15.94C Vancouver 15.94C VancouverAug 25, 2020 3:35 PM -
ਇੱਕ ਨਵੇਂ ਸਰਵੇਖਣ ਮੁਤਾਬਕ ਜੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਲਿਬਰਲ ਪਾਰਟੀ ਇਸ ਪੱਤਝੜ੍ਹ ਦੇ ਵਿੱਚ ਕਾਨਫੀਡੈਂਸ ਵੋਟ ਹਾਰ ਜਾਂਦੀ ਹੈ ਤਾਂ ਵੀ ਕੋਵਿਡ-19 ਮਹਾਂਮਾਰੀ ਨਾਲ ਨਜਿੱਠਣ ਅਤੇ ਆਰਥਿਕਤਾ ਨੂੰ ਮੁੜ ਹੁੰਗਾਰਾ ਦੇਣ ਲਈ ਕਨੇਡੀਅਨ ਲੋਕਾਂ ਦਾ ਪਾਰਟੀ ਉੱਤੇ ਭਰੋਸਾ ਬਰਕਰਾਰ ਰਹੇਗਾ।
ਲੈਗਰ ਐਂਡ ਦੀ ਐਸੋਸੀਏਸ਼ਨ ਫਾਰ ਕਨੇਡੀਅਨ ਸਟੱਡੀਜ਼ ਵੱਲੋਂ ਆਯੋਜਿਤ ਕੀਤੇ ਗਏ ਇਸ ਆਨਲਾਈਨ ਸਰਵੇਖਣ ਵਿੱਚ ਪਤਝੜ੍ਹ ਵਿੱਚ ਫੈਡਰਲ ਚੋਣਾਂ ਸਬੰਧੀ ਲੋਕਾਂ ਦਾ ਪ੍ਰਤੀਕਰਮ ਰਲਿਆ ਮਿਲਿਆ ਸੀ।
42 ਫੀਸਦੀ ਲੋਕ ਚੋਣਾਂ ਦੇ ਖਿਆਲ ਦੇ ਵਿਰੋਧ ਵਿੱਚ ਸਨ ਅਤੇ 38 ਫੀਸਦੀ ਇਸ ਦੇ ਨਾਲ ਸਹਿਮਤ ਸਨ।
ਸਰਵੇਖਣ ਅਨੁਸਾਰ ਜੇ ਅੱਜ ਚੋਣਾਂ ਹੋ ਜਾਂਦੀਆਂ ਹਨ ਤਾਂ 38 ਫੀਸਦੀ ਵੋਟਰ ਲਿਬਰਲ ਪਾਰਟੀ ਨੂੰ ਆਪਣਾ ਸਮਰਥਨ ਦੇਣਗੇ, 30 ਫ਼ੀਸਦੀ ਕੰਜ਼ਰਵੇਟਿਵ ਪਾਰਟੀ ਨੂੰ, 18 ਫੀਸਦੀ ਐਨ.ਡੀ.ਪੀ. ਨੂੰ ਅਤੇ 6 ਫੀਸਦੀ ਗ੍ਰੀਨ ਪਾਰਟੀ ਨੂੰ।
ਬਲੌਕ ਕਿਊਬੈਕਵਾ ਨੂੰ ਕਿਊਬੈਕ ਦੇ ਵਿੱਚ 33 ਫੀਸਦੀ ਲੋਕਾਂ ਦਾ ਸਮਰਥਨ ਹਾਸਲ ਹੈ।
ਜ਼ਿਕਰਯੋਗ ਹੈ ਕਿ ਇਹ ਸਰਵੇਖਣ ਐਰਿਨ ਓ'ਟੂਲ ਦੇ ਕੰਜ਼ਰਵੇਟਿਵ ਪਾਰਟੀ ਲੀਡਰ ਚੁਣੇ ਜਾਣ ਤੋਂ ਪਹਿਲਾਂ ਕੀਤਾ ਗਿਆ ਸੀ।
ਸਰਵੇਖਣ ਵਿੱਚ ਹਿੱਸਾ ਲੈਣ ਵਾਲੇ ਵਿਅਕਤੀਆਂ ਨੇ ਟਰੂਡੋ ਨੂੰ ਇੱਕ ਸੂਝਵਾਨ ਲੀਡਰ ਦੱਸਿਆ ਜਿਸ ਉੱਤੇ ਆਰਥਿਕਤਾ ਨੂੰ ਮੁੜ ਸੁਰਜੀਤ ਕਰਨ ਲਈ ਭਰੋਸਾ ਕੀਤਾ ਜਾ ਸਕਦਾ ਹੈ।
ਇਹ ਸਰਵੇਖਣ 21-23 ਅਗਸਤ ਵਿਚਕਾਰ ਆਯੋਜਿਤ ਕੀਤਾ ਗਿਆ ਅਤੇ ਇਸ ਵਿੱਚ 1,516 ਕਨੇਡੀਅਨ ਲੋਕਾਂ ਨੇ ਹਿੱਸਾ ਲਿਆ।
