14.37C Vancouver 14.37C VancouverMar 19, 2021 5:42 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਦੱਸਿਆ ਕਿ ਚੀਨ 'ਚ ਸ਼ੁੱਕਰਵਾਰ ਨੂੰ ਮਾਈਕਲ ਸਪੇਵਰ ਦੇ ਟ੍ਰਾਇਲ ਸੰਬੰਧੀ ਕਰੀਬ 2 ਘੰਟੇ ਤਕ ਸੁਣਵਾਈ ਹੋਈ ਹੈ।
ਉਨ੍ਹਾਂ ਚੀਨ ਵੱਲੋਂ ਮਾਮਲੇ 'ਚ ਪਾਰਦਰਸ਼ਿਤਾ ਨਾ ਵਿਖਾਏ ਜਾਣ ਦੀ ਆਲੋਚਨਾ ਕੀਤੀ।
ਉਨ੍ਹਾਂ ਦੱਸਿਆ ਕਿ ਕੈਨੇਡਾ ਦੇ ਕੌਂਸੁਲਰ ਅਧਿਕਾਰੀਆਂ ਨੂੰ ਵੀ ਇਸ ਟ੍ਰਾਇਲ ਦਾ ਹਿੱਸਾ ਬਣਨ ਦੀ ਇਜਾਜ਼ਤ ਨਹੀਂ ਦਿੱਤੀ ਗਈ ਸੀ।
ਚੀਨ ਨੇ ਮਾਈਕਲ ਸਪੇਵਰ 'ਤੇ ਦੇਸ਼ ਦੀਆਂ ਗੁਪਤ ਸੂਚਨਾਵਾਂ ਦੀ ਚੋਰੀ ਦੇ ਦੋਸ਼ ਲਗਾਏ ਹਨ।
ਇਹ ਗ੍ਰਿਫਤਾਰੀ ਸਾਲ 2018 'ਚ ਉਸ ਵੇਲੇ ਹੋਈ ਸੀ ਜਦ ਇਸ ਤੋਂ ਕੁਝ ਹੀ ਦਿਨ ਪਹਿਲਾਂ, ਦਿਸੰਬਰ 2018 'ਚ ਵੁਆਵੇ ਐਗਜ਼ੀਕਿਊਟਿਵ ਮੰਗ ਵੰਜੋ ਨੂੰ ਵੈਨਕੂਵਰ ਦੇ ਹਵਾਈ ਅੱਡੇ 'ਤੇ ਗ੍ਰਿਫਤਾਰ ਕੀਤਾ ਗਿਆ ਸੀ।
ਮਾਈਕਲ ਕੋਵਰਿਗ ਦੇ ਮਾਮਲੇ ਸੰਬੰਧੀ ਸੁਣਵਾਈ ਸੋਮਵਾਰ ਨੂੰ ਹੋਣੀ ਹੈ।
ਟਰੂਡੋ ਨੇ ਕਿਹਾ ਕਿ ਮਾਈਕਲ ਸਪੇਵਰ ਅਤੇ ਮਾਈਕਲ ਕੋਵਰਿਗ ਦੀਆਂ ਮਨਮਾਨੀ ਦੇ ਨਾਲ ਕੀਤੀਆਂ ਗ੍ਰਿਫਤਾਰੀਆਂ ਨੂੰ ਮਨਜ਼ੂਰ ਨਹੀਂ ਕੀਤਾ ਜਾ ਸਕਦਾ।
