16.99C Vancouver 16.99C VancouverNov 16, 2022 1:38 AM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੇ ਦਫ਼ਤਰ ਨੇ ਟਰੂਡੋ ਦੇ ਟਵਿਟਰ ਖਾਤੇ ਤੋਂ ਇੱਕ ਟਵੀਟ ਹਟਾਉਣ ਸੰਬੰਧੀ ਜਾਣਕਾਰੀ ਦਿੱਤੀ ਹੈ।
ਇਹ ਟਵੀਟ ਇਰਾਨ 'ਚ ਜਾਰੀ ਪ੍ਰਦਰਸ਼ਨਾਂ ਸੰਬੰਧੀ ਸੀ ਅਤੇ ਟਵੀਟ 'ਚ ਆਖਿਆ ਗਿਆ ਸੀ ਕਿ ਇਰਾਨ ਨੇ ਨਿਰਦਈ ਢੰਗ ਨਾਲ 15,000 ਪ੍ਰਦਰਸ਼ਨਕਾਰੀਆਂ ਨੂੰ ਮੌਤ ਦੀ ਸਜਾ ਸੁਣਾਉਣ ਦਾ ਐਲਾਨ ਕੀਤਾ ਹੈ।
ਹਾਲਾਂਕਿ ਇਸ ਗਿਣਤੀ ਨੂੰ ਵੱਡੇ ਪੱਧਰ 'ਤੇ ਡਿਸਕਰੈਡਿਟ ਕੀਤਾ ਗਿਆ ਹੈ ਅਤੇ ਇਸ ਨੂੰ ਗਲਤ ਜਾਣਕਾਰੀ ਦੱਸਿਆ ਗਿਆ ਹੈ।
ਪ੍ਰਧਾਨ ਮੰਤਰੀ ਦੇ ਦਫ਼ਤਰ ਦਾ ਕਹਿਣਾ ਸੀ ਕਿ ਇਹ ਟਵੀਟ ਕਰੀਬ 11 ਘੰਟੇ ਤਕ ਟਵਿਟਰ ਖਾਤੇ 'ਤੇ ਮੌਜੂਦ ਸੀ ਅਤੇ ਇਸ 'ਚ ਸਹੀ ਜਾਣਕਾਰੀ ਨਹੀਂ ਸੀ।
ਯਾਦ ਰਹੇ ਇਸੇ ਟਵੀਟ ਸੰਬੰਧੀ ਜਾਣਕਾਰੀ ਸੋਸ਼ਲ ਮੀਡੀਆ 'ਤੇ ਸਰਕੁਲੇਟ ਹੋ ਰਹੀ ਸੀ ਅਤੇ ਕਈ ਸੈਲੀਬ੍ਰਿਟੀਸ ਨੇ ਇਸ ਨੂੰ ਸਾਂਝਾ ਕੀਤਾ ਸੀ।
ਯਾਦ ਰਹੇ 22 ਸਾਲਾ ਇਰਾਨੀ ਔਰਤ ਮਾਹਸਾ ਆਮੀਨੀ ਨੂੰ 13 ਸਿਤੰਬਰ ਨੂੰ ਤਹਿਰਾਨ 'ਚ ਹੈਡਸਕਾਰਫ ਹੇਠ ਵਾਲ ਦਿਖਾਉਣ ਲਈ ਗ੍ਰਿਫਤਾਰ ਕੀਤਾ ਗਿਆ ਸੀ ਅਤੇ 3 ਦਿਨ ਬਾਅਦ ਉਸ ਨੂੰ ਮ੍ਰਿਤ ਪਾਇਆ ਗਿਆ ਸੀ।
ਇਸ ਘਟਨਾ ਤੋਂ ਬਾਅਦ ਇਰਾਨ 'ਚ ਵੱਡੇ ਪੱਧਰ 'ਤੇ ਪ੍ਰਦਰਸ਼ਨ ਜਾਰੀ ਰਹੇ ਹਨ।
