰੇ ਇੱਕ ਸਵਾਲ ਤੋਂ ਬਚਦੇ ਹੋਏ, ਗਵਰਨਰ ਜਨਰਲ ਜੂਲੀ ਪੇਅਟ ਬਾਰੇ ਜਵਾਬ ਦੇਣ ਤੋਂ ਬਚਾਅ ਕੀਤਾ।

ਪੁੱਛਿਆ ਗਿਆ ਸੀ ਕਿ ਪ੍ਰਧਾਨ ਮੰਤਰੀ ਵੱਲੋਂ, ਕੰਮ ਦੀ ਜਗ੍ਹਾ 'ਤੇ ਪ੍ਰੇਸ਼ਾਨੀ ਜਿਹਾ ਮਾਹੌਲ ਬਣਾਉਣ ਦੇ ਇਲਜ਼ਾਮਾਂ ਦਾ ਸਾਹਮਣਾ ਕਰ ਰਹੀ, ਜੂਲੀ ਪੇਅਟ ਨੂੰ "ਐਕਸੀਲੈਂਟ" ਯਾਨੀ ਕਿ ਬੇਹੱਦ ਚੰਗਾ ਕਿਵੇਂ ਕਿਹਾ ਜਾ ਸਕਦਾ ਹੈ।

ਟਰੂਡੋ ਨੇ ਪੱਤਰਕਾਰਾਂ ਨੂੰ ਕਿਹਾ ਕਿ, "ਪੇਅਟ ਦਾ ਇੱਕ ਸਾਇੰਟਿਸਟ ਅਤੇ ਐਸਟ੍ਰੋਨੌਟ ਵਜੋਂ ਲੰਮਾ ਅਤੇ ਕਾਮਯਾਬ ਯੋਗਦਾਨ ਰਿਹਾ ਹੈ।"

ਉਨ੍ਹਾਂ ਦੁਹਰਾਇਆ ਕਿ ਫੈਡਰਲ ਸਰਕਾਰ ਨੇ ਇਲਜ਼ਾਮਾਂ ਸੰਬੰਧੀ ਜਾਂਚ ਲਈ ਇੱਕ ਤੀਜੀ ਧਿਰ ਨੂੰ ਸ਼ਾਮਿਲ ਕੀਤਾ ਹੈ।

ਅਜਿਹੀਆਂ ਰਿਪੋਰਟਸ ਵੀ ਹਨ ਕਿ, ਕੁਝ ਵਿਸਲਬਲੋਅਰ ਜਿੰਨਾ ਨੇ ਕਿ ਜੂਲੀ ਪੇਅਟ 'ਤੇ ਇਲਜ਼ਾਮ ਲਗਾਏ ਸਨ, ਉਹ ਟਰੂਡੋ ਵੱਲੋਂ ਕੀਤੇ ਗਏ ਬਚਾਅ ਤੋਂ ਬਾਅਦ ਐਕਸਟਰਨਲ ਰੀਵਿਊ ਸੰਬੰਧੀ ਮੁੜ ਵਿਚਾਰ ਕਰ ਰਹੇ ਹਨ।