18.55C Vancouver 18.55C VancouverAug 21, 2020 3:31 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਔਂਟੈਰੀਓ ਦੇ ਪ੍ਰੀਮਿਅਰ ਡਗ ਫ਼ੋਰਡ ਨੇ ਅੱਜ ਇੱਕ ਭਾਈਵਾਲੀ ਕਰਾਰ ਦਾ ਐਲਾਨ ਕੀਤਾ ਹੈ, ਜਿਸ ਦੇ ਆਸਰੇ 'ਮੇਡ ਇਨ ਕੈਨੇਡਾ' ਨਿੱਜੀ ਸੁਰੱਖਿਆ ਉਪਕਰਣ ਬਣਾਏ ਜਾਣਗੇ।
ਟਰੂਡੋ ਅਤੇ ਫ਼ੋਰਡ ਅੱਜ ਔਂਟੈਰੀਓ 'ਚ ਬਰੌਕਵਿਲ ਪਹੁੰਚੇ ਹੋਏ ਸਨ, ਜਿੱਥੇ ਕਿ ਇੱਕ ਲੋਕਲ ਪਲਾਂਟ 'ਚ 3M ਵੱਲੋਂ N-95 ਮਾਸਕਸ ਦੀ ਗਿਣਤੀ 'ਚ ਇਜ਼ਾਫ਼ਾ ਕੀਤਾ ਜਾਵੇਗਾ।
ਇਸ ਤਹਿਤ ਹਰ ਸਾਲ 100 ਮਿਲੀਅਨ ਮੈਡਿਕਲ ਗ੍ਰੇਡ N-95 ਮਾਸਕ ਤਿਆਰ ਕੀਤੇ ਜਾਣਗੇ।
ਆਪਣੇ $23.3 ਮਿਲੀਅਨ ਦੇ ਯੋਗਦਾਨ ਲਈ ਫ਼ੈਡਰਲ ਅਤੇ ਪ੍ਰੋਵਿੰਸ਼ੀਅਲ ਸਰਕਾਰ ਨੂੰ ਅਗਲੇ 5 ਸਾਲ ਤੱਕ 25 ਮਿਲੀਅਨ ਮਾਸਕ ਉਪਲੱਬਧ ਕਰਵਾਏ ਜਾਣਗੇ।
ਇਸ ਦੀ ਵਰਤੋਂ ਫਰੰਟ ਲਾਈਨ ਹੈਲਥ ਕੇਅਰ ਅਤੇ ਹੋਰ ਜ਼ਰੂਰੀ ਕੰਮਾਂ ਸੰਬੰਧਤ ਕਰਮਚਾਰੀਆਂ ਵਲੋਂਕੀਤੀ ਜਾਵੇਗੀ।
'ਵੀ ਚੈਰਿਟੀ' ਵਿਵਾਦ 'ਤੇ ਵੀ ਕੀਤੀ ਟਿੱਪਣੀ
ਅੱਜ ਟਰੂਡੋ ਔਂਟੈਰੀਓ 'ਚ ਬਰੌਕਵਿਲ ਪਹੁੰਚੇ ਸਨ, ਅਤੇ ਇਸ ਦੌਰਾਨ ਟਰੂਡੋ ਤੋਂ 'ਵੀ ਚੈਰਿਟੀ' ਵਿਵਾਦ ਨਾਲ ਜੁੜੇ ਸਵਾਲ ਪੁੱਛੇ ਗਏ।
ਟਰੂਡੋ ਨੇ ਕਿਹਾ ਕਿ ਉਹ ਫਿਰ ਤੋਂ ਦੁਹਰਾਉਣਾ ਚਾਹੁੰਦੇ ਹਨ ਕਿ ਸਟੂਡੈਂਟ ਜੌਬ ਪ੍ਰੋਗਰਾਮ ਨੂੰ 'ਵੀ ਚੈਰਿਟੀ' ਨੂੰ ਦਿੱਤੇ ਜਾਣ ਬਾਰੇ ਉਨ੍ਹਾਂ ਨੂੰ 8 ਮਈ ਤੱਕ ਕੁਝ ਵੀ ਨਹੀਂ ਪਤਾ ਸੀ।
ਉਨ੍ਹਾਂ ਕਿਹਾ ਕਿ ਇਸ ਤੋਂ ਬਾਅਦ ਹੀ ਉਨ੍ਹਾਂ ਨੂੰ ਪਤਾ ਲੱਗਿਆ ਸੀ ਕਿ ਪਬਲਿਕ ਸਰਵਿਸ ਅਧਿਕਾਰੀਆਂ ਨੇ ਇਸ ਪ੍ਰੋਗਰਾਮ ਲਈ 'ਵੀ ਚੈਰਿਟੀ' ਦੀ ਚੋਣ ਕੀਤੀ ਹੈ।
ਟਰੂਡੋ ਨੇ ਕਿਹਾ ਕਿ ਮੌਰਨੋ ਨੇ ਮਾਮਲੇ ਸੰਬੰਧੀ ਅਸਤੀਫ਼ਾ ਜ਼ਰੂਰ ਦਿੱਤਾ ਹੈ, ਪਰ ਉਨ੍ਹਾਂ ਕਿਹਾ ਕਿ ਮੌਰਨੋ ਆਪਣੇ ਪਿੱਛੇ ਚੰਗੇ ਕੰਮਾਂ ਦੀ ਵਿਰਾਸਤ ਛੱਡ ਕੇ ਗਏ ਹਨ।
ਯਾਦ ਰਹੇ ਬਿਲ ਮੌਰਨੋ ਨੇ ਇਸੇ ਹਫ਼ਤੇ ਸੋਮਵਾਰ ਨੂੰ ਆਪਣੇ ਵਿੱਤ ਮੰਤਰੀ ਦੇ ਅਹੁਦੇ ਤੋਂ ਅਸਤੀਫ਼ਾ ਦਿੱਤਾ ਸੀ।
