15.28C Vancouver 15.28C VancouverMar 5, 2021 8:33 PM -
ਅੱਜ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕਿਹਾ ਹੈ ਕਿ ਪੈਂਡੈਮਿਕ ਦੀ ਸ਼ੁਰੂਆਤ ਤੋਂ ਫੈਡਰਲ ਸਰਕਾਰ, ਸੂਬਾ ਸਰਕਾਰਾਂ ਲਈ ਖੜੀ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਸੂਬਿਆਂ ਦੇ ਹੈਲਥ ਕੇਅਰ ਸਿਸਟਮਸ ਤੋਂ ਇਲਾਵਾ, ਪੀ.ਪੀ.ਈ. ਅਤੇ ਹੋਰ ਤਰੀਕਿਆਂ ਨਾਲ ਮਦਦ ਪਹੁੰਚਾਉਣ ਦਾ ਸਿਲਸਿਲਾ ਜਾਰੀ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਫੈਡਰਲ ਸਰਕਾਰ ਨੇ ਹਰ ਕਦਮ 'ਤੇ ਵੱਖੋ-ਵੱਖਰੇ ਪ੍ਰੀਮਿਅਰਸ ਨਾਲ ਪਾਰਟਨਰਸ਼ਿਪ 'ਚ ਕੰਮ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ।
ਟਰੂਡੋ ਨੇ ਕਿਹਾ ਇਸ ਦੌਰਾਨ ਖਰਚੇ ਗਏ ਹਰ 10 ਡਾਲਰ ਵਿੱਚੋਂ 8 ਡਾਲਰ ਫੈਡਰਲ ਸਰਕਾਰ ਨੇ ਲਗਾਏ ਹਨ।
ਪਰ ਉਨ੍ਹਾਂ ਕਿਹਾ ਕਿ ਪ੍ਰੀਮਿਅਰਸ ਵੱਲੋਂ ਕੀਤੀ ਗਈ ਵਧੇਰੇ ਹੈਲਥ ਕੇਅਰ ਫਾਈਨੈਂਸਿੰਗ ਦੀ ਮੰਗ 'ਤੇ ਪੈਂਡੈਮਿਕ ਤੋਂ ਬਾਅਦ ਫੈਸਲਾ ਲਿਆ ਜਾਵੇਗਾ।
ਫੈਡਰਲ ਸਰਕਾਰ ਵੱਲੋਂ ਇਸ ਸਾਲ ਸੂਬਿਆਂ ਨੂੰ ਕਰੀਬ 42 ਬਿਲੀਅਨ ਡਾਲਰ ਹੈਲਥ ਕੇਅਰ ਲਈ ਟ੍ਰਾਂਸਫਰ ਕੀਤੇ ਜਾਣਗੇ।
ਇਸ ਅਰੇਂਜਮੈਂਟ ਤਹਿਤ ਹਰ ਸਾਲ ਇਸ ਰਕਮ 'ਚ 3% ਦਾ ਵਾਧਾ ਕੀਤਾ ਜਾਂਦਾ ਹੈ।
ਯਾਦ ਰਹੇ ਕੈਨੇਡਾ ਦੇ ਪ੍ਰੀਮਿਅਰਸ ਨੇ ਵੀਰਵਾਰ ਨੂੰ ਫੈਡਰਲ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਸੂਬਿਆਂ ਅਤੇ ਟੈਰੀਟਰੀਸ ਨੂੰ ਸਾਲਾਨਾ ਹੈਲਥ ਕੇਅਰ ਟ੍ਰਾਂਸਫਰ ਪੇਮੈਂਟਸ 'ਚ ਵਾਧਾ ਕੀਤਾ ਜਾਵੇ।
ਪ੍ਰੀਮਿਅਰਸ ਨੇ ਇੱਕਸਾਰ ਆਵਾਜ਼ ਬੁਲੰਦ ਕੀਤੀ ਹੈ ਕਿ ਟ੍ਰਾਂਸਫਰਸ ਵਿੱਚ 28 ਬਿਲੀਅਨ ਡਾਲਰ ਦਾ ਵਾਧਾ ਕੀਤਾ ਜਾਵੇ।
ਉਨ੍ਹਾਂ ਕਿਹਾ ਕਿ ਇਸ ਸਾਲ ਇਹ ਵਾਧਾ ਕਰਨ ਤੋਂ ਬਾਅਦ, ਆਗਾਮੀ ਸਾਲਾਂ 'ਚ ਇਸ ਵਿੱਚ 5% ਦਾ ਵਾਧਾ ਕੀਤਾ ਜਾਵੇ।
