17.05C Vancouver 17.05C VancouverDec 5, 2022 8:20 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅੱਜ ਔਂਟੈਰੀਓ 'ਚ ਇੰਗਰਸਾਲ ਪਹੁੰਚੇ ਹੋਏ ਸਨ।
ਇਸ ਮੌਕੇ ਉਨ੍ਹਾਂ ਸੂਬੇ ਦੇ ਪ੍ਰੀਮਿਅਰ ਡਗ ਫੋਰਡ ਦੀ ਮੌਜੂਦਗੀ 'ਚ ਦੇਸ਼ ਦੇ ਪਹਿਲੇ ਫੁੱਲ-ਸਕੇਲ ਐਲਿਕਟ੍ਰਿਕ ਵਾਹਨ ਮੈਨੂਫੈਕਚਰਿੰਗ ਪਲਾਂਟ ਬਾਰੇ ਖੁਸ਼ੀ ਜ਼ਾਹਿਰ ਕੀਤੀ।
ਟਰੂਡੋ ਨੇ ਕਿਹਾ ਕਿ ਅੱਜ ਤੋਂ ਇੰਗਰਸਾਲ ਦੇ ਜਨਰਲ ਮੋਟਰਸ ਦੇ ਪਲਾਂਟ 'ਚ ਇਲੈਕਟ੍ਰਿਕ ਡਿਲੀਵਰੀ ਵੈਨਸ ਨੂੰ ਰੋਲ-ਆਫ ਕਰਨਾ ਆਰੰਭ ਦਿੱਤਾ ਗਿਆ ਹੈ।
ਜਨਰਲ ਮੋਟਰਸ ਨੇ ਇਸ ਪਲਾਂਟ ਨੂੰ ਫੁੱਲ ਸਕੇਲ ਈ.ਵੀ. ਪ੍ਰੋਡਕਸ਼ਨ ਫੈਸਿਲਟੀ 'ਚ ਤਬਦੀਲ ਕਰ ਦਿੱਤਾ ਹੈ।
ਪ੍ਰਧਾਨ ਮੰਤਰੀ ਦੀ ਇਸ ਫੈਸਿਲਟੀ ਦੀ ਅਹਿਮੀਅਤ ਸੰਬੰਧੀ ਗੱਲਬਾਤ ਦੌਰਾਨ ਪ੍ਰੀਮਿਅਰ ਡਗ ਫੋਰਡ ਅਤੇ ਸੂਬੇ ਦੇ ਇਕਨੌਮਿਕ ਡਿਵੈਲਪਮੈਂਟ ਮੰਤਰੀ ਵਿਕ ਫੈਡੇਲੀ ਵੀ ਮੌਜੂਦ ਸਨ।
ਜੀ.ਐਮ. ਦੇ $2 ਬਿਲੀਅਨ ਦੇ ਇਸ ਪ੍ਰੋਜੈਕਟ 'ਚ ਔਂਟੈਰੀਓ ਅਤੇ ਫੈਡਰਲ ਸਰਕਾਰ ਨੇ ਵੀ ਅਲੱਗ-ਅਲੱਗ $259 ਮਿਲੀਅਨ ਦੇ ਯੋਗਦਾਨ ਪਾਏ ਹਨ।
ਫੈਡਰਲ ਸਰਕਾਰ ਦਾ ਕਹਿਣਾ ਹੈ ਕਿ ਇਸ ਪਲਾਂਟ 'ਤੇ ਸਾਲ 2025 ਤੱਕ 50,000 ਇਲੈਕਟ੍ਰਿਕ ਵਾਹਨਾਂ ਦੇ ਉਤਪਾਦ ਦਾ ਅਨੁਮਾਨ ਹੈ।
