25.13C Vancouver 25.13C VancouverFeb 26, 2021 12:56 AM -
ਟਰੂਡੋ ਸਰਕਾਰ ਨੇ ਨਵੇਂ ਨਿਯੁਕਤ ਕੀਤੇ ਗਏ 'ਚੀਫ਼ ਆਫ ਡਿਫੈਂਸ ਸਟਾਫ਼' ਦੇ ਅਹੁਦਾ ਛੱਡਣ ਦੇ ਮਾਮਲੇ ਅਤੇ ਉਨ੍ਹਾਂ 'ਤੇ ਜਾਂਚ ਬਿਠਾਏ ਜਾਣ ਸੰਬੰਧੀ ਚੁੱਪੀ ਧਾਰੀ ਹੋਈ ਹੈ।
ਇਹ ਜਾਂਚ ਕਿਉਂ ਕੀਤੀ ਜਾ ਰਹੀ ਹੈ, ਇਸ 'ਤੇ ਵੀ ਜਵਾਬ ਨਹੀਂ ਦਿੱਤੇ ਗਏ ਹਨ।
ਡਿਪਟੀ ਪ੍ਰਧਾਨ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਨੇ ਅੱਜ ਹਾਊਸ ਆਫ ਕਾਮਨਜ਼ ਵਿੱਚ ਮੰਨਿਆ ਕਿ ਜਾਂਚ ਕੀਤੀ ਜਾ ਰਹੀ ਹੈ ਪਰ ਇਸ ਦੇ ਵਧੇਰੇ ਵੇਰਵੇ ਨਹੀਂ ਦਿੱਤੇ ਗਏ।
ਐਡਮਿਰਲ ਆਰਟ ਮੈਕਡੌਨਲਡ ਨੇ ਹਾਲ ਦੀ ਘੜੀ ਅਹੁਦਾ ਛੱਡ ਦਿੱਤਾ ਹੈ।
ਅੱਜ ਕੰਜ਼ਰਵੇਟਿਵ ਲੀਡਰ ਐਰਿਨ ਓ'ਟੂਲ ਨੇ ਜਾਂਚ ਸੰਬੰਧੀ ਸਵਾਲਾਂ ਨਾਲ ਕਵਸਚਨ ਪੀਰੀਅਡ ਦੌਰਾਨ ਲਿਬਰਲ ਸਰਕਾਰ ਨੂੰ ਘੇਰਿਆ, ਪਰ ਫ੍ਰੀਲੈਂਡ ਨੇ ਇਹਨਾਂ ਸਵਾਲਾਂ ਦੇ ਸਿੱਧੇ ਜਵਾਬ ਨਹੀਂ ਦਿੱਤੇ।
ਕ੍ਰਿਸਟੀਆ ਫ੍ਰੀਲੈਂਡ ਨੇ ਮੰਨਿਆ ਕਿ ਸਰਕਾਰ 'ਬਦਸਲੂਕੀ' ਦੀਆਂ ਘਟਨਾਵਾਂ ਨੂੰ ਬੇਹੱਦ ਗੰਭੀਰਤਾ ਨਾਲ ਲੈਂਦੀ ਹੈ।
ਰੱਖਿਆ ਮੰਤਰੀ ਹਰਜੀਤ ਸੱਜਣ ਨੇ ਬੀਤੀ ਰਾਤ ਦੱਸਿਆ ਸੀ ਕਿ ਮੈਕਡੌਨਲਡ ਨੇ ਖੁਦ ਅਹੁਦਾ ਛੱਡਣ ਦਾ ਫੈਸਲਾ ਲਿਆ ਸੀ ਅਤੇ ਮਿਲਟਰੀ ਪੁਲਿਸ ਕਥਿਤ ਇਲਜ਼ਾਮਾਂ ਦੀ ਜਾਂਚ ਕਰ ਰਹੀ ਹੈ।
