19.86C Vancouver 19.86C VancouverFeb 3, 2021 2:32 AM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕਿਹਾ ਹੈ ਕਿ ਨਵੀਆਂ ਯਾਤਰਾ ਸੰਬੰਧੀ ਪਬੰਦੀਆਂ 'ਚ ਕੁਝ ਕੁ ਅਪਵਾਦ ਵੇਖਣ ਨੂੰ ਮਿਲ ਸਕਣਗੇ।
ਹਾਲਾਂਕਿ ਇਹ ਤਬਦੀਲੀਆਂ ਹਮਦਰਦੀ ਦੇ ਆਧਾਰ 'ਤੇ ਕੀਤੀਆਂ ਜਾ ਸਕਣਗੀਆਂ।
ਹਾਲਾਂਕਿ ਟਰੂਡੋ ਨੇ ਨਾਲ ਹੀ ਜ਼ੋਰ ਦਿੱਤਾ ਕਿ ਕੋਵਿਡ-19 ਦੇ ਨਵੇਂ ਵੇਰੀਐਂਟਸ ਦੇ ਫੈਲਾਅ ਦੀਆਂ ਰਿਪੋਰਟਸ ਵਿਚਾਲੇ ਇਹ ਸਪਸ਼ਟ ਹੈ ਕਿ ਆਉਂਦੇ ਕੁਝ ਹਫ਼ਤਿਆਂ 'ਚ ਪਬੰਦੀਆਂ ਨੂੰ ਸਖਤੀ ਨਾਲ ਲਾਗੂ ਕੀਤਾ ਜਾਵੇਗਾ।
ਯਾਦ ਰਹੇ ਪ੍ਰਧਾਨ ਮੰਤਰੀ ਟਰੂਡੋ ਨੇ ਬੀਤੇ ਹਫ਼ਤੇ ਐਲਾਨ ਕੀਤਾ ਸੀ ਕਿ ਵਿਦੇਸ਼ ਤੋਂ ਆਉਂਦੇ ਯਾਤਰੀਆਂ ਨੂੰ ਆਪਣੇ ਖਰਚੇ 'ਤੇ 3 ਦਿਨ ਤੱਕ ਹੋਟਲ 'ਚ ਰਹਿਣਾ ਪੈ ਸਕਦਾ ਹੈ ਅਤੇ ਉਨ੍ਹਾਂ ਦੇ ਹਵਾਈ ਅੱਡੇ 'ਤੇ ਪੀ.ਸੀ.ਆਰ. ਟੈਸਟ ਹੋਣਗੇ।
ਹਾਲਾਂਕਿ ਇਸ ਦੇ ਲਾਗੂ ਹੋਣ ਦੀ ਮਿਤੀ ਸਾਂਝੀ ਨਹੀਂ ਕੀਤੀ ਗਈ।
ਯਾਦ ਰਹੇ ਕੈਨੇਡਾ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ ਕੋਵਿਡ-19 ਵੇਰੀਐਂਟਸ ਦੀ ਕਮਿਊਨਿਟੀ ਟ੍ਰਾਂਸਮਿਸ਼ਨ ਦੇ ਸੰਕੇਤ ਮਿਲ ਰਹੇ ਹਨ।
ਉਨ੍ਹਾਂ ਕਿਹਾ ਕਈ ਸੂਬਿਆਂ 'ਚ ਅਜਿਹਾ ਹੋ ਰਿਹਾ ਹੈ।
ਡਾ. ਟੈਮ ਦਾ ਕਹਿਣਾ ਹੈ ਕਿ ਦੱਖਣੀ ਅਫਰੀਕਾ ਅਤੇ ਯੂ.ਕੇ. ਨਾਲ ਸੰਬੰਧਤ ਵੇਰੀਐਂਟਸ ਦੇ 148 ਮਾਮਲੇ ਰਿਪੋਰਟ ਹੋ ਚੁੱਕੇ ਹਨ।
ਡਾ. ਟੈਮ ਨੇ ਕਿਹਾ ਕਿ ਔਂਟੈਰੀਓ, ਐਲਬਰਟਾ ਅਤੇ ਬ੍ਰਿਟਿਸ਼ ਕੋਲੰਬੀਆ 'ਚ ਇਹਨਾਂ ਵੇਰੀਐਂਟਸ ਦੇ ਪਹੁੰਚਣ ਤੋਂ ਬਾਅਦ ਹੁਣ ਅਧਿਕਾਰੀਆਂ ਨੂੰ ਆਪਣੀ ਟੈਸਟਿੰਗ ਕਪੈਸਟੀ ਵਧਾਉਣ ਦੀ ਲੋੜ ਹੈ।
