ਪੀ. ਐੱਮ. ਟਰੂਡੋ ਨੇ ਟਰੰਪ ਨੂੰ ਦੱਸਿਆ ਔਰਤਾਂ ਦੀ ਤਰੱਕੀ ਰੋਕਣ ਵਾਲਾ ਵਿਅਕਤੀ

ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਟਰੰਪ ਨਾਲ ਖਿਚੋਤਾਣ ਵਿਚਕਾਰ ਕਮਲਾ ਹੈਰਿਸ ਦੀ ਰਾਸ਼ਟਰਪਤੀ ਚੋਣਾਂ ਵਿਚ ਹਾਰ ਨੂੰ ਔਰਤਾਂ ਦੀ ਤਰੱਕੀ 'ਤੇ ਹਮਲੇ ਵਜੋਂ ਕਰਾਰ ਦਿੱਤਾ ਹੈ। ਬੀਤੀ ਰਾਤ ਔਟਵਾ ਵਿਚ ਇਕੁਅਲ ਵੋਇਸ ਫਾਊਂਡੇਸ਼ਨ ਦੇ ਪ੍ਰੋਗਰਾਮ ਵਿਚ ਉਨ੍ਹਾਂ ਇਹ ਟਿੱਪਣੀ ਕੀਤੀ।

ਟਰੂਡੋ ਨੇ ਕਿਹਾ ਕਿ ਕੁਝ ਹਫ਼ਤੇ ਪਹਿਲਾਂ ਅਮਰੀਕਾ ਨੇ ਦੂਸਰੀ ਵਾਰ ਇੱਕ ਮਹਿਲਾ ਨੂੰ ਆਪਣੀ ਪਹਿਲੀ ਰਾਸ਼ਟਰਪਤੀ ਵਜੋਂ ਨਾ ਚੁਣਨ ਲਈ ਵੋਟ ਕੀਤੀ, ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਹਰ ਪਾਸੇ ਔਰਤਾਂ ਦੇ ਅਧਿਕਾਰਾਂ ਅਤੇ ਔਰਤਾਂ ਦੀ ਤਰੱਕੀ 'ਤੇ ਹਮਲੇ ਹੋ ਰਹੇ ਹਨ।

ਗੌਰਤਲਬ ਹੈ ਕਿ ਪੀ. ਐੱਮ. ਟਰੂਡੋ ਦੀ ਇਹ ਟਿੱਪਣੀ ਟਰੰਪ ਵਲੋਂ ਉਨ੍ਹਾਂ 'ਤੇ ਸਾਧੇ ਗਏ ਨਿਸ਼ਾਨੇ ਤੋਂ ਕੁਝ ਘੰਟੇ ਬਾਅਦ ਆਈ ਹੈ, ਟਰੰਪ ਨੇ ਮੰਗਲਵਾਰ ਸਵੇਰ ਆਪਣੇ ਸੋਸ਼ਲ ਮੀਡੀਆ ਪਲੇਟਫੋਰਮ ਟਰੁੱਥ ਸੋਸ਼ਲ'ਤੇ ਟਰੂਡੋ ਨੂੰ ਗ੍ਰੇਟ ਸਟੇਟ ਆਫ਼ ਕੈਨੇਡਾ ਦਾ ਗਵਰਨਰ ਦੱਸਿਆ ਸੀ ਅਤੇ ਮਜ਼ਾਕ ਉਡਾਉਂਦੇ ਕਿਹਾ ਸੀ ਕਿ ਉਹ ਜਲਦ ਹੀ ਗਵਰਨਰ ਨਾਲ ਫਿਰ ਤੋਂ ਮੁਲਾਕਾਤ ਦੀ ਉਮੀਦ ਕਰਦੇ ਹਨ।